ສະພາບລັກຊັບພົນລະເມືອງຍັງເກີດຂຶ້ນລຽນຕິດຢູ່ນະຄອນຫຼວງວຽງຈັນ

               ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ປາກົດ ການຫຍໍ້ທໍ້ຂອງສັງຄົມໃນອາທິດຜ່ານມານີ້ ພົ້ນເດັ່ນ ຍັງ ແມ່ນສະພາບລັກຊັບພົນລະເມືອງ ຊຶ່ງເກີດຂຶ້ນ 22 ເລື່ອງ, ຕາກທັງໝົດ 49 ເລື່ອງ, ມີລົດຈັກເສຍ 11 ຄັນ ແລະ ລົດໃຫຍ່ 1 ຄັນ, ປຸ້ນຈີ້-ຊີງ ຊັບເກີດຂຶ້ນ 6 ເລື່ອງ ແລະ ສະ ພາບອື່ນໆ ດັ່ງກໍລະນີທີ່ເກີດຂື້ນ ໃນອາທິດຜ່ານມາໄດ້ຮັບແຈ້ງຄື: ໃນເວລາ ປະ ມານ 12 ໂມງຂອງ ວັນທີ 25 ເມສາຜ່ານມານີ້, ໄດ້ ມີຄົນຮ້າຍ 3 ຄົນ, ເຂົ້າໄປລັກເງິນ ຂອງປະຊາຊົນຢູ່ບ້ານ ສີສະຫວາດ ເມືອງຈັນທະບູລີ ນະຄອນຫຼວງວຽງຈັນ ໄດ້ເງິນ 8,000 ບາດ ສະກຸນເງິນໄທ ກ່ອນ ຈະຫຼົບຍໜີ, ໃນວັນດຽວກັນໄດ້ ມີຄົນ ຮ້າຍ 2 ຄົນມາລັກເອົາລົດ ກະບະໂຕໂຢຕ້າ ໄຮລັກ ສີຂາວ ໝາຍເລກທະບຽນ 1780 ຂອງ ປະຊາຊົນຢູ່ບ້ານສະພານທອງ ເໜືອ ເມືອງສີສັດຕະນາກ   ແລະ ວັນທີ 27 ເມສາ 2014 ມີຄົນຮ້າຍ ລັກລົດຈັກ ຂອງປະຊາຊົນຢູ່ບ້ານ ສວນມອນ ເມືອງສີ ສັດຕະນາກ ນະຄອນຫຼວງວຽງຈັນ ແລະ ສະ ພາບອື່ນໆຊຶ່ງເຈົ້າໜ້າທີ່ເລັ່ງຕິດ ຕາມຈັບຕົວຄົນຮ້າຍດັ່ງກ່າວມາດຳເນີນ ຄະດີລະ ບຽບກົດໝາຍ.