ປະທານວິຊາຊີບນັກບັນຊີ ແລະ ນັກກວດສອບລາວ, ກ່າວໃນກອງປະຊຸມວິຊາການພາຍໃຕ້ຫົວຂໍ້ໂອກາດ ແລະ ສິ່ງທ້າທາຍໃນການຂະຫຍາຍຕົວຂອງວິສະຫະກິດຂະໜາດນ້ອຍ ແລະ ກາງໃນອາຊຽນເມື່ອມໍ່ໆມານີ້ວ່າ: ປັດຈຸບັນວິສາຫະກິດຂະໜາດນ້ອຍ ແລະ ກາງໄດ້ປະກອບສ່ວນເຂົ້າໃນລວມຍອດຜະລິດຕະພັນພາຍໃນ
(GDP)ຂອງໂລກປະມານ 30%, ແຕ່ວິສາຫະກິດດັ່ງກ່າວກໍ່ມີຄວາມສຳຄັນຫຼາຍທາງດ້ານຈຳນວນ ຊຶ່ງກວມເອົາເຖິງ 90 % ຂອງວິສາຫະກິດທັງໝົດໃນທຸກໆປະເທດຂອງໂລກ ແລະ ຍັງປະກອບສ່ວນສຳຄັນເຂົ້າໃນຊີວິດປະຈຳວັນຂອງປະຊາຊົນ, ໂດຍສະເພາະແມ່ນການສ້າງວຽກເຮັດງານ
ທຳໃຫ້ແກ່ປະຊາຊົນໃນໂລກຫຼາຍກວ່າ 50 % ແລະ ສະເພາະການສ້າງວຽກເຮັດງານທຳຂອງປະເທດອາຊຽນປະມານ 85 %, ແມ່ນມາຈາກທຸລະກິດຂະໜາດນ້ອຍ ແລະ ກາງ, ຖືວ່າເປັນກະດູກສັນຫຼັງຂອງປະເທດທີ່ກຳລັງພັດທະນາ ແລະ ການພັດທະນາວິສາຫະກິດຂະໜາດນ້ອຍ ແລະ ກາງຂອງແຕ່ປະເທດໃນໂລກ, ກໍຄືປະເທດລາວເຮົາ, ລ້ວນແລ້ວແຕ່ເປັນພື້ນຖານສຳຄັນ ເພື່ອໃຫ້ບັນລຸການຂະຫຍາຍຕົວທາງດ້ານເສດຖະກິດໄລຍະຍາວແບບຍືນຍົງ, ແຕ່ປັດຈຸບັນວິສາຫະກິດຂະໜາດນ້ອຍ ແລະ ກາງຫຼາຍກ່າວເຄິ່ງໜຶ່ງແມ່ນຍັງບໍ່ສາມາດເຂົ້າເຖິງແຫ່ງທຶນ, ຊຶ່ງເປັນສິ່ງກີດກັນເຮັດໃຫ້ເຂົ້າເຈົ້າບໍ່ສາມາດຂະຫຍາຍຕົວໄດ້.
No comments:
Post a Comment