ຄ້າຍທີເຄ ຊາວລາວ ນຳສະເໜີຜົນງານເພງໃໝ່ຂອງສິນລະປິນຕົນ

        ທ້າຍອາທິດຜ່ານມານີ້, ທ່ານ ທະວີສັກ ທຳມະວົງສາ ຜູ້ອຳນວຍການຄ້າຍທີເຄ ຊາວລາວ ການບັນເທີງ ໄດ້ຈັດງານນຳສະເໜີຜົນງານເພງຂອງສິລະປິນນັກຮ້ອງຂອງຄ້າຍຕົນເປັນຄັ້ງທີ 4, ຊຶ່ງຄັ້ງນີ້ມີສິລະປິນຫລາຍກວ່າ 20 ຄົນທີ່ມາພ້ອມກັບຜົນງານເພງໃໝ່ຂອງແຕ່ລະຄົນ, ເພື່ອມາຮ້ອງໃຫ້ກັບສື່ມວນຊົນໄດ້ຟັງ, ຊຶ່ງຜົນງານທີ່ນຳມາສະເໜີຄັ້ງນີ້ປະກອບມີ: ດອກຟ້າກັບໝາວັດ, ຍັງຮັກຄືເກົ່າ, ອ້າຍດີບໍ່ພໍ, ຮັກຄົນໃຫ້ຕົວະ, ບຸນບໍ່ເຖິງອ້າຍ, ກະຕ່າຍມີເຂົາ, ຂໍດາມຫົວໃຈ, ສັນຍາຫລັງຄວາຍ, ຄວາຍເຖິກໃຫຍ່, ຈຸດຈົບສາຍແຂງ, ຄວາມເຫງົາ, ນ້ອງຢາກໄດ້ຜົວ ແລະ ອີກຫລາກຫລາຍບົດເພງຂອງສິລະປິນມາກມາຍຫລາຍໜ້າທັງເກົ່າ ແລະ ໃໝ່ພາຍໃນຄ້າຍດັ່ງກ່າວ. ນອກຈາກນີ້ ຄ້າຍທີເຄ ຊາວລາວ ຍັງໄດ້ແຈ້ງຂ່າວກ່ຽວກັບການຈັດງານປະກວດໂຄງການແຂ່ງຂັນຮ້ອງເພງ  ສ່ອງຟ້າ ຫາດາວ ປີ2, ໂດຍຈະມີຂຶ້ນໃນງານບຸນອອກພັນສາ ປະວໍລະນາ ໃນລະຫວ່າງວັນທີ 12, 13 ແລະ 16 ຕຸລານີ້ຢ່າງແນ່ນອນ.