ທະະນາຄານຮ່ວມທຸລະກິດລາວ-ຫວຽດມອບລາງວັນໃຫ້ລູກຄ້າຜູ້ໂຊກດີ

         ໃນວັນທີ 18 ກໍລະກົດນີ້ ຢູ່ສຳນັກງານໃຫຍ່ທະນາຄານຮ່ວມທຸລະກິດລາວ- ຫວຽດ (LVB) ບ້ານຫັດສະດີ ເມືອງ ຈັນທະບູລີ ນະຄອນຫຼວງວຽງຈັນ, ໄດ້ມີພິທີ ມອບລາງວັນໃຫ້ກັບຜູ້ໂຊກດີຈາກລາງວັນຝາກ ປະຢັດຊີງໂຊກຂອງທະນາຄານ ຄັ້ງທີ 1 ໃນປີ 2014, ໂດຍການ ເຂົ້າຮ່ວມມອບລາງວັນຂອງ ທ່ານ ບົວວັນ ສີມະ ລີວົງ ແລະ ທ່ານ ດັ໋ງ ແທ່ງ ຫວຽດ ຮອງຜູ້ ອຳນວຍການທະນາຄານຮ່ວມທຸລະກິດ ລາວ-ຫວຽດ ພ້ອມດ້ວຍ ບັນດາລູກຄ້າຜູ້ໂຊກດີທີ່ໄດ້ຮັບລາງວັນເຂົ້າຮ່ວມເປັນຈຳ ນວນຫຼາຍ.

          ທ່ານ ບົວວັນ ສີມະລາວົງ ຮອງຜູ້ອຳນວຍການທະນາຄານ ຮ່ວມທຸລະກິດລາວ-ຫວຽດໃຫ້ຮູ້ ວ່າ: ເມື່ອວັນທີ 5 ກໍລະກົດຜ່ານມານີ້ ເຊິ່ງເປັນໂອກາດຂອງ ການສະເຫຼີມສະຫຼອງວັນສ້າງ ຕັ້ງທະນຄານພວກເຮົາຄົບຮອບ 15 ປີ, ໂດຍໄດ້

ມີການຈັບລາງ ວັນມອບໂຊກ, ຜົນຂອງການຈັບ ລາງວັນຄັ້ງທີ 1 ນີ້ ກໍສາມາດ ຊອກໄດ້ລູກຄ້າທີ່ໂຊກດີໄດ້ຮັບ ລາງວັນ ລວມທັງໝົດ 42 ລາງ ວັນ, ໃນນັ້ນລາງວັນສູງສຸດແມ່ນ ລົດໂຕໂຍຕາ ວີອອດ 1 ຄັນ, ມູນ ຄ່າຫຼາຍກ່ວາ 200 ລ້ານກີບ.

         ທະນາຄານຮ່ວມທຸລະກິດ ລາວ-ຫວຽດ ໃຫ້ຮູ້ວ່າ: ການ ຈັບລາງວັນມອບໂຊກຄັ້ງທີ 2, ຈະມີຂຶ້ນໃນວັນທີ 29 ພະຈິກ 2014 ໂດຍຈະມີລາງວັນທັງໝົດ 65 ລາງວັນ, ໃນນັ້ນລາງວັນ ໃຫຍ່ແມ່ນລົດ ແລນກຼຸຍເຊີ 1 ຄັນ, ມູນຄ່າຫຼາຍກວ່າ 600 ລ້ານກີບ.