ທ່ານລັດຖະມົນຕີຊ່ວຍວ່າການກະຊວງສຶກສາທິການແລະກິລາ ແສງເດືອນ ຫຼ້າຈັນທະບູນ ກ່າວຕໍ່ພິທີວ່າ: ການປັບປຸງຄຸນນະພາບການສຶກສາແມ່ນໜຶ່ງໃນບັນດາບູລິມະສິດຕົ້ນຕໍຂອງລັດຖະ ບານ ແລະ
ຈຳເປັນທີ່ສຸດສຳລັບການບັນລຸເປົ້າໝາຍສະຫັດສະວັດແຫ່ງການພັດທະນາທີ່ຍືນຍົງ (
SDGs) ແລະ
ໃນການຊ່ວຍເຫຼືອລາວຫຼຸດພົ້ນອອກຈາກສະຖານະດ້ອຍພັດທະນາ. ແຜນງານ BEQuA-BasED ຂອງສະຫະພາບເອີຣົບມີຄວາມກົມກຽວກັບບັນດາບູລິມະສິດຂອງແຜນພັດທະ ນາຂະແໜງສຶກສາສົກປີ 2016-2020 ແລະ ນອກນີ້
ຍັງຈະເປັນການປະກອບສ່ວນອັນຕັ້ງໜ້າເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ ແລະ ສັງຄົມແຫ່ງຊາດສົກປີ
2016-2020.
ທ່ານ
ມີແຊນ, ອຸປະທູດ ສະຫະພາບເອີຣົບ ປະຈຳລາວ
ກ່າວວ່າ: ການສຶກສາແມ່ນຂະແໜງຍຸດທະ ສາດໃນການຫຼຸດຜ່ອນຄວາມທຸກຍາກ ແລະ ການພັດທະນາທີ່ຍືນຍົງ,
ແຕ່ກ່ອນອື່ນໝົດການສຶກສາ ສຳລັບທຸກຄົນແມ່ນແກນຫຼັກຂອງສັງຄົມທີ່ມີຄວາມຍຸຕິທຳ, ແຜນງານ BEQuA-BasED ໄດ້ຮັບການຜັນຂະຫຍາຍມາຈາກນະໂຍບາຍຂອງອີຢູ ແລະ ບັນດາບູລິມະສິດຍຸດທະສາດຂອງແຜນພັດທະນາເສດຖະກິດ-ສົງຄົມ
ແຫ່ງຊາດຄັ້ງທີ VIII 2016-2020 ແລະ ແຜນພັດທະນາຂະແໜງການສຶກສາສົກປີ 2016-2020. ອີຢູ
ຈະເຮັດວຽກຢ່າງໃກ້ຊິດກັບກະຊວງສຶກສາທິການ ແລະກິລາ ແລະ
ສະຖານທູດອົດສະຕຣາລີ ເພື່ອຈັດຕັ້ງປະຕິບັດແຜນງານນີ້ໃຫ້ໄດ້ຮັບໝາກຜົນສູງສຸດ.
ວົງເງິນຊ່ວຍເຫຼືອສ່ວນທີໜຶ່ງຈຳນວນ 11,5 ລ້ານເອີໂຣ ແມ່ນປະກອບສ່ວນເຂົ້າໃນແຜນງານສົ່ງເສີມຄຸນນະພາບ ແລະ ການເຂົ້າເຖິງການສຶກສາຂັ້ນພື້ນຖານໃນລາວ (BEQUAL) ເຊິ່ງໄດ້ຮັບການຊ່ວຍ ເຫຼືອຈາກລັດຖະບານອົດສະຕາລີ ໃນວົງເງິນ
48 ລ້ານເອີໂຣ, ແຜນງານນີ້
ມີຈຸດປະສົງເອື້ອອຳນວຍຄວາມສະດວກແກ່ບັນດາເດັກນ້ອຍຜູ້ດ້ອຍໂອກາດຈຳນວນຫຼາຍກ່າວເດີມ ບັນລຸການສຶກສາຂັ້ນພື້ນຖານທີ່ມີຄຸນນະພາບ, ສາມາດຮູ້ໜັງສື, ຄິດໄລ່ເປັນ
ແລະ ໄດ້ຮັບທັກສະຊີວິດອື່ນໆທີ່ຈຳເປັນຄາດວ່າເດັກນັກຮຽນລະດັບປະຖົມຫຼາຍກວ່າ 450 ພັນຄົນໃນບັນດາ 66 ເມືອງຈະໄດ້ຮັບຜົນປະໂຫຍດຈາກແຜນງານນີ້, ກິດຈະກຳແຜນງານແມ່ນຈະກວມເອົາການປັບປຸງຫຼັກສູດການສອນພັດທະນາອົງກອນ ແລະ ເຄື່ອງມືການຮຽນການສອນໃໝ່, ຍົກສູງທັກສະຄູອາ
ຈານ,
ສະໜັບສະໜູນທຶນສຶກສາວິຊາຊີບຄູໃຫ້ແກ່ບ້ານທີ່ຂາດເຂີນຄູສອນ, ປັບປຸງການບໍລິຫານ ໂດຍຖືເອົາໂຮງຮຽນເປັນພື້ນຖານ, ປັບປຸງໂຄງລ້າງພື້ນຖານໂຮງຮຽນ, ສະໜອງອາຫານທ່ຽງສຳລັບນັກຮຽນ ແລະ ອີກຫຼາຍກິດຈະກຳອື່ນໆທີ່ມີຈຸດປະສົງປັບປຸງຄຸນນະພາບການສຶກສາຂັ້ນປະຖົມ ແລະ ປັບປຸງການມີສ່ວນຮ່ວມຂອງເດັກ ແລະ
ຊຸມຊົນຂອງເຂົາເຈົ້າເຂົ້າໃນການພັດທະນາການສຶກສາຂັ້ນປະຖົມ.
No comments:
Post a Comment