ນຳສະເໜີລົດ ຈາກົວ ເອັກອີ ຮຸ້ນໃໝ່

          ວັນທີ 30 ມີນານີ້, ຕົວແທນຈຳໜ່າຍລົດ ຈາກົວ-ແລນໂລເວີ້ ທີ່ນະຄອນຫລວງ ວຽງຈັນ, ໄດ້ຈັດພິທີນຳສະເໜີລົດ ຈາກົວ ເອັກອີ (Jaguar XE) ຮຸ້ນໃໝ່ລ່າສຸດ ອອກສູ່ ສາຍຕາມວນຊົນ ເປັນເທື່ອທຳອິດ, ໂດຍມີທ່ານເອກອັກຄະລັດຖະທູດອັງກິດ ປະຈຳລາວ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈຳນວນຫລາຍ.

ຜູ້ບໍລິຫານງານຝ່າຍຂາຍ ກ່າວວ່າ: ລົດ (Jaquear XE), ເປັນລົດທີ່ໂດດເດັ່ນ ແລະ ມີຄວາມສວຍງາມ, ໂຄງສ້າງຂອງລົດແມ່ນເຮັດ ດ້ວຍອາລູມິນຽມມີຄວາມແຂງແກ່ນ, ໜາ ແໜ້ນ, ພາຍໃນຖືກອອກແບບມາດ້ວຍເທັກໂນ ໂລຢີທີ່ທັນສະໄໝ, ຫລູຫລາ, ມີລະດັບ ແລະ ໃນເວລາຂັບຂີ່ຈະບໍ່ມີສຽງຂ້າງນອກເຂົ້າມາລົບ ກວນຢ່າງເດັດຂາດ, ລົດຈາກົວຮຸ້ນໃໝ່ນີ້, ແມ່ນນຳໃຊ້ຈັກ

ລະບົບ 4 ສູບ, ມີເຄື່ອງ ຈັກ 2ປະເພດຄື: ຈັກກາຊວນ, ມີຄວາມແຮງແຕ່ 163-180 ແຮງມ້າ ແລະ ຈັກແອັດຊັງ ແມ່ນ 200-240 ແຮງມ້າ, ພ້ອມນີ້ ຍັງມີລະບົບຊ່ວງລ່າງແບບປີກນົກຄູ່ ທີ່ເຊື່ອມໂຍງ ກັບເພົາລໍ້ຫລັງ ທີ່ເຮັດຂຶ້ນມາ ເປັນໂຕກຳນົດການເຄື່ອນທີ່ ດ້ວຍການຄວບຄຸມພວງມະໄລ ມີສະມັດຕະພາບດີທີ່ສຸດ, ລົດຈາກົວ ເອັກອີ ຖືກສ້າງຂຶ້ນໃຫ້ກາຍເປັນ ລົດເກັງສະປອດ ແລະ ລົດທຸກຮຸ້ນມີຈຳໜ່າຍຢູ່ລາວແລ້ວ.