ວັນທີ
14 ກັນຍານີ້, ຄະນະບໍລິຫານງານສູນກາງຊາວໜຸ່ມ ກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ໄດ້ຈັດຕັ້ງເວທີຖາມ-ຕອບວິທະຍາ ສາດ ຂຶ້ນທີ່ກະຊວງຂອງຕົນ ໃນນະຄອນຫລວງວຽງຈັນ, ໂດຍການເຂົ້າຮ່ວມເປີດພິທີຂອງທ່ານ ສະເຫລີມໄຊ ກົມມະສິດ ລັດຖະມົນຕີຊ່ວຍວ່າການກະຊວງການຕ່າງປະເທດ, ມີທ່ານ ອານຸພາບ
ວົງໜໍ່ແກ້ວ ເລຂາຄະນະບໍລິຫານງານຊາວໜຸ່ມ ກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ.
ລັດຖະມົນຕີຊ່ວຍ
ກ່າວວ່າ: ເພື່ອຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກກະຊວງການຕ່າງປະເທດ ຄັ້ງທີ
III, ວັນການທູດລາວ ຄົບຮອບ
70 ປີ
ແລະ ວັນຊາດລາວ ຄົບຮອບ
40 ປີ,
ທາງກະຊວງການຕ່າງປະເທດ ໄດ້ພ້ອມກັນຈັດຕັ້ງການແຂ່ງຂັນ ຖາມ-ຕອບ ວິທະຍາສາດ
ເພື່ອຊີງຂັນລາງວັນຂອງທ່ານຮອງນາຍົກລັດຖະມົນຕີ ລັດຖະມົນ ຕີວ່າການກະຊວງການຕ່າງປະເທດ ແລະ ທັງເປັນການປຸກລະດົມ, ສ້າງຄວາມຮູ້ທີ່ເລິກເຊິ່ງ
ກວ່າເກົ່າກ່ຽວກັບຂະແໜງການຕ່າງປະເທດຄື: ປະຫວັດຄວາມເປັນມາ ແລະ ຜົນງານທີ່ພົ້ນເດັ່ນຂອງຂະແໜງການພາຍໃຕ້ການນຳພາຂອງພັກປະຊາຊົນປະຕິວັດລາວ ຕະຫລອດໄລຍະກວ່າ 60 ປີຜ່ານມາ,
ທັງເປັນການປະກອບສ່ວນໃຫ້ແກ່ວຽກງານສຶກສາອົບຮົມການເມືອງແນວຄິດ ແລະ ວຽກງານການຕ່າງປະເທດ ໃຫ້ຊາວໜຸ່ມອ້ອມຂ້າງກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ໄດ້ຮັບຮູ້ ແລະ ກຳໄດ້ແນວທາງນະໂຍບາຍຂອງພັກ ແລະ ລັດຖະບານໃນໄລຍະໃໝ່. ການ
ຈັດກິດຈະກຳແຂ່ງຂັນຖາມ-ຕອບ ວິທະຍາສາດຄັ້ງນີ້ ມີສະມາຊິກຊາວໜຸ່ມພາຍໃນກະຊວງ ເຂົ້າຮ່ວມເປັນຈຳນວນຫລາຍ ແລະ ໄດ້ແບ່ງເປັນ 20 ກຸ່ມ, ກຸ່ມລະ 4 ຄົນທີ່ຕາງໜ້າຈາກກົມຕ່າງໆເພື່ອຂຶ້ນຊີ້ແຈງບັນຫາຕ່າງໆດ້ວຍບັນຍາກາດຟົດຟື້ນ.
No comments:
Post a Comment