ຕົກມາຮອດໃນໄລຍະນີ້ໄດ້ເລີ່ມເຂົ້າສູ່ລະດູຝົນ,
ສະພາບດິນຟ້າອາກາດຢູ່ບ້ານເຮົາກໍຄືກັບບັນດາປະເທດໃກ້ຄຽງອື່ນໆ ໄດ້ມີການປ່ຽນແປງໄປສູ່ອາກາດຮ້ອນອົບເອົ້າຜິດປົກກະຕິກ່ວາປີກ່ອນສົ່ງຜົນເຮັດໃຫ້ເກີດມີພາຍຸລະດູຮ້ອນ
ຢູ່ຫຼາຍເຂດ. ໃນນີ້, ສິ່ງທີ່ໜ້າເປັນຫວ່ງແມ່ນບັນຫາຄອງລະບາຍນ້ຳຕາມຖະໜົນສາຍຕ່າງໆໃນນະ ຄອນຫລວງວຽງຈັນ,
ເຊິ່ງໄລ ຍະ 2 ວັນຜ່ານມາ ເກີດມີຝົນຕົກບໍ່ເທົ່າໃດນາທີກໍເຫັນວ່າມີສະ ພາບນ້ຳອັ່ງເສັ້ນທາງຢູ່ຕາມຈຸດຕ່າງໆທີ່ນອນຢູ່ໃນເຂດພື້ນທີ່ຕ່ຳ.
ດັ່ງນັ້ນ, ຖ້າພວກເຮົາບໍ່ຮີບຮ້ອນ ທຳການລ້ວງຄອງລະບາຍນ້ຳນັບແຕ່ດຽວນີ້ ສິ່ງທີ່ຕາມມາໃນຍາມລະດູຝົນກໍຄືນ້ຳຖ້ວມເສັ້ນ
ທາງຄືກັບປີກ່ອນໆຢ່າງບໍ່ຕ້ອງສົງໃສ.
ສາເຫດຕົ້ນຕໍທີ່ພາໃຫ້ເກີດມີສະພາບນ້ຳອັ່ງຕາມແຄມເສັ້ນ
ທາງກໍຍ້ອນໃນຍາມລະດູແລ້ງການເຮັດອະນາໄມເສັ້ນທາງລວມໄປເຖິງປະຊາຊົນຜູ້ທີ່ຕັ້ງບ້ານເຮືອນຢູ່ຕາມແຄມທາງແຕ່
ລະເສັ້ນພາກັນປັດກວາດເຮັດອະ ນາໄມເສດຫີນ, ດິນຊາຍ,
ດິນແດງທີ່ຂຸຫລົ່ນຈາກລົດບັນທຸກຫີນຊາຍທີ່ແລ່ນຜ່ານຕາມເສັ້ນ
ທາງແຕ່ລະເສັ້ນລວມໄປເຖິງການປັດກວາດເສດຂີ້ເຫຍື້ອອື່ນໆລົງໃສ່ທາງ ແລະ ລົງສູ່ຄອງລະບາຍນ້ຳໃນຫລາຍຈຸດສົ່ງຜົນໃຫ້ຄອງລະບາຍນ້ຳເກີດມີການອຸດຕັນ
ແລະ ເກີດມີນ້ຳອັ່ງຖ້ວມທາງໃນຍາມລະດູຝົນ. ດັ່ງນັ້ນ ອົງການຈັດຕັ້ງທີ່ກ່ຽວ
ຂ້ອງໂດຍສະເພາະແມ່ນອົງການບໍລິຫານ ແລະ ພັດທະນາຕົວເມືອງ (ອພບ), ຄວນຮີບຮ້ອນມີແຜນການສົມທົບກັບອຳນາດການປົກຄອງຂັ້ນຕ່າງໆພ້ອມພາ
ກັນຈັດຕັ້ງປະຕິບັດລ້ວງຄອງລະ ບາຍນ້ຳແຕ່ລະເສັ້ນໃຫ້ມີຄວາມສະອາດສາມາດຮອງຮັບກັບບັນ
ຫານ້ຳຖ້ວມທີ່ອາດຈະເກີດຂຶ້ນໃນລະດູຝົນທີ່ຈະມາເຖິງນີ້.
No comments:
Post a Comment