ສະເຫລີມສະຫລອງວັນສ້າງຕັ້ງສະຫະພັນແມ່ຍິງລາວ ຄົບຮອບ 59 ປີ ( 20 ກໍລະກົດ 1955-20 ກໍລະກົດ 2014 )

    ເພື່ອເປັນການທົບທວນຫວນຄືນປະຫວັດມູນເຊື້ອການກຳເນີດ ແລະ ຜົນງານການ ເຄື່ອນໄຫວຂອງສະຫະພັນແມ່ຍິງລາວ ໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນກໍຄືພາ ລະກິດປົກປັກ ຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ, ສູນກາງສະຫະ ພັນແມ່ຍິງລາວ ໄດ້ຈັດພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວຄົບ ຮອບ 59 ປີ (20 ກໍລະກົດ 1955- 20 ກໍລະກົດ 2014). ໃຫ້ກຽດ ເຂົ້າຮ່ວມໃນພິທີມີ ທ່ານນາງ ສີໃສ ລືເດດມູນສອນ ກຳມະການສູນກາງພັກ, ປະ ທານຄະນະບໍລິຫານງານສູນ ກາງສະຫະ ພັນແມ່ຍິງລາວ, ມີບັນດາທ່ານ ກຳມະການສູນກາງພັກ, ປະ ທານ-ຮອງປະທານບັນດາ ກຳ ມາທິການ, ອົງການຈັດຕັ້ງຂັ້ນສູນກາງ, ລັດຖະມົນຕີ, ລັດຖະ ມົນຕີຊ່ວຍວ່າການ, ຄະນະ ບໍລິຫານງານສູນກາງສະຫະພັນ ແມ່ຍິງລາວ, ພະນັກງານປະຕິວັດອາວຸໂສ, ຄອບຄົວຂອງ ພະນັກງານການນຳ, ຄະນະສະຫະພັນ ແມ່ຍິງບັນດາກະຊວງ, ອົງ ການຂັ້ນສູນກາງ, ນະຄອນຫຼວງວຽງຈັນເຂົ້າຮ່ວມ 500 ກວ່າຄົນ.

    ໃນພິທີອັນມີຄວາມຫມາຍ ສຳຄັນນີ້ ທ່ານນາງ ສີໃສ ລືເດດ ມູນສອນໄດ້ ກ່າວມີຄຳເຫັນວ່າ : ສະຫະພັນແມ່ຍິງລາວ ໄດ້ຮັບການສ້າງຕັ້ງຂຶ້ນໃນວັນທີ 20 ກໍລະກົດ 1955 ຊຶ່ງປະກອບມີ 3 ທ່ານຄື: ທ່ານນາງ ຄຳຫຼ້າ ວົງສັກ ເປັນຫົວໜ້າ, ທ່ານນາງ ຄຳ ສຸກ ວົງວິຈິດ ເປັນຮອງ ແລະ ທ່ານ ນາງ ຄຳແພງ ບຸບຜາ ເປັນ ຄະນະເພື່ອນຳພາຂະບວນການ ແມ່ຍິງທົ່ວປະ ເທດປະກອບ ສ່ວນ ເຂົ້າໃນພາລະກິດຕໍ່ສູ້ປົດປ່ອຍ ຊາດ.  ມາເຖິງ ເດືອນ ມັງກອນ 1956 ສະມາຄົມແມ່ຍິງລາວຮັກ ຊາດກໍໄດ້ຮັບການສ້າງ ຕັ້ງຂຶ້ນໂດຍຖືເອົາບັນດາທ່ານໃນຄະນະໜ່ວຍຄົ້ນຄວ້າວຽກງານແມ່ຍິງເປັນຄະນະນຳພາ.

ໃນພາລະກິດຕໍ່ສູ້ປົດປ່ອຍຊາດ, ແມ່ ຍິງລາວໄດ້ປະກອບສ່ວນຄຽງບ່າຄຽງໄຫຼ່ກັບເພດຊາຍຢ່າງເດັດດ່ຽວໜຽວແໜ້ນ, ສະມາຄົມແມ່ຍິງລາວຮັກຊາດກໍໄດ້ຕັ້ງໜ້າ ປຸກລະດົມ, ເຕົ້າໂຮມຄວາມສາມັກຄີແມ່ຍິງລາວບັນດາເຜົ່າໃນຂອບເຂດທົ່ວ ປະເທດໃຫ້ເປັນຈິດໜຶ່ງໃຈດຽວກັນພາຍໃຕ້ຮົ່ມ ທຸງຂອງຊາດ, ຂອງພັກ, ສາມາດຮັບປະກັນວຽກງານແນວຫຼັງປ່ຽນແທນເພດ ຊາຍທີ່ອອກໄປສະໜາມຮົບ, ແມ່ຍິງທີ່ເປັນແພດ ໝໍໄດ້ຜ່ານຮ່າລະເບີດລູກປືນຂອງສັດຕູເອົາຊີວິດເຂົ້າສ່ຽງເພື່ອໄປແບກຫາມ, ກອບກູ້ເອົາຊີວິດນັກຮົບທີ່ຖືກບາດເຈັບໃນສະ ໜາມຮົບມາປິ່ນປົວຢູ່ໂຮງໝໍຂອງແນວຫຼັງ, ແມ່ຍິງປະກອບສ່ວນເຂົ້າເປັນ ກອງຫລອນ, ລຳລຽງສະບຽງອາຫານອາວຸດຍຸດໂທ ປະກອນ, ເປັນກຳລັງປະກອບອາວຸດ ແລະ ອີກຫຼາຍໆພາລະກຳທີ່ເອື້ອຍ ນ້ອງແມ່ຍິງປະກອບສ່ວນເຮັດໃຫ້ການຕໍ່ສູ້ປົດປ່ອຍ ຊາດດ້ຮັບຜົນສຳເລັດ. ເພື່ອຕອບສະໜອງກັບຄວາມຮຽກຮ້ອງຕ້ອງການຂອງພັກມອບໝາຍໃຫ້ໄລຍະໃໝ່ມາຮອດວັນທີ 21-24 ມີນາ 1984 ກອງປະຊຸມໃຫຍ່ຄັ້ງປະຫວັດສາດຂອງແມ່ຍິງລາວທົ່ວປະເທດຄັ້ງທີ I ໄດ້ໄຂຂຶ້ນຢ່າງເປັນທາງການທີ່ນະ ຄອນຫຼວງວຽງຈັນຊຶ່ງກອງປະຊຸມຄັ້ງນີ້ໄດ້ຕົກລົງເປັນເອກະພາບປ່ຽນຊື່ຈາກສະມາຄົມແມ່ຍິງລາວຮັກຊາດມາເປັນສະຫະພັນ ແມ່ຍິງຈົນເຖິງປັດຈຸບັນ. ໂດຍສືບຕໍ່ມູນເຊື້ອຂອງບັນດາແມ່ປ້ານ້າອາ, ພະນັກງານປະຕິວັດອາວຸໂສຮຸ່ນກ່ອນ, ສະຫະພັນແມ່ຍິງ ລາວໄດ້ສືບຕໍ່ປະຕິບັດຕາມພາລະບົດບາດໜ້າທີ່ຂອງຕົນປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາ ປະເທດຊາດມີຜົນສຳເລັດທີ່ເປັນພື້ນຖານ ເວົ້າສະເພາະການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມກໍຄືມະຕິກອງ ປະຊຸມໃຫຍ່ຂອງແມ່ຍິງລາວທົ່ວປະເທດໃນແຕ່ລະສະໄໝສະແດງອອກຄື: ການຈັດຕັ້ງສະຫະພັນແມ່ຍິງໄດ້ຂະຫຍາຍຕົວຢ່າງ ກວ້າງຂວາງໃນທຸກຂົງເຂດວຽກງານແຕ່ສູນກາງລົງຮອດທ້ອງຖິ່ນຮາກຖານ, ສັງຄົມໄດ້ປະກອບສ່ວນຢ່າງຕັ້ງໜ້າເຂົ້າໃນການ ພັດທະນາແມ່ຍິງ, ສະມາຊິກສະຫະພັນແມ່ຍິງໄດ້ຮັບການບຳລຸງກໍ່ສ້າງຢ່າງຕໍ່ເນື່ອງໃນທຸກສາຂາອາຊີບ, ສ້າງໃຫ້ແມ່ຍິງມີຄຸນ ທາດການເມືອງໜັກແໜ້ນ, ມີ ຄວາມຮູ້ຄວາມສາມາດ, ມີວິຊາ ອາຊີບທີ່ສາມາດປະກອບສ່ວນ ສິດ ແລະ ພັນທະເຂົ້າໃນການ ສ້າງສາພັດທະນາເສດຖະກິດ- ສັງຄົມສ້າງລາຍຮັບໃຫ້ແກ່ຕົນເອງ ແລະ ຄອບຄົວ, ແມ່ຍິງ ລາວສ່ວນຫຼວງຫຼາຍຍັງຮັກສາ ແລະ ເສີມຂະຫຍາຍໄດ້ຄຸນລັກ ສະນະທີ່ເປັນມູນເຊື້ອຂອງແມ່ຍິງລາວ. ປະກອບສ່ວນໃນຂົງເຂດ ການເມືອງ, ເສດຖະກິດ-ສັງຄົມ, ວັດທະນະທຳ, ປ້ອງກັນຊາດ- ປ້ອງກັນຄວາມສະຫງົບ ແລະ ພົວພັນຕ່າງປະເທດ. ເຮັດໃຫ້ບົດ ບາດຂອງແມ່ຍິງລາວບັນດາເຜົ່າ ນັບມື້ສູງເດັ່ນຂຶ້ນທັງພາຍໃນ ແລະ ສາກົນ.

       ໃນໂອກາດທີ່ມີຄວາມໝາຍສຳຄັນນີ້, ທ່ານ ສຈ ເກດ ກຽດ ຕິສັກ ລັດຖະມົນຕີຊ່ວຍວ່າການກະຊວງຍຸຕິທຳໄດ້ນຳສະ ເໜີກົດໝາຍວ່າດ້ວຍຄອບຄົວຊຶ່ງເຮັດໃຫ້ຜູ້ເຂົ້າຮ່ວມຮັບຮູ້, ເຂົ້າໃເຖິງ ຄວາມໝາຍຄວາມສໍາຄັນຂອງ ກົດໝາຍດັ່ງກ່າວກໍ ຄືເນື້ອໃນລະອຽດທີ່ໄດ້ລະບຸໄວ້ໃນກົດໝາຍເພື່ອເປັນຄວາມຮູ້ເພີ່ມເຕີມ ແລະ ເປັນປະໂຫຍດຕໍ່ເອື້ອຍນ້ອງແມ່ຍິງໃນການປົກ ປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ, ການສົ່ງເສີມສິດສະເໝີພາບລະຫວ່າງຍິງ-ຊາຍໃນຄອບຄົວ, ສິດ-ພັນທະຂອງລັດ, ສັງຄົມ ແລະ ຄອບຄົວ, ຜູ້ເປັນຜົວ-ເມຍ, ພໍ່ແມ່-ລູກ, ການແຕ່ງດອງຂອງຍິງ-ຊາຍ, ສາຍພົວພັນພາຍ ໃນຄອບຄົວ ແລະ ບັນຫາອື່ນໆທີ່ພົວພັນກັບການພັດທະນາແມ່ຍິງ.