ພິທີພົບປະລະຫວ່າງຄະນະສະມາຄົມສື່ມວນຊົນໄທ
ແລະ ສະມາຄົມນັກຂ່າວ ແຫ່ງ ສປປ ລາວ ໄດ້ມີຂຶ້ນໃນວັນທີ 16 ພຶດສະພານີ້ ຢູ່ນະຄອນຫລວງວຽງຈັນ
ພາຍຫລັງຄະນະສື່ມວນຊົນໄທໄດ້ເດີນທາງມາຢ້ຽມຢາມ ສປປ ລາວ ນຳໂດຍທ່ານ ນຳປະສົງ
ເລີດລະທະນະວິສຸດ ຫົວໜ້າສະຖາບັນອິດສະລາ ທັງເປັນຫົວໜ້າສະມາຄົມສື່ມວນຊົນ
ແລະ ສື່ສິ່ງພິມແຫ່ງປະເທດໄທ ແລະ ຝ່າຍລາວນຳໂດຍທ່ານ ສົມສະໜຸກ ມີໄຊ ຮອງປະທານສະ
ມາຄົມນັກຂ່າວ ແຫ່ງ ສປປ ລາວ.
ການພົບທີ່ໄດ້ດຳເນີນໄປດ້ວຍບັນຍາກາດອັນອົບອຸ່ນນັ້ນ,
ສອງຝ່າຍໄດ້ແຈ້ງໃຫ້ກັນຊາບກ່ຽວກັບການເຄື່ອນໄຫວວຽກງານຂອງສະມາຄົມໃນໄລຍະຜ່ານມາ
ພ້ອມໄດ້ມີການແລກປ່ຽນບົດ ຮຽນເຊິ່ງກັນ ແລະ ກັນດ້ານສື່ມວນຊົນ ເພື່ອນຳພາພັດທະນາສື່ຂອງຕົນໃຫ້ນັບມື້ເຕີບໃຫຍ່ເຂັ້ມແຂງ
ໂດຍສະເພາະການອົບຮົມຄວາມຮູ້ພື້ນຖານກ່ຽວກັບການຂຽນຂ່າວດ້ານ
ຕ່າງໆ ຄືໄອທີ,
ສິ່ງແວດລ້ອມ, ຕະຫລາດຫລັກຊັບ, ການສຶກສາ-ກິລາ ແລະ ອື່ນໆ ເຊິ່ງສອງຝ່າຍໄດ້ຕີລາຄາສູງຕໍ່ໝາກຜົນການຮ່ວມມືຊ່ວຍເຫລືອເຊິ່ງກັນ
ແລະ ກັນລະຫວ່າງສອງຝ່າຍ ແລະ ຫວັງວ່າ ການຮ່ວມມືນີ້ນັບມື້ຍິ່ງຈະໄດ້ຮັບການເສີມຂະຫຍາຍ
ໂດຍສະເພາະການແລກປ່ຽນຂໍ້ມູນຂ່າວສານຕ່າງໆນຳກັນໃນເມື່ອກ້າວເຂົ້າສູ່ປະຊາຄົມເສດຖະກິດອາຊຽນ
ຫລື ການສ້າງອາຊຽນໃຫ້ເປັນເຂດປອດຢາເສບຕິດ.
No comments:
Post a Comment