ສາທາລະນະສຸກຈະສືບຕໍ່ຜັນຂະຫຍາຍເນື້ອໃນສີ່ບຸກທະລຸໃຫ້ເປັນຮູບປະທຳ ເພື່ອປັບປຸງຂອດບໍລິການໃຫ້ເຂັ້ມແຂງ

         

 ສະຫາຍ ຄຳເພັດ ມະນີວົງ ຮອງເລຂາຄະນະພັກກະຊວງສາທາລະນະສຸກ ໄດ້ຂຶ້ນ ລາຍງານຕໍ່ກອງປະຊຸມໃຫຍ່ຄັ້ງທີ X ຂອງພັກ, ທີ່ໄດ້ດຳເນີນເມື່ອກາງເດືອນມັງກອນທີ່  ຜ່ານມາ, ໂດຍສະ ຫາຍໄດ້ຍົກໃຫ້ເຫັນເຖິງການຫັນເນື້ອໃນສີ່ບຸກທະລຸ ໃຫ້ກາຍເປັນຮູບປະທຳ ເພື່ອປັບປຸງການບໍລິການສາທາ ລະນະສຸກໃຫ້ເຂັ້ມແຂງ, ຊຶ່ງໃນຂົງເຂດສາທາລະນະສຸກ ໄດ້ກຳນົດໄວ້ວ່າ: “ຄຽງຄູ່ກັບການສ້າງຄົນດ້ານສະຕິ ປັນຍາ, ມີຄວາມຮູ້, ມີວິຊາຊີບ ແລະ ຄຸນສົມບັດສິນທຳດີນັ້ນ, ພວກເຮົາຕ້ອງເພີ້ມຄວາມ ພະຍາຍາມຕື່ມອີກຕໍ່ການສ້າງຄົນລາວ ໃຫ້ມີຄວາມເຂັ້ມແຂງທາງຮ່າງກາຍ ແລະ ມີພະລາ ໄມສົມບູນ, ສະນັ້ນ ຕ້ອງສືບຕໍ່ປະຕິບັດນະໂຍບາຍສາທາລະນະສຸກ ຕາມທິດຖືເອົາການ ກັນພະຍາດສົ່ງເສີມສຸຂະ ພາບເປັນຕົ້ນຕໍ ແລະ ຖືເອົາການປິ່ນປົວທີ່ມີຄຸນນະພາບ ແລະ ສະໜອງການບໍລິການດ້ານສາທາລະນະສຸກຢ່າງທົ່ວເຖິງເປັນສຳຄັນ”, ໂດຍປະຕິບັດຕາມ ທິດຊີ້ນຳດັ່ງກ່າວ ແລະ ທິດສີ່ບຸກທະລຸນັ້ນ ກະຊວງສາທາລະນະສຸກ ໄດ້ນຳມາຜັນຂະ ຫຍາຍອອກເປັນຍຸດທະສາດປະຕິຮູບ ສາທາລະນະສຸກ ໂດຍຜ່ານການຮັບຮອງຈາກລັດຖະ ບານ ແລະ ສະພາແຫ່ງຊາດ ເພື່ອປັບປຸງລະບົບສາທາລະນະສຸກໃຫ້ເຂັ້ມ ແຂງ ແນໃສ່ໃຫ້ ບັນລຸເປົ້າໝາຍສະຫະສະວັດ ດ້ານການພັດທະນາ ໃນປີ 2015 ແລະ ບັນລຸຫລັກປະກັນ ສຸຂະພາບທົ່ວປວງຊົນໃນປີ 2025, ໂດຍເລັ່ງໃສ່ປະຕິບັດ 5 ເນື້ອໃນຍຸດທະສາດຄື: 1.) ດ້ານການພັດທະນາຊັບພະຍາກອນມະນຸດ, ໄດ້ເອົາໃຈໃສ່ກໍ່ສ້າງພະນັກງານ ໃຫ້ສອດຄ່ອງ ກັບຄວາມຮຽກຮ້ອງຕ້ອງການ, ໂດຍສະເພາະແພດ, ພະຍາບານ, ຜະດຸງຄັນ ແລະ ແພດ ບ້ານ ໃຫ້ໄດ້ຄວາມສຳຄັນໃນການຫັນຜູ້ສຳເລັດການສຶກສາລົງຮາກຖານຕາມທິດ 3 ສ້າງ, 2.) ດ້ານການເງິນສາທາ ລະນະສຸກ ໄດ້ເອົາໃຈໃສ່ໃນການຂະຫຍາຍຄັງປະກັນສຸຂະພາບ, ປະຕິບັດນະໂຍບາຍປິ່ນປົວບໍ່ເສຍຄ່າ ຕໍ່ຜູ້ທຸກຍາກ, ແມ່ ແລະ ເດັກ ໄດ້ເອົາໃຈໃສ່ຊຸກຍູ້ໃຫ້ ພາກເອກກະຊົນ ທັງພາຍໃນ ແລະ ຕ່າງປະເທດ ເຂົ້າມາລົງທຶນສ້າງໂຮງໝໍເອກກະຊົນ ໂດຍກົງ ຫລື ຮ່ວມມືກັບໂຮງໝໍລັດ, 3.) ດ້ານການຈັດຕັ້ງ, ການຄຸ້ມຄອງບໍລິຫານ ແລະ ແບບແຜນວິທີການເຮັດວຽກ, ຕາມທິດບຸກທະລຸດ້ານການແກ້ໄຂລະບອບ, ລະບຽບບໍລິຫານ ຄຸ້ມຄອງ, ກະຊວງສາທາລະນະສຸກໄດ້ເອົາໃຈໃສ່ປັບປຸງການຄຸ້ມຄອງໄປຕາມທິດ 3 ສ້າງ ດ້ວຍການແບ່ງຂັ້ນຄຸ້ມຄອງໃຫ້ຈະແຈ້ງ, 4.) ດ້ານການບໍລິຫານສາທາລະນະສຸກ ໄດ້ປະຕິ ຮູບດ້ານການບໍລິການ, ໂດຍສຸມໃສ່ການປັບປຸງຄຸນນະພາບການບໍລິການ ແລະ ຂະຫຍາຍ ຕາໜ່າງສາທາລະນຸກສຸກໃຫ້ທົ່ວເຖິງ ອັນໄດ້ສ້າງຄວາມເພິ່ງພໍໃຈໃຫ້ປະຊາຊົນບັນດາເຜົ່າ ທີ່ມາໃຊ້ບໍລິການ ແລະ 5.) ດ້ານຂໍ້ມູນຂ່າວສານ, ການຕິດຕາມ ແລະ ການປະເມີນຜົນ ຢູ່ບາງໂຮງໝໍ, ສູນປິ່ນປົວສະເພາະຂັ້ນສູນກາງ ໄດ້ປະສົບຜົນສຳເລັດໃນການທົດລອງນຳ ໃຊ້ຄອມພິວເຕີ ເຊື່ອມຕໍ່ຂໍ້ມູນດ້ານການລົງທະບຽນຄົນເຈັບ, ການບົ່ງມະຕິ, ການຄຸ້ມຄອງ ສາງຢາ ແລະ ການເງິນ ຮັບປະກັນຄວາມວ່ອງໄວ, ໂປ່ງໃສ ແລະ ຄົນເຈັບມີຄວາມພໍໃຈ.

          ສະຫາຍ ໄດ້ກ່າວວ່າ: ຜ່ານການຈັດຕັ້ງປະຕິບັດການຫັນສີ່ບຸກທະລຸເປັນການປະຕິ ບັດຮູບ ເພື່ອປັບປຸງການບໍລິການສາທາລະນະສຸກໃຫ້ເຂັ້ມແຂງ, ກະຊວງສາທາ ສາມາດ ຢັ້ງຢືນໄດ້ເຖິງຜົນສຳເລັດທີ່ສະແດງອອກໃນການບັນລຸເປົ້າໝາຍສະຫັດສະວັດຄື: ອັດຕາ ການຕາຍຂອງແມ່ ໄດ້ຫລຸດລົງ 7,4%ຕໍ່ປີ, ຊຶ່ງ ສປປ ລາວ ໄດ້ຕິດອັນດັບທີ 3 ຂອງ 79 ປະເທດຂອງໂລກ ທີ່ສາມາດຫລຸດອັດຕາການຕາຍຂອງແມ່ໄດ້ຢ່າງໄວວາ, ອັດຕາການ ຕາຍຂອງເດັກລຸ່ມ 1 ປີ ກໍໄດ້ຫລຸດລົງ 4,4%ຕໍ່ປີ, ປະຊາຊົນສາມາດເຂົ້າເຖິງແຫລ່ງນ້ຳ ສະອາດ 81% ແລະ ການຊົມໃຊ້ວິດຖ່າຍ ກໍໄດ້ເພີ່ມຂຶ້ນ 61%. ບັນດາເປົ້າໝາຍສະກັດ ກັ້ນພະຍາດຕິດຕໍ່ເຊັ່ນ: ໄຂ້ມາເລເຣຍ, ໂລກເອດ ແລະ ວັນນະໂລກ ກໍລ້ວນແລ້ວແຕ່ໄດ້ ຮັບຜົນສຳເລັດ ການເຮັດໄດ້ຄືແນວນີ້ ແມ່ນຍ້ອນມີແນວທາງປ່ຽນແປງໃໝ່ທີ່ສອດ ຄ່ອງ, ຄະນະພັກ, ຄະນະນຳກະຊວງສາທາລະນະສຸກມີການຊີ້ນຳ-ນຳພາຢ່າງໃກ້ຊິດ, ພະນັກງານທຸກຄົນອົດທົນຜ່ານຜ່າຕໍ່ທຸກຂໍ້ຫຍຸ້ງຍາກ, ອຳນາດການປົກຄອງ ແລະ ປະຊາຊົນບັນດາເຜົ່າໃຫ້ຄວາມຮ່ວມມືເປັນຢ່າງດີ.