ວັນທີ
1 ພະຈິກນີ້, ສາຂາບໍລິຫານປີຊາ(
THE Pizza Company ແລະ SwensenS) ໄດ້ຈັດພິທີສະເຫຼີມສະຫຼອງການເຂົ້າມາເປີດກິດຈະກຳຢູ່ລາວຄົບຮອບ 5 ປີຂຶ້ນ, ຢູ່ເດີນຫໍວັດທະນະທຳແຫ່ງຊາດ, ນະຄອນຫຼວງວຽງຈັນ,ໂດຍການເຂົ້າຮ່ວມຂອງຜູ້ຈັດການບໍລິສັດ Express
food Group ແລະ ລູກຄ້າຊາວນະຄອນຫຼວງວຽງຈັນເຂົ້າຮ່ວມເປັນຈຳນວນຫຼາຍ, ຜູ້ຈັດການຮ້ານດັ່ງກ່າວໃຫ້ຮູ້ວ່າ: ເພື່ອສະແດງຄວາມຂອບໃຈ ແລະ ຄືນກຳໄລໃຫ້ລູກຄ້າທີ່ໃຫ້ການສະໜັບສະໜູບຮ້ານ THE Pizza Company ແລະ SwensenS ຕະຫຼອດໄລຍະ 5 ປີຜ່ານມາ, ທີ່ເຮັດໃຫ້ຮ້ານມີການເຕີບໃຫຍ່ຂະຫຼາຍໂຕ, ຊຶ່ງມາຮອດປັດຈຸບັນ THE Pizza
Company ໄດ້ຂະຍຫາຍເປັນ 3 ສາຂາໃນນະຄອນຫຼວງວຽງຈັນຄື: ສາຂາທີ່ 1 ຢູ່ຂ້າງຫໍວັດທະນະທຳແຫ່ງຊາດ ບ້ານຊຽງຍືນ, ສາຂາທີ 2 ຢູ່ບ້ານໂພນສີນວນ ເມືອງສືສັດຕະນາກ ແລະ ສາຂາທີ່ 3 ບ້ານຄຳຮຸ່ງ(ຕໍ່ໜ້າທາງເຂົ້າມະຫາວິທະຍາ
ໄລແຫ່ງຊາດ), ເມືອງໄຊທານີ ແລະ ເຊື້ອວ່າໃນອະນາຄົດຍັງຈະມີການຂະຫຍາຍສາຂາໄປສູ່ແຂວງຕ່າງຕື່ມອີກ, ໃນງານສະເຫຼີມສະຫຼອງຄັ້ງນີ້ຍັງຈັດໃຫ້ມີການຈັບສະຫຼາກມອບໂຊກໃຫ້ລູກຄ້າ, ຊຶ່ງລາງວັນທີ
1 ໄດ້ຮັບລົດໃຫຍ່ (ຟອດໂຟກັດ) 1 ຄັນ ແມ່ນ ນາງ
ນ້ອຍ ໄຊຖາວອນ ຢູ່ບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ ແລະ ລາງວັນອື່ນໆອີກຫຼາກຫຼາຍລວມມູນຄ່າຫຼາຍກວ່າ 300 ລ້ານກີບ, ໃນງານຍັງມີບໍລິສັດ ລາວຟອດຊີຕີ, ບໍລິສັດນ້ຳຫວານລາວ, ສາຍການບິນບາງກອກແອເວເຂົ້າຮ່ວມວາງສະແດງສິນຄ້າ ແລະ ຜະລິດຕະພັນຂອງຕົນນຳດ້ວຍ. 
No comments:
Post a Comment