ໃນຕອນເຊົ້າວັນທີ 30 ກັນຍານີ້,
ໄດ້ເກີດເຫດຂົວອູ່ຂ້າມນໍ້າແຊງເປ່ເພກະທັນຫັນອັນໄດ້ເປັນຜົນເຮັດໃຫ້ນັກຮຽນເສຍຊີວິດແລ້ວ
2 ຄົນເປັນຍີງ 1 ຄົນ ແລະ ຊາຍ 1 ຄົນ ແລະ ມີຜູ້ໄດ້ຮັບບາດເຈັບຫລາຍສີບຄົນ, ເຫດການດັ່ງກ່າວແມ່ນເກີດຂຶ້ນເນື່ອງມາຈາກເປັນຂົວເກົ່າທີ່ໄດ້ຮັບການກໍ່ສ້າງມາແຕ່ປີ
2012 ດ້ວຍງົບປະມານຂອງເມືອງໃນມູນຄ່າ 600 ລ້ານກ່າວກີບ, ໂດຍແມ່ນບໍລິສັດ ອ່ອນສີກໍ່ສ້າງຂົວທາງເປັນຜູ້ຮັບເໝົາກໍ່ສ້າງ, ເພື່ອອຳນວຍຄວາມສະດວກໃຫ້ແກ່ນັກຮຽນຊັ້ນ ມ 3 ຫາ ມ 7
ທີ່ຂ້າມໄປຮຽນຢູ່ຟາກກົງກັນຂ້າມກັບສໍານັກງານ
ອົງການຂອງເມືອງໃນປັດຈຸບັນ, ຊຶ່ງເຫດການໄດ້ເກີດຂື້ນໃນໄລຍະທີ່ນັກຮຽນພວມເດີນທາງໄປໂຮງຮຽນ.
ຕາມການສຳຫຼວດຂອງວິຊາການຂອງເມືອງແມ່ນອາດຈະເກີດຈາກສະພາບຄວາມຊຸດໂຊມຂອງຂົວບວກກັບການຮັບນ້ຳໜັກຂອງການສັນຈອນບໍ່ໄດ້
ຈື່ງເຮັດໃຫ້ຮາວພະນັກຂອງຂົວທີ່ຈ່ອງດືງດ້ວຍສາຍກາບ ຂາດ ແລະ ເປ່ເພລົງ ສົ່ງຜົນເຮັດໃຫ້ນັກຮຽນຈໍານວນບໍ່ໜ້ອຍທີ່ພວມໄຕ່ຂ້າມຂົວຕົກລົງນໍ້າ, ໃນນັ້ນມີເສຍຊີວິດແລ້ວ 2 ຄົນ ແລະ ຍັງສູນຫາຍອີກ 3 ຄົນ, ສ່ວນຜູ້ບາດເຈັບທີ່ສາມາດສັງລວມຕົວເລກໄດ້ໃນຕອນບ່າຍຂອງວັນທີ 30 ກັນຍາ ແມ່ນມີຈໍານວນ 51 ຄົນ,
ໃນນີ້ບາດເຈັບໜັກ 19 ຄົນ,
ປັດຈຸບັນການນໍາຂອງເມືອງໄດ້ປະ ສານສົມທົບກັບທຸກພາກສ່ວນເພື່ອເຂົ້າໃຫ້ການຊ່ວຍເຫຼືອໂດຍສະເພາະແມ່ນການນຳສົ່ງຜູ້ບາດເຈັບໄປປີ່ນປົວຢູ່ໂຮງໝໍເມືອງວຽງຄຳ
ແລະ ເມືອງອ້ອມຂ້າງ,
ສ່ວນຜູ້ບາດເຈັບໜັກແມ່ນໄດ້ນຳສົ່ງປີ່ນປົວຢູ່ໂຮງໝໍແຂວງ, ພ້ອມທັງສືບຕໍ່ຄົ້ນຫາຜູ້ສູນຫາຍຕື່ມອີກ.
No comments:
Post a Comment