ໃນວັນທີ 2-3 ກຸມພານີ້, ຢູ່ໂຮງແຮມຈຳປາສັກແກຣນ, ແຂວງຈໍາປາສັກ, ໄດ້ຈັດກອງປະຊຸມເພື່ອນແມ່ນ້ຳຂອງຕອນລຸ່ມ
ສະໄໝພິເສດ ວ່າດ້ວຍຄວາມຍືນຍົງແມ່ນ້ຳຂອງ ພາຍໃຕ້ຂອບການຮ່ວມມື ຂໍ້ລິເລີ່ມແມ່ນ້ຳຂອງຕອນລຸ່ມ-ສ.ອາເມລິກາ
(Lower
Mekong Initiative-LMI), ໂດຍການເປັນປະ
ທານຮ່ວມຂອງທ່ານ ສະເຫລີມໄຊ
ກົມມະສິດ ລັດຖະມົນຕີຊ່ວຍວ່າການກະຊວງການຕ່າງປະເທດຂອງ ລາວ ແລະ
ທ່ານ Thomas A. Shannon ທີ່ປຶກສາພິເສດຂອງລັດຖະມົນຕີຕ່າງປະເທດ ສ.ອາເມລິກາ,
ມີບັນດາທ່ານລັດຖະມົນຕີ, ທູດຕານຸທູດ ແລະຄະນະຜູ້ແທນຈາກປະເທດສະມາຊິກຂອບ ການຮ່ວມມືຄື:
ກຳປູເຈຍ, ລາວ, ມຽນມາ, ໄທ, ຫວຽດນາມ ແລະ ສ.ອາເມລິກາ ແລະ ເພື່ອນແມ່ນ້ຳຂອງຕອນລຸ່ມ
ທີ່ເປັນຄູ່ຮ່ວມພັດທະນາ ເຊັ່ນ: ຍີ່ປຸ່ນ, ສ.ເກົາຫລີ, ອົດສະຕຣາລີ, ນິວຊີແລນ, ສະຫະພາບເອີຣົບ, ໂຮນລັງ, ດານມາກ, ເຢຍລະມັນ, ທະນາຄານໂລກ ແລະ
ທະນາຄານພັດທະນາອາຊີ ລວມທັງຄະນະຜູ້ແທນຈາກສູນກາງ ແລະ ແຂວງຈຳປາສັກ ເຂົ້າຮ່ວມ.
ເພື່ອປຶກສາຫາລືບັນດາສິ່ງທ້າທາຍຂອງພາກພື້ນໃນການ
ຮັກສາຄວາມດຸ່ນດ່ຽງຂອງນ້ຳ, ພະລັງງານ ແລະ ຄວາມໝັ້ນຄົງດ້ານສະບຽງອາຫານ ແລະ
ເພື່ອແລກປ່ຽນບັນດາວິທີ, ປະສົບການ ສຳລັບການສົ່ງເສີມການຂະຫຍາຍຕົວຂອງເສດຖະກິດແບບຍືນຍົງໃນຂະແໜງພະລັງງານ,
ນ້ຳ, ການສຶກສາ, ການປະມົງ, ກະສິກຳ ແລະ ໃນຂົງເຂດການບໍລິຫານຈັດການໂຄງການ. ນອກຈາກນັ້ນ ຍັງໄດ້ປຶກສາຫາລືກ່ຽວກັບການເຊື່ອມໂຍງເສດຖະກິດ
ແລະ ຄວາມຍືນຍົງຂອງສິ່ງແວດລ້ອມ ໂດຍ ສະເພາະຄວາມຍືນຍົງຂອງແມ່ນ້ຳຂອງ
ເພື່ອແລກປ່ຽນປະສົບການທີ່ດີ ແລະ
ບົດຮຽນກ່ຽວກັບການພັດທະນາແບບຍືນຍົງລະຫວ່າງບັນດາປະເທດແມ່ນ້ຳຂອງ ແລະ
ຄູ່ຮ່ວມພັດທະນາ.
ທ່ານ ສະເຫລີມໄຊ ກົມມະສິດ ກ່າວວ່າ: ການຊ່ວຍ
ເຫລືອຂອງ ສ.ອາເມລິກາ
ແລະ ບັນດາເພື່ອນຂອງແມ່ນ້ຳຂອງ ໃນການພັດທະນາໂຄງການຕ່າງໆ ເຊັ່ນ: ໂຄງການເຝິກອົບຮົມພາສາອັງກິດ
ແລະ ໂຄງການພັດທະນາໂຄງລ່າງພື້ນຖານທີ່ທັນສະໄໝ ຈຳນວນ 3 ໂຄງການ
ລວມມູນຄ່າຫລາຍກວ່າ 1,7 ລ້ານໂດລາສະຫະລັດ ເຊິ່ງເປັນໂຄງການພັດທະນາເຂື່ອນໄຟຟ້າ ໂດຍການນຳໃຊ້ເຕັກນິກວິຊາການທີ່ທັນສະໄໝຂອງ
ສ.ອາເມລິກາ
ເຂົ້າໃນການພັດທະນາເຂື່ອນໄຟຟ້າຂອງ ສປປ ລາວ ໃຫ້ມີຄວາມຍືນຍົງຂຶ້ນຕື່ມ. ກອງປະຊຸມຄັ້ງນີ້
ຍັງມີຄວາມໝາຍຄວາມສຳຄັນ ແກ່ບັນດາປະເທດແມ່ນ້ຳຂອງ, ສ.ອາເມລິກາ ແລະ ເພື່ອນຂອງແມ່ນ້ຳຂອງຕອນລຸ່ມ ໃນການປຶກສາຫາລືເພື່ອກຳນົດບັນດາເປົ້າໝາຍ
ໃນການພັດທະນາເສດຖະກິດ-ສັງຄົມ ໂດຍສະເພາະຂະແໜງນ້ຳ, ພະລັງງານ ແລະ ຄວາມໝັ້ນຄົງດ້ານສະບຽງອາຫານຢູ່ໃນຂົງເຂດແມ່ນ້ຳຂອງຕອນລຸ່ມ ລວມທັງ ສປປ ລາວ
ໃຫ້ມີຄວາມຍືນຍົງຢ່າງແທ້ຈິງ.
No comments:
Post a Comment