laophatthananewspaper: ຫາລືນະໂຍບາຍຊຸກຍູ້ການພັດທະນາເຂດເສດຖະກິດສະເພາະບຶງທາດຫລວງ

ກຳມາທິການເສດຖະກິດ-ແຜນການ ແລະ ການເງິນ, ກຳມາທິການກົດໝາຍ ສະພາແຫ່ງ ຊາດ ແລະ ຄະນະກຳມະການ ແຫ່ງຊາດເພື່ອຄຸ້ມຄອງເຂດເສດ ຖະກິດພິເສດ ແລະ ສະເພາະ, ໄດ້ ຈັດກອງປະຊຸມປຶກສາຫາລືການຕີຄວາມໝາຍດ້ານກົດ ໝາຍ ແລະ ແກ້ໄຂຂໍ້ຄົງຄ້າງຂອງເຂດເສດຖະກິດສະເພາະບຶງທາດ ຫລວງ ໃນວັນທີ 6 ພຶດສະພານີ້ຢູ່ຫໍປະຊຸມແຫ່ງຊາດ, ນະຄອນ ຫລວງວຽງຈັນ.

ທ່ານ ດຣ ນາງ ສຸຸວັນເພັງ ບຸບຜານຸວົງ ປະທານກຳມາທິ ການເສດຖະກິດ-ແຜນການ ແລະ ການເງິນ ກ່າວວ່າ: ກອງປະຊຸມຄັ້ງນີ້, ເພື່ອປຶກສາຫາລືແກ້ໄຂບັນຫາທີ່ຄົງຄ້າງໃນການຈັດ ຕັ້ງປະຕິບັດນະໂຍບາຍແຕ່ລະໄລ ຍະໃຫ້ສອດຄ່ອງກັບສະພາບການພັດທະນາເສດຖະກິດ-ສັງ ຄົມ, ສ້າງຂີດຄວາມສາມາດໃນການແຂ່ງຂັນໃຫ້ທັນກັບສະພາບການພາຍໃຕ້ບັນດານະໂຍບາຍທີ່ໄດ້ກຳນົດອອກໂດຍສະເພາະແມ່ນກົດໝາຍສົ່ງເສີມການລົງ ທຶນ, ດຳລັດວ່າດ້ວຍເຂດເສດຖະ ກິດພິເສດ ແລະ ສະເພາະຂອງ ລາວ ລວມເຖິງນິຕິກຳອື່ນໆ ຊຶ່ງຍັງມີບາງບັນຫາທີ່ຍັງບໍ່ທັນຈະແຈ້ງ ຈຶ່ງ

ຈຳເປັນຕ້ອງປຶກສາຫາລືເພື່ອຊອກຫາວິທີທາງແກ້ໄຂສ້າງຄວາມເປັນເອກະພາບໃນການຈັດຕັ້ງປະຕິບັດໂດຍສະເພາະການພິຈາລະນານະໂຍ ບາຍຕ່າງໆໃນເຂດເສດ ຖະກິດສະເພາະບຶງທາດຫລວງທີ່ກຳລັງສຸມໃສ່ພັດທະນາພື້ນຖານໂຄງລ່າງ ແລະ ກໍ່ສ້າງອະສັງຫາລິມະຊັບຈຳນວນໜຶ່ງຄື: ນະໂຍບາຍພັດທະນາອະສັງຫາລິມະຊັບ, ນະໂຍບາຍສຳລັບຜູ້ລົງທຶນລາຍຍ່ອຍໃນຂະແໜງອະສັງຫາລິມະຊັບໃນເຂດເສດຖະ ກິດພິເສດ ແລະ ສະເພາະ, ການອອກວິຊາໄລຍະຍາວ, ການຈັດຕັ້ງວຽກງານ ປກສ ຢູ່ໃນເຂດ ແລະ ການຄຸ້ມຄອງອາພາດເມັນ, ຊຶ່ງການ ຈັດຕັ້ງປະຕິບັດນະໂຍບາຍດັ່ງ ກ່າວແມ່ນການບຸກທະລຸດ້ານເສດຖະກິດຂອງພັກ ແລະ ລັດ ຖະບານວາງອອກ ເພື່ອໃຫ້ສາ ມາດແຂ່ງຂັນກັບບັນດາປະເທດອ້ອມຂ້າງດ້ວຍການນຳໃຊ້ກົນໄກໃໝ່ຄື: ຫົວໜ່ວຍບໍລິຫານນ້ອຍ-ສັງຄົມກວ້າງ ອັນໝາຍເຖິງການບໍລິຫານຄຸ້ມຄອງແບບໃໝ່ທາງດ້ານການບໍລິຫານຄຸ້ມຄອງລັດ ແລະ ການດຳເນີນທຸລະກິດ, ເຊິ່ງເກີດຂຶ້ນໃນກົນໄກເສດຖະກິດຕະຫລາດຕາມບາດ ກ້າວບຸກທະລຸທາງດ້ານເສດຖະ ກິດດ້ວຍການຫັນນະໂຍບາຍ 3 ສ້າງມາເປັນການປະດິດສ້າງໃນຂົງເຂດເສດຖະກິດໃນການເລັ່ງ ລັດໃຫ້ມີການພັດທະນາໄວ, ນຳໃຊ້ກົດເກນແຂ່ງຂັນຜົນປະໂຫຍດ ແລະ ສິດເປັນເຈົ້າຂອງຕົນເອງບົນພື້ນຖານເອົາຫລັກການເສດ ຖະກິດເປັນໃຈກາງສ້າງໃຫ້ມີລາຍຮັບຫລາຍເທົ່າທີ່ຈະຫລາຍໄດ້ເພື່ອສາມາດລ້ຽງກົງຈັກຂອງຕົນ ແລະ ມອບເຂົ້າງົບປະມານແຫ່ງລັດ,ມີສິດ ແລະ ອຳນາດການລົງທຶນ ແລະ ບັນຫາອື່ນໆ ໃນຂົງເຂດຕົນດ້ວຍການນຳໃຊ້ກົນໄກການບໍລິຫານທີ່ມີໂຄງປະ ກອບຈັດຕັ້ງທີ່ກະທັດຮັດໂດຍເນັ້ນໃສ່ການຫັນເປັນອຸດສາ ຫະກຳ ແລະ ທັນສະໄໝ, ໂປ່ງໃສ,ຕັດສິນບັນຫາໄດ້ໄວ, ມີສິດໃນການພົວພັນ, ປະສານສົມທົບຕົກລົງກັບທຸກພາກສ່ວນທັງພາຍໃນ ແລະ ຕ່າງປະເທດ ໂດຍຜ່ານຫ້ອງການບໍລິຫານປະຕູດຽວໄດ້ຮັບສິດທິພິເສດຈາກລັດຖະບານໂດຍປະຕິບັດຄຳຂວັນ “ກ້າຄິດ, ກ້າປະດິດສ້າງ, ກ້າຫັນເປັນລະ ບຽບກົດໝາຍ, ກ້າຈັດຕັ້ງປະ ຕິບັດ ແລະ ກ້າຮັບຜິດຊອບ”.

ໂຄງການພັດທະນາເຂດເສດຖະກິດສະເພາະບຶງທາດ ຫລວງມີເນື້ອທີ່ 365 ເຮັກຕາ ກວມເອົາ 6 ບ້ານຂອງເມືອງໄຊເສດຖາ ແລະ ເມືອງສີສັດຕະນາກຄື: ບ້ານເມືອງນ້ອຍ, ໂນນຫວາຍ, ໂນນຄໍ້ເໜືອ, ໂພນທັນ,ໂພນປາເປົ້າ ແລະ ບ້ານດອນກອຍ ຊຶ່ງການພັດທະນາຈະໃຊ້ງົບປະມານເຖິງ 12.800 ຕື້ກີບ ຫລື 1.600 ລ້ານໂດລາສະຫະລັດ ແລະ ໂຄງການນີ້ຈະສຳເລັດລະ ຫວ່າງ 15-20 ປີ.

ກອງປະຊຸມດັ່ງກ່າວໂດຍ ການເປັນປະທານຂອງທ່ານ ດຣ. ນາງ ສຸວັນເພັງ ບຸບຜານຸວົງ ປະທານກຳມາທິການເສດຖະ ກິດ-ແຜນ ການ ແລະ ການເງິນ, ທ່ານ ສຈ ດາວວອນ ຫວ່າງວິຈິດ ປະທານກຳມາທິການກົດໝາຍ ສະພາແຫ່ງຊາດ ແລະ ທ່ານນາງ ບຸນເພັງ ມູນໂພໄຊ ລັດຖະມົນຕີປະຈຳຫ້ອງວ່າການລັດຖະບານ, ຮອງປະທານ, ຜູ້ປະຈຳການຄະນະກຳມະການແຫ່ງຊາດເພື່ອຄຸ້ມຄອງເຂດເສດຖະກິດພິເສດ ແລະ ສະເພາະ, ມີບັນດາທ່ານຮອງເຈົ້າຄອງນະຄອນຫລວງ, ບັນດາທ່ານລັດຖະມົນ ຕີຊ່ວຍວ່າການ, ຫົວໜ້າກົມ, ຜູ້ພັດທະນາ, ສະພາບໍລິຫານເຂດເສດຖະກິດສະເພາະບຶງທາດຫລວງ ແລະ ພາກສ່ວນທີ່ກ່ຽວ ຂ້ອງເຂົ້າຮ່ວມ.