ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ໄດ້ໃຫ້ທຶນກໍ່ສ້າງໂຮງຮຽນປະຖົມສົມບູນດົງກະແສນ ທີ່ເມືອງທ່າແຂກ ແຂວງຄຳມ່ວນ, ມູນຄ່າ 4,5 ຕື້ດົງ ຫລື
200.000 ໂດລາສະຫະລັດ ຊຶ່ງພິທີວາງສີລາເລີກການກໍ່ສ້າງໂຮງຮຽນດັ່ງກ່າວ ໄດ້ຈັດຂຶ້ນໃນວັນທີ 13 ກັນຍານີ້, ໂດຍມີທ່ານ ຫງວຽນ
ເຕີນ ຢຸນາຍົກລັດຖະມົນຕີແຫ່ງ ສສ
ຫວຽດນາມ, ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ປະທານຄະນະກຳມາທິການຮ່ວມມືລາວ-ຫວຽດນາມ ໃຫ້ກຽດເຂົ້າຮ່ວມ.
ທ່ານ ເຈີ່ນ ລຸກ ລ່າງ
ຮອງອຳນວຍການໃຫຍ່ BIDV ກ່າວວ່າ: ໂຮງຮຽນປະຖົມສົມບູນດົງກະແສນ ຈະສ້າງເປັນອາຄານກໍ່ຊັ້ນດຽວ ປະກອບມີ 6 ຫ້ອງຮຽນ ທີ່ປະກອບອຸປະກອນຄົບຊຸດ, ຊຶ່ງຈະສາມາດຮັບນັກຮຽນໄດ້ຢ່າງໜ້ອຍຫ້ອງລະ 30 ຄົນ, ເພື່ອສາມາດອຳນວຍຄວາມສະດວກໃຫ້ແກ່ການສຶກສາຮ່ຳຮຽນມີຄຸນນະພາບດີຂຶ້ນ, ປະກອບມີສ່ວນເສີມຂະຫຍາຍສາຍພົວພັນມິດຕະພາບແບບພິເສດ ລາວ-ຫວຽດນາມ ໃຫ້ມີຄວາມແໜ້ນແຟ້ນຍິ່ງໆຂຶ້ນ.
No comments:
Post a Comment