ລັດຖະບານ
ສສ
ເຢຍລະມັນ ໃຫ້ທຶນຊ່ວຍເຫລືອທາງດ້ານເຕັກນິກແກ່ ສປປ
ລາວ ປະຈຳປີ 2014-2015 ຈຳນວນ
28,3 ລ້ານເອີໂຣ ຫລື ປະມານ
254 ຕື້ກີບ ເພື່ອສືບຕໍ່ນຳໃຊ້ເຂົ້າໃນການພັດທະນາທາງດ້ານເຕັກນິກໃນ 6 ໂຄງການຄື: ໂຄງ ການສົ່ງເສີມການສຶກສາດ້ານສິ່ງແວດລ້ອມ, ໂຄງການຫີນໝາມໜໍ່, ໂຄງການຄຸ້ມຄອງທີ່ດິນ ແລະ ການວາງແຜນແບບມີສ່ວນຮ່ວມ, ໂຄງການອະຊີວະສຶກສາ, ໂຄງການເຂົ້າເຖິງແຫລ່ງທຶນຂອງຜູ້ທຸກຍາກໃນເຂດຊົນນະບົດ
ແລະ ໂຄງການພັດທະນາຂະແໜງບໍ່ແຮ່ ຊຶ່ງໄລຍະຜ່ານມາ
ລັດຖະບານ ສສ ເຢຍລະມັນ ໄດ້ໃຫ້ທຶນຊ່ວຍເຫລືອເຂົ້າໃນບັນດາໂຄງການດັ່ງກ່າວແລ້ວຫລາຍກວ່າ 50,3 ລ້ານເອີໂຣ
ຫລື ປະມານ 453 ຕື້ກີບ.
ພິທີລົງນາມສັນຍາໃຫ້ທຶນຊ່ວຍເຫລືອດັ່ງກ່າວໄດ້ຈັດຂຶ້ນໃນວັນທີ 14 ພຶດສະພານີ້, ຢູ່ກະຊວງແຜນການ ແລະ ການລົງທຶນ
ລະຫວ່າງທ່ານ ມີເຊວ ກໍ (Michael
Grau) ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ເຢຍລະມັນປະຈຳລາວ ແລະ
ທ່ານ ດຣ. ກິແກ້ວ ຈັນທະບູລີ
ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ, ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.
No comments:
Post a Comment