ໃນໂອກາດພົບປະຫາລືສອງຝ່າຍລະຫວ່າງທ່ານຮອງນາຍົກລັດຖະມົນຕີແຫ່ງ ສປປ ລາວ ສອນໄຊ
ສີພັນດອນ ແລະ ທ່ານ ຈິງ ດິງ ຢຸງ ຮອງນາຍົກລັດຖະມົນຕີແຫ່ງ ສສ ຫວຽດນາມ ເມື່ອວັນທີ 5
ຕຸລານີ້,
ທີ່ນະຄອນຫລວງວຽງຈັນ ເພື່ອແລກປ່ຽນບົດຮຽນເຊິ່ງກັນ ແລະ
ກັນໃນຫລາຍດ້ານ,
ໂດຍສະເພາະການພັດທະນາເສດຖະກິດ-ສັງຄົມຂອງສອງປະເທດໃຫ້ມີຄວາມເຂັ້ມແຂງ
ແລະ ບັນລຸເປົ້າໝາຍກໍານົດໄວ້, ທັງປະກອບເຂົ້າໃນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະ
ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມໃຫ້ເຕີບໃຫຍ່ຂະຫຍາຍຕົວຍິ່ງຂຶ້ນ.
ໃນໂອກາດນີ້,
ທ່ານຮອງນາຍົກລັດຖະມົນຕີ ສອນໄຊ ສີພັນດອນ ແລະ
ຮອງນາຍົກລັດຖະມົນຕີຫວຽດນາມ ຈິງ ດິງ ຢຸງ
ໄດ້ຮ່ວມກັນລົງນາມບົດບັນທຶກຊ່ວຍຈໍາລະຫວ່າງລັດຖະບານສອງປະເທດລາວ-ຫວຽດນາມກ່ຽວກັບການຮ່ວມມືພັດທະນາບັນດາໂຄງການໄຟຟ້ານໍ້າຕົກຢູ່ລາວ
ແລະ ການຊື້-ຂາຍກະແສໄຟຟ້າລະຫວ່າງສອງປະເທດຮອດປີ 2030.
ນອກຈາກນີ້ຕາງໜ້າຈາກຂະແໜງການກ່ຽວຂ້ອງຂອງສອງປະເທດຍັງໄດ້ຮ່ວມກັນລົງນາມເອກະສານກ່ຽວກັບໂຄງການຊ່ວຍເຫລືອຂອງລັດຖະບານຫວຽດນາມໃຫ້ແກ່ລາວ, ໂຄງການກໍ່ສ້າງສະຖາບັນເສດຖະກິດ-ການເງິນດົງຄໍາຊ້າງໄລຍະ 3, ໂຄງການສ້າງສູນພາສາຫວຽດນາມຢູ່ມະຫາວິທະ ຍາໄລສຸພານຸວົງແຂວງຫລວງພະບາງ, ມະຫາວິທະຍາໄລແຂວງຈໍາປາສັກ ແລະ
ໂຄງການສ້າງແຜນແມ່ບົດຊົນລະປະທານຢູ່ແຂວງຫົວພັນ ແລະ ຊຽງຂວາງ.
No comments:
Post a Comment