ໃນຕອນຄ່ຳວັນທີ 8 ສິງຫານີ້, ທ່ານ ຮິໂຣະຢູກີ
ຄິຊິໂນະ ເອກອັກຄະຣາຊະທູດຍີ່ປຸ່ນປະຈຳ ສປປ ລາວ, ໄດ້ຈັດງານລ້ຽງສົ່ງພະນັກງານວິຊາການຂອງລາວ
ຈຳນວນ 23 ຄົນ ເພື່ອໄປສຶກສາຕໍ່ຢູ່ປະເທດຍີ່ປຸ່ນຂຶ້ນທີ່ເຮືອນພັກທ່ານທູດໃນນະຄອນ
ຫລວງວຽງຈັນ, ໂດຍມີທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີຊ່ວຍວ່າການກະຊວງສຶກສາທິການ
ແລະ ກິລາ, ຮອງປະທານສະມາຄົມມິດຕະພາບລາວ-ຍີ່ປຸ່ນເຂົ້າຮ່ວມນຳອີກ.
ພາຍໃຕ້ທຶນການສຶກສາ 2 ໂຄງການເຊັ່ນ: ໂຄງການດ້ານການພັດທະນາຊັບພະຍາກອນມະນຸດ
(JDS) ແລະ ໂຄງການຜູ້ ນຳໄວໜຸ່ມ (YLP),
ໃນນີ້ ສຳລັບ ທຶນການສຶກສາດ້ານການພັດທະນາຊັບພະຍາກອນມະນຸດ ແມ່ນທຶນການຊ່ວຍເຫລືອລ້າ
ທີ່ສະ ໜອງໃຫ້ລັດຖະກອນລາວໄປສຶກ ສາເຊື່ອມຕໍ່ປະລິນຍາໂທ ຈຳ ນວນ 20 ທຶນ, ໃນໄລຍະ
2 ປີ ແລະ ອີກ 3 ທຶນ
ແມ່ນໄດ້ໄປສຶກສາຕໍ່ຂະແໜງຜູ້ນຳໄວໜຸ່ມ ໃນໄລຍະ 1 ປີ, ໃນໂອກາດນີ້ທ່ານ ທູດໄດ້ສະແດງຄວາມຍິນດີຕໍ່ຜູ້ ໄດ້ຮັບທຶນໄປສຶກສາຕໍ່ຄັ້ງນີ້. ນອກຈາກຈະໄດ້ຮັບທຶນການສຶກສາຮ່ຳຮຽນທີ່ດີແລ້ວ, ບັນດາພະ ນັກງານດັ່ງກ່າວຍັງຈະໄດ້ເຫັນປະເທດຍີ່ປຸ່ນດ້ວຍຕາຂອງຕົນ
ເອງບໍ່ວ່າຈະເປັນຈຸດດີ ຫລື ຈຸດບໍ່ດີເພື່ອເປັນການແລກປ່ຽນບົດ ຮຽນ ແລະ ປະສົບການຕົວຈິງທີ່
ເປັນປະໂຫຍດເຂົ້າໃນການດຳ ລົງຊີວິດພາຍຫລັງໄດ້ສຳເລັດການສຶກສາກັບມາ,. ນອກນັ້ນທ່ານທູດຍັງສະແດງຄວາມເຊື່ອໝັ້ນພະ ນັກງານລາວທີ່ຈະໄປສຶກ
ສາຕໍ່ຈະເຮັດໜ້າທີ່ຂອງຕົນໃນການພັດທະນາເສດຖະກິດ-ສັງ ຄົມຂອງປະເທດລາວໃຫ້ມີຄວາມເຂັ້ມແຂງຍິ່ງຂຶ້ນ
ແລະ ສະແດງຄວາມຫວັງວ່າທຸກທ່ານ ຈະເປັນຂົວຕໍ່ເຂົ້າໃນການເສີມສ້າງ ສາຍພົວພັນມິດຕະພາບທີ່ດີລະ ຫວ່າງລາວ-ຍີ່ປຸ່ນ ໃຫ້ນັບມື້ແໜ້ນແຟ້ນຍິ່ງຂຶ້ນ.
No comments:
Post a Comment