ທ່ານ ທອງສິງ ທຳມະວົງ ກຳ ມະການກົມການເມືອງສູນກາງພັກ,
ນາຍົກ ລັດຖະມົນຕີ ແຫ່ງ ສປປ ລາວ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ກວດ ກາສະພາບໂຄງການກໍ່ສ້າງສະ
ໜາມບິນໜອງຄ້າງ ເມືອງຊຳເໜືອ ແຂວງຫົວພັນ ໃນວັນທີ 17 ເມສານີ້ ໂດຍໄດ້ຮັບການຕ້ອນ
ຮັບຢ່າງອົບອຸ່ນຈາກທ່ານ ຄຳຮຸ່ງ ເຮືອງວົງສີ ກຳມະການສູນກາງພັກ, ເລຂາພັກແຂວງ,
ເຈົ້າແຂວງຫົວພັນ ພ້ອມຄະນະນຳແຂວງດັ່ງກ່າວ.
ໃນໂອກາດນີ້, ທ່ານນາຍົກ ລັດຖະມົນຕີ ໄດ້ຮັບຟັງການລາຍງານຜົນຄືບໜ້າຂອງການກໍ່ສ້າງໂຄງການໂດຍຫຍໍ້ຈາກເຈົ້າແຂວງຫົວພັນວ່າ:
ໂຄງການນີ້ເປັນໂຄງການໜຶ່ງຂອງລັດຖະ ບານລາວທີ່ສ້າງຂຶ້ນເພື່ອຮອງຮັບເຮືອບິນສາຍພາຍໃນ
ແລະ ຕ່າງ ປະເທດໃນອະນາຄົດ ພ້ອມທັງຊຸກຍູ້ສົ່ງເສີມການພັດທະນາເສດຖະກິດ-ສັງຄົມ
ແລະ ການ ທ່ອງທ່ຽວຂອງແຂວງຫົວພັນ ກໍຄືຂອງປະເທດ ໂດຍສະເພາະວຽກງານຂົນສົ່ງທາງອາກາດ
ແລະ ທັງເປັນການຫັນນະໂຍ ບາຍຂອງ ສປປ ລາວ ທີ່ບໍ່ມີຊາຍ
ແດນຕິດກັບທະເລມາເປັນບໍລິ
ການທາງຜ່ານ ແລະ ຄວາມມຸ່ງໝັ້ນສ້າງປະເທດໃຫ້ຫລຸດພົ້ນ ອອກຈາກສະພາບດ້ອຍພັດທະ
ນາໃນປີ 2020. ພ້ອມນັ້ນ ຍັງໄດ້ຮັບລາຍງານຄວາມຄືບໜ້າຂອງໂຄງການກໍ່ສ້າງສະໜາມບິນໜອງຄ້າງຈາກຄະນະຮັບຜິດ
ຊອບໂຄງການດັ່ງກ່າວຂອງບໍລິ ສັດພັດທະນາກະສິກຳຮວ່າງແອງອັດຕະປືຈຳກັດໃນຖານະເປັນຜູ້ຮັບເໝົາກໍ່ສ້າງວ່າ:
ໂຄງການນີ້ໄດ້ລົງມືກໍ່ສ້າງແຕ່ວັນທີ 15 ມິຖຸ ນາ 2013 ເປັນຕົ້ນມາ ໂດຍມີໜ້າວຽກທັງໝົດ
ຄືສ້າງທາງຂຶ້ນ ແລະ ລົງຂອງເຮືອລິນ ຂະໜາດ 2.488 x 30 ແມັດ, ທາງແວ່, ລານຈອດ,
ອາຄານຜູ້ໂດຍສານສອງຊັ້ນ, ສະຖານີອຸຕຸນິຍົມ, ວິ ທະຍຸຊ່ວຍການບິນ, ລະບົບນ້ຳ ແລະ
ໄຟຟ້າ, ຮົ້ວອ້ອມສະໜາມບິນ ແລະ ອື່ນໆ ລວມມູນຄ່າກໍ່ ສ້າງທັງໝົດ 74 ລ້ານໂດລາສະ
ຫະລັດ ເຊິ່ງມາຮອດປັດຈຸບັນ ໂຄງການດັ່ງກ່າວໄດ້ສ້າງສຳເລັດໄປແລ້ວ 10% ແລະ ພວມເລັ່ງມືກໍ່ສ້າງຢ່າງເຄັ່ງຮ້ອນ
ໂດຍສະເພາະການຖົມໜ້າດິນ ເຊິ່ງດຳເນີນໄປຕາມມາດຕະຖານຂອງກົມການບິນພົນລະເຮືອນ
ແລະ ສາກົນວາງອອກ, ຄາດວ່າຈະໃຫ້ສຳເລັດ ແລະ ເປີດນຳໃຊ້ຢ່າງເປັນທາງການໃນວັນທີ
25 ມິຖຸ ນາ 2015. ຖ້າຫາກໂຄງການນີ້ສຳເລັດຕາມແຜນການ ຈະສາ ມາດຮອງຮັບເຮືອບິນຂະໜາດ
70-100 ບ່ອນນັ່ງເຊັ່ນ: ATR72, Fokker70 ຫລື ທຽບເທົ່າ.
ໃນໂອກາດດຽວກັນນີ້, ທ່ານນາຍົກລັດຖະມົນຕີ ທອງສິງ
ທຳມະວົງ ໄດ້ເນັ້ນໃຫ້ບໍລິສັດພັດທະ ນາກະສິກຳຮວ່າງແອງອັດຕະປື ຈົ່ງເອົາໃຈໃສ່ໃນການກໍ່ສ້າງໜ້າວຽກຂອງສະໜາມບິນແຫ່ງນີ້ໃຫ້ໄດ້ມາດຕະຖານຂອງກົມການບິນພົນລະເຮືອນວາງອອກ
(MOS2009) ແລະ ມາດຖານສາ ກົນ (ICAO) ທັງນີ້ກໍເພື່ອຮັບປະ ກັນໃຫ້ການນຳໃຊ້ມີຄວາມປອດໄພ
ແລະ ໝັ້ນຄົງຍາວນານ.
No comments:
Post a Comment