ໃນວັນທີ 17 ກໍລະກົດຜ່ານມານີ້, ຢູ່ໂຮງແຮມເມີກຽວ,
ນະຄອນຫລວງວຽງ ຈັນອົງການສະຫະປະຊາຊາດຮ່ວມກັບກອງ ເລຂາລະດັບຊາດຕ້ານການຄ້າມະນຸດ, ໄດ້ເປີດໂຄງການຕ້ານການຄ້າມະນຸດຢູ່ພາກພຶ້ນລຸ່ມແມ່ນໍ້າຂອງໃນຂົງເຂດ ອາຊີຕາ ເວັນອອກສຽງໃຕ້ຢູ່ ສປປ ລາວ, ໂດຍການມີທ່ານນາງ ກາລີນາ ອິມ ໂມເນັນ ຜູ້ປະ ສານງານອົງການສະຫະປະຊາຊາດປະຈໍາລາວ,
ທ່ານ ພັອ ດຣ ເພັງສະຫວັນທິບ ພະວົງໄຊ ຫົວໜ້າກອງເລຂາລະດັບຊາດຕ້ານການຄ້າມະນຸດກະຊວງ ປ້ອງກັນ ຄວາມສະຫງົບ,
ມີບັນດາພະນັກງານຈາກພາກລັດ ແລະ ອົງການຈັດຕັ້ງສາກົນ ທີ່ກ່ຽວຂ້ອງເຂົ້າຮ່ວມ.
ທ່ານນາງ ກາລີນາ ອິມໂມ ເນັນກ່າວວ່າ: ໂຄງການດັ່ງກ່າວ,
ແມ່ນຈະເຮັດວຽກຢ່າງ ໃກ້ສິດກັບລັດໂດຍສະເພາະກະ ຊວງປ້ອງກັນຄວາມສະຫງົບ, ກະຊວງແຮງງານ ແລະ
ສະຫວັດດີການສັງຄົມ, ສະຫະພັນ ແມ່ຍິງລາວ, ບັນດາເພື່ອນຮ່ວມ ງານຕ່າງໆລວມທັງອົງການຈັດຕັ້ງສາກົນ,
ພາກເອກະຊົນ ແລະ ສະຖາບັນສຶກສາຕ່າງໆ ແລະ ອົງການສະຫະປະຊາຊາດປະ ຈໍາລາວຈະການສະໜັບສະໜູນທີ່ຈໍາເປັນສໍາລັບການປ້ອງກັນ
ແລະ ສະກັດກັ້ນການຄ້າມະນຸດ, ເພື່ອຕອບໂຕ້ບັນຫາການຄ້າ
ມະນຸດຮ່ວມລະຫວ່າງລັດຖະບານ, ອົງການສະຫະປະຊາຊາດ,
ອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງອື່ນໆໃນ ໄລຍະການດຳເນີນກິດຈະກໍາໂຄງການ 5 ປີນີ້,
ໜ້າທີ່ຂອງໂຄງການຕ້ານຄ້າມະນຸດແມ່ນເປັນກອງເລຂາໃຫ້ກັບຂະບວນການ ທີ່ລັດຖະບານເປັນເຈົ້າການໃນການປະສານງານລະດັບລັດຖະມົນຕີພາກພື້ນແມ່ນໍ້າຂອງຕ້ານການຄ້າມະນຸດເຊິ່ງໄດ້ຮັບຮູ້ກັນ
ໃນຊື່ຂະບວນການຄອມມິດ (commit) ໂດຍໄດ້ເລັ່ງໃສ່ເຮັດໃຫ້ພາກລັດເພີ່ມຄວາມເປັນເຈົ້າການຂອງຂະບວນການຄອມ
ມິດຂຶ້ນ ແລະ ໃຫ້ມີຄວາມຍືນຍົງ, ສາມາດເພິ່ງຕົນເອງໄດ້.
ທ່ານນາງ ກາລີນາ ກ່າວວ່າ: ການຄ້າມະນຸດ, ແມ່ນການລະເມີດສິດທິມະນຸດ
ແລະ ເປັນອາດສະຍາກຳທີ່ຮ້າຍແຮງມີຜົນກະທົບຕໍ່ຫລາຍພັນຄົນເຊິ່ງລວມເອົາທັງແມ່ຍິງ,
ຜູ້ຊາຍ ແລະ ເດັກນ້ອຍ ແລະ ການຖືກຂູດຮີດເຮັດໃຫ້ຜູ້ຖືກເຄາະຮ້າຍມີຄວາມຫຍຸ້ງຍາກເລີ່ມຈາກບັນຫາທາງຈິດໃຈ
ແລະ ທາງຮ່າງກາຍບັນຫາທາງດ້ານສັງຄົມ ແລະ ຄວາມຫຍຸ້ງຍາກທາງເສດຖະ ກິດ. ການຄ້າມະນຸດມີຜົນກະທົບຕໍ່ຊຸມຊົນ
ແລະ ເຮັດໃຫ້ຫລາຍໆຄອບຄົວຕ້ອງ ທໍລະມານ ເຊິ່ງຢູ່ໃນພາກພື້ນອາ ຊີ-ປາຊີຟິກ ມີອັດຕາການຄ້າມະນຸດສູງທີ່ສຸດໃນໂລກ
ແລະ ຕາມການຄາດຄະເນຂອງອົງການແຮງງານສາກົນແມ່ນປະມານ 11,7 ລ້ານຄົນ ໃນພາກພື້ນນີ້ຕົກຢູ່ໃນສະພາບຖືກບັງຄັບໃຫ້ອອກແຮງງານ,
ມີຄົນລາວຈຳນວນຫລາຍທີ່ເດີນທາງໄປຕ່າງປະເທດ ເພື່ອຊອກຫາຊີວິດໃໝ່ທີ່ດີກວ່າ,
ມີຫລາຍກໍລະນີໃນການຄ້າມະນຸດເລີ່ມຕົ້ນຈາກການສະໝັກ, ການເຄື່ອນຍ້າຍ ຫລື ການເຄື່ອນຍ້າຍແຮງງານຄົນລາວທີ່ຕົກເປັນເຫຍື່ອຂອງການຄ້າມະນຸດແມ່ນຖືກບັງຄັບ,
ຢູ່ໃນສະຖານທີ່ຖືກກົດຂີ່ຂູດຮີດເຊັ່ນ: ໃນທຸລະກິດການຄ້າທາງເພດ, ໂຮງ ງານຕັດຫຍິບ,
ກະສິກຳ, ທາດຮັບໃຊ້ໃນຄົວເຮືອນ, ກຳມະກອນກໍ່ສ້າງ ຫລື ໃນເຮືອປະມົງ ແລະ ໃນອຸດສາຫະກຳອາຫານທະເລ.
ໂຄງການການຕ້ານການຄ້າມະ ນຸດນີ້ ໄດ້ຮັບທຶນຊ່ວຍເຫລືອໂດຍຜ່ານການຮ່ວມມື ແລະ
ຂໍ້ຕົກ ລົງລະຫວ່າງອົງການຈັດຕັ້ງສາກົນ, ຜູ້ໃຫ້ທຶນໃນປັດຈຸບັນແມ່ນລັດຖະບານຂອງປະເທດນອກ
ແວ ແລະ ຊູແອັດ.
No comments:
Post a Comment