ມະຫາວິທະຍາໄລແຫ່ງຊາດ(ມຊ)
ໄດ້ຈັດພິທີມອບໃບປະກາດໃຫ້ນັກສຶກສາ ຮຸ່ນທີ 15
ທີ່ຮຽນຈົບຫຼັກສູດສາຍຕ່າງໆທັງໝົດ 7.257 ຄົນ ເພື່ອກຽມ ພ້ອມອອກຮັບໃຊ້ວຽກງານຂອງຊາດ ໃນນັ້ນ
ມີນັກສຶກສາຮຽນຈົບປະລິນຍາເອກຈຳນວນ 19 ຄົນ ຍິງ 1 ຄົນ, ເຊິ່ງເປັນຮຸ່ນທຳອິດຂອງ ມຊ ອີກດ້ວຍ.
ພິທີດັ່ງກ່າວໄດ້ຈັດຂຶ້ນ
ວານນີ້ ທີ່ມະຫາວິທະຍາໄລດັ່ງກ່າວ ໂດຍການເຂົ້າຮ່ວມຂອງ ທ່ານ ສຈ.ດຣ. ບຸນຕຽມ ພິດສະໄໝ
ປະທານສະພາມະຫາວິທະຍາໄລແຫ່ງຊາດ ແລະ ທ່ານ ສຈ. ດຣ. ສຸກກົງແສງ ໄຊຍະເລີດ ອະທິການບໍດີ
ມະຫາວິທະຍາໄລແຫ່ງຊາດ.
ທ່ານ
ສຈ. ດຣ. ສຸກກົງແສງ ໄຊຍະເລີດ ມີຄຳເຫັນໃນພິທີວ່າ: ການກໍ່ສ້າງບຸກຄະລາກອນທີ່ມີບຸດທິການສຶກສາ ແລະ
ມີວິຊາການເຕັກນິກວິທະຍາສາດ ເພື່ອຕອບສະໜອງຄວາມຮຽກຮ້ອງຕ້ອງການຂອງຕະຫຼາດແຮງງານ
ແລະ ຂະແໜງການຕ່າງໆໃນທົ່ວປະເທດໄດ້ພຽງພໍ, ເພື່ອກາຍເປັນຜູ້ສືບທອດພາລະກິດປົກປັກຮັກສາ ແລະ ສ້າງສາພັດທະນາເສດຖະກິດ
- ສັງຄົມຂອງຊາດ ໃຫ້ຈະເລີນກ້າວໜ້າຮອບດ້ານ.
ພ້ອມນັ້ນ ທ່ານຍັງໄດ້ຮຽກຮ້ອງໃຫ້ນັກສຶກສາດັ່ງກ່າວ ຈົ່ງພ້ອມກັນຕັ້ງໜ້າ, ນໍາເອົາຄວາມຮູ້ຄວາມສາມາດຂອງຕົ້ນປະກອບສ່ວນເຂົ້າໃນວຽກງານຕົວຈິງ
ໃຫ້ປະສົບຜົນສຳເລັດ, ຊ່ວຍພັດທະນາປະເທດຊາດໃຫ້ສາມາດຫຼຸດພົ້ນອອກຈາກສະຖານະພາບດ້ອຍພັດທະນາໃນປີ
2020 ແລະ ກ້າວໄປສູ້ປະເທດພັດທະນາທີມີລາຍຮັບປານກາງຕາມທິດສີຂຽວ ແລະ
ຢືນຍົງໃນປີ 2030.
ທ່ານ ສຈ.ດຣ. ສາຍຂອງ ສາຍນາສິນ ຮອງອະທິການບໍດີ ມຊ
ໃຫ້ຮູ້ວ່າ:
ນັກສຶກສາທີ່ສຳເລັດການສຶກສາສົກຮຽນນີ້ມີລະດັບ ປະລິນຍາເອກ
19 ຄົນຍິງ 1 ຄົນ ປະລິນຍາໂທ 434 ຄົນ ຍິງ 175 ຄົນ, ປະລິນຍາຕີ 6.602 ຄົນ ຍິງ2.698
ຄົນ, ອະນຸປະລີນຍາ 202 ຄົນ ຍິງ 85 ຄົນ, ຈຳນວນນີ້ເປັນພຣະສົງສຳມະເນນ 62 ອົງ,
ນັກສຶກສາໄດ້ກຽດນິຍົມ 32 ຄົນ ຍິງ 21 ຄົນ , ນັກສຶກສາຕ່າງປະເທດ 129 ຄົນຍິງ 24
ຄົນ.
No comments:
Post a Comment