ເຈົ້າໜ້າທີ່ອາວຸໂສສຶກສາອາຊຽນ ແລະ ບັນດາປະເທດຄູ່ຮ່ວມບັນລຸແຜນຮ່ວມມືໃໝ່ຫລາຍຂໍ້

       ການປະຊຸມຮ່ວມກັນລະຫວ່າງເຈົ້າໜ້າທີ່ອາວຸໂສສຶກສາບັນດາປະເທດສະ ມາຊິກອາຊຽນກັບເຈົ້າໜ້າທີ່ອາວຸໂສສຶກສາ ຂອງ ສປ ຈີນ, ສ.ເກົາຫລີ, ຍີ່ປຸ່ນ ຄັ້ງທີ 5 (ອາຊຽນ+3) ແລະ ເຈົ້າ ໜ້າທີ່ອາວຸໂສສຶກສາອາຊຽນໃນກອບອີເອເອັສ (EAS) ຄື: ອົດສະ ຕາລີ, ອິນເດຍ, ນູແວນເຊລັງ, ລັດເຊຍ ແລະ ສະຫະລັດອາ ເມລິກາ, ມີຂຶ້ນຢູ່ນະຄອນຫລວງ ວຽງຈັນໃນວັນທີ 10 ກັນຍານີ້, ພາຍໃຕ້ການເປັນປະ ທານ ຂອງທ່ານຮອງສາສະດາຈານ ດຣ ສີ ສະໝອນ ສິດທິຣາດວົງສາ ຫົວ ໜ້າຫ້ອງການ ກະຊວງສຶກສາທິການ ແລະ ກິລາ, ທັງເປັນເຈົ້າ ໜ້າທີ່ອາວຸໂສສຶກສາອາຊຽນ ຂອງລາວ, ສາມາດບັນລຸຂໍ້ຕົກ ລົງຮ່ວມມືຫລາຍ ດ້ານເພື່ອຮ່ວມກັນຈັດຕັ້ງປະຕິບັດແຜນພັດທະ ນາວຽກງານການສຶກສາ, ໃນນີ້ ການຮ່ວມມືໃນກອບອາຊຽນມີ 9 ຫົວຂໍ້, ອາຊຽນ+3 ມີ 15 ຫົວຂໍ້ ແລະ ອາຊຽນໃນກອບ (EAS) ມີ 13 ຂໍ້, ເຊິ່ງຈະໄດ້ມີການລາຍ ງານຢູ່ໃນກອງປະຊຸມລະ ດັບ ລັດຖະມົນຕີສຶກສາອາຊຽນຄັ້ງທີ 8 ທີ່ມີຂຶ້ນຢ່າງເປັນທາງການໃນ ວັນທີ 11-12 ກັນຍານີ້, ຢູ່ນະ ຄອນຫລວງວຽງຈັນ ໂດຍ ການເປັນປະທານຂອງທ່ານຮອງນາຍົກລັດຖະມົນຕີ, ລັດຖະມົນ ຕີວ່າການກະຊວງສຶກສາທິການ ແລະ ກິລາ ສປປ ລາວ ດຣ ພັນ ຄຳ ວິພາວັນ.

      ສຳລັບ ,ກອງປະຊຸມເຈົ້າໜ້າ ທີ່ອາວຸໂສອາຊຽນຄັ້ງທີ 9, ອາ ຊຽນ+3 ຄັ້ງທີ 5 ແລະ ອາຊຽນ ໃນກອບອີເອເອັສຄັ້ງທີ 3 ຕະ ຫລອດສອງວັນຜ່ານມານີ້, ແມ່ນໄດ້ຮັບຟັງການສະຫລຸບ ລາຍງານຜົນການຈັດຕັ້ງປະຕິ ບັດວຽກງານການຮ່ວມມືດ້ານ ການສຶກສາ 5 ປີ (2011-2015) ຂອງບັນດາປະເທດສະມາຊິກອາຊຽນ, ອາຊຽນ+3 ແລະ ອາຊຽນ ໃນກອບ (EAS) ແຕ່ປີ 2010 - 2017, ໂດຍສະເພາະແມ່ນຍົກໃຫ້ ເຫັນບັນດາຜົນສຳເລັດ, ສິ່ງ ຄ້າງຄາ ແລະ ວຽກງານທີ່ຈະ ຕ້ອງໄດ້ສືບຕໍ່ຈັດຕັ້ງປະ ຕິບັດ ຮ່ວມກັນໃນຕໍ່ໜ້າ, ນອກຈາກນີ້, ໄດ້ພິຈາລະນາຄົ້ນຄວ້າວິໄສທັດຂອງວຽກງານການສຶກສາພາຍຫລັງ 2015 ແລະ ຄົ້ນ ຄວ້າ 8 ເນື້ອໃນວຽກງານການສຶກສາ ເພື່ອເປັນບ່ອນອິງໃນການວາງ ແຜນຮ່ວມມື 5 ປີ (2016- 2020) ຂອງບັນດາປະເທດ ອາຊຽນ, ອາຊຽນ+ 3 ແລະ ອາຊຽນ ໃນ ກອບ EAS, ເຊິ່ງໄດ້ຕົກລົງເປັນ ເອກກະພາບສ້າງໜ່ວຍສະເພາະກິດໃນການຄົ້ນ ຄວ້າກ່ຽວກັບວິທີການ, ມາດຕະການ ແລະ ກົນໄກ ຂອງແຜນຮ່ວມມືດັ່ງກ່າວໃຫ້ມີ ການເຊື່ອມໂຍງ ແລະ ສາມາດ ພ້ອມກັນ ຈັດຕັ້ງປະຕິບັດໃຫ້ມີຄວາມສອດຄ່ອງ ແລະ ປາກົດຜົນເປັນຈິງໃນຕໍ່ໜ້າ.

     ໃນໂອກາດນີ້, ເຈົ້າໜ້າທີ່ອາ ວຸໂສສຶກສາບັນດາປະເທດສະມາຊິກອາຊຽນ, ຕ່າງກໍສະແດງ ຄວາມຂອບໃຈ ແລະ ຕີລາຄາ ສູງຕໍ່ລັດຖະບານ ສປ ຈີນ, ສ.ເກົາ ຫລີ, ຍີ່ປຸ່ນ ແລະ ບັນດາປະເທດ ໃນກອບ (EAS) ທີ່ໄດ້ໃຫ້ການ ຊຸກຍູ້ສົ່ງເສີມ ແລະ ຊ່ວຍເຫລືອໃນວຽກງານສຶກສາຫລາຍດ້ານຂອງບັນດາປະເທດອາຊຽນຕະ ຫລອດມາ ເປັນຕົ້ນ: ການແລກ ປ່ຽນຂໍ້ມູນຂ່າວ ສານດ້ານການສຶກສາ, ການຈັດສັນທຶນການ ສຶກສາລະຫວ່າງປະເທດທັງໄລ ຍະສັ້ນ ແລະ ໄລຍະຍາວ ລວມ ເຖິງການຊ່ວຍ ເຫລືອກໍ່ສ້າງພື້ນຖານໂຄງລ່າງໃນຂົງເຂດວຽກ ງານການສຶກສາ, ອັນໄດ້ເຮັດ ໃຫ້ຊັບພະຍາກອນມະນຸດໃນ ຫລາຍຂະແໜງ ການຢູ່ບັນດາປະເທດອາຊຽນໄດ້ຮັບການພັດທະນາຍົກລະດັບທາງດ້ານຄວາມຮູ້ຄວາມສາມາດ, ມີພື້ນຖານເຕັກນິກ-ວິທະ ຍາສາດໃໝ່ ແລະ ສາ ມາດເຊື່ອມໂຍງກັນເພື່ອກ້າວສູ່ ການເປັນປະຊາຄົມອາຊຽນເທື່ອລະກ້າວ ແລະ ການຮ່ວມມືຂອງ ພາກພື້ນ.