ທ້າວ ຕູມຕາມ ອາຍຸ 17 ປີ, ທ້າວ ແສງສຸລີ ອາຍຸ 18 ປີ, ທ້າວ ພົດ ອາຍຸ
17 ປີ, ທ້າວ ກົງໄກ ອາ ຍຸ 15 ປີ ແລະ ທ້າວ ລາຊັນ ອາຍຸ 16 ປີ ທັງໝົດຢູ່ບ້ານບົວບານ
ເມືອງປາກລາຍ ແຂວງໄຊຍະບູລີ ຖືກເຈົ້າໜ້າທີ່ ປກສ ເມືອງປາກລາຍກັກຕົວມາດຳເນີນຄະ
ດີຕາມກົດໝາຍເມື່ອທ້າຍເດືອນເມສາຜ່ານມານີ້, ພາຍຫລັງພວກກ່ຽວໄດ້ຮ່ວມເຄື່ອນໄຫວລັກລົດ
ຈັກຫລາຍຄັ້ງໃນເທສະບານເມືອງດັ່ງກ່າວ. ຜ່ານການສືບ ສວນ-ສອບສວນຂອງເຈົ້າໜ້າທີ່
ພວກກ່ຽວຮັບສາລະພາບວ່າ: ລົດຈັກທີ່ລັກມາໄດ້ແຕ່ລະຄັ້ງນັ້ນແມ່ນໄດ້ນຳເອົາໄປຂາຍປະ ມານ
2,5-3 ລ້ານກີບຕໍ່ຄັນ ແລະ ເງິນທີ່ໄດ້ມາແມ່ນແບ່ງກັນໄປໃຊ້ຈ່າຍຫລິ້ນກິນ
ແລະ ຊື້ຢາເສບຕິດມາເສບ, ປັດຈຸບັນເຈົ້າໜ້າທີ່ສາ ມາດເກັບກູ້ລົດຈັກທີ່ພວກກ່ຽວລັກໄປຄືນມາໄດ້
5 ຄັນ, ໃນນັ້ນ ມີເຈົ້າ ຂອງເດີມມາພົວພັນເອົາແລ້ວ 1 ຄັນ ແລະ ຍັງອີກ 4 ຄັນ ແມ່ນລໍຖ້າໃຫ້ເຈົ້າຂອງນຳເອົາເອກະສານມາເປັນຫລັກຖານຢັ້ງຢືນເອົາຕາມຫລັງ.
No comments:
Post a Comment