ທ້າຍອາທິດນີ້ ອາດມີຝົນຕົກ, ຟ້າຮ້ອງ ແລະ ລົມພັດແຮງຢູ່ບາງທ້ອງຖິ່ນ

          ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນລະຫວ່າງວັນທີ 1-3 ເມສານີ້, ຄວາມກົດດັນອາກາດຕ່ຳຈະແຜ່ລົງມາປົກຄຸມຢູ່ທົ່ວທຸກພາກຂອງລາວ, ເຊິ່ງຈະເຮັດໃຫ້ ອາກາດຮ້ອນຂຶ້ນໃນແຕ່ລະພາກ, ພ້ອມມີຝົນຕົກ, ຟ້າຮ້ອງ, ຟ້າເຫລື້ອມ ແລະ ມີລົມພັດ ແຮງຢູ່ບາງທ້ອງຖິ່ນ ເປັນຕົ້ນ ພາກເໜືອດ້ານຕາເວັນອອກ: ອຸນຫະພູມອາກາດຈະສູງຂຶ້ນ ແລະ ມີລົມພັດ, ມີລົມໝອກແຫ້ງປົກຫຸ້ມຫລາຍຂຶ້ນຢູ່ຕາມທ້ອງຖິ່ນ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 26-28 ອົງສາ; ພາກເໜືອດ້ານຕາ ເວັນຕົກ: ອຸນຫະພູມອາກາດ ຈະສູງຂຶ້ນ ແລະ ມີລົມໝອກແຫ້ງພັດປົກຄຸມຢູ່ຕາມທ້ອງຖິ່ນ, ພ້ອມຈະມີຝົນຕົກ ແລະ ລົມ ພັດແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 34-36 ອົງສາ; ຢູ່ນະຄອນຫລວງ

ວຽງຈັນ: ອາກາດຈະຮ້ອນຂຶ້ນຕື່ມອີກ ແລະ ຈະມີຝົນຕົກຟ້າຮ້ອງ, ພ້ອມ ມີລົມພັດແຮງຢູ່ຕາມບໍລິເວນ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 34-36 ອົງສາ; ພາກກາງ: ອາກາດຈະຮ້ອນເອົ້າຫລາຍ ພ້ອມຈະມີຝົນຕົກ ຟ້າຮ້ອງ ແລະ ມີລົມ ພັດແຮງຢູ່ຕາມທ້ອງຖິ່ນ. ອຸນຫະພູມ 24-26 ອົງສາ ແລະ ສູງສຸດ 36-38 ອົງສາ; ພາກ ໃຕ້: ອາກາດຈະຮ້ອນເອົ້າ ຢູ່ໃນໄລຍະຕອນບ່າຍ ພ້ອມມີໝອກແຫ້ງປົກຫຸ້ມຢູ່ທົ່ວໄປ. ອຸນ ຫະພູມຕ່ຳສຸດ 24-26 ອົງສາ ແລະ ສູງສຸດ 36-38 ອົງສາ. ດັ່ງນັ້ນ, ຈຶ່ງເຕືອນປະຊາຊົນ ຢູ່ທ້ອງຖິ່ນຕ່າງໆ ຈົ່ງມີສະຕິລະມັດລະວັງຕໍ່ສະພາບອາກາດຮ້ອນເອົ້າທີ່ຈະສົ່ງຜົນກະທົບຕໍ່ ສຸຂະພາບຂອງຄົນ, ສັດລ້ຽງ ແລະ ໃຫ້ກວດກາເບິ່ງອຸປະກອນໄຟຟ້າພາຍໃນເຮືອນຂອງ ຕົນ, ທັງນີ້ ກໍເພື່ອຫລີກລ້ຽງບໍ່ໃຫ້ເກີດອັດຄີໄພ, ພ້ອມນີ້ກໍໃຫ້ມີສະຕິຕໍ່ສະພາບລົມແຮງ ໃນໄລຍະນີ້ນຳອີກ.