ນຳສະເໜີໂທລະສັບຫົວເຫວີຍ P9 ຢູ່ລາວ

          ວັນທີ 3 ຕຸລານີ້, ບໍລິສັດຫົວເຫວີຍລາວ ( HUAWEI LAO ) ໄດ້ຈັດພິທີນຳສະເໜີ ໂທລະສັບ HUAWEI P9 ROSE GOLD   ຂຶ້ທີ່ສູນການຄ້າວຽງຈັນເຊັນເຕີ, ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ຊູຈິນຍອງ ອຳນວຍການອຸປະກອນຝາຍການສື່ສານບໍລິສັດຫົວເຫວີຍ, ພ້ອມດ້ວຍລູກຄ້າ, ຕົວແທນຈຳໜ່າຍ ແຂກຖືກເຊີນເຂົ້າຮ່ວມເປັນຈຳນວນຫຼາຍ.

          ທ່ານ ຊູຈິນຢອງກ່າວໃນພິທີວ່າ: ໂທລະສັບ HUAWEI P9 ໄດ້ວາງຈຳໜ່າຍໃນທົ່ວໂລກ ເມື່ອ

2-3 ເດືອນທີ່ຜ່ານມາ ແລະ ເຫັນວ່າມີກະແສຕອບຮັບທີ່ດີຫຼາຍ, ມາຮອດປັດຈຸບັນມີຍອດຂາຍແລ້ວຫຼາຍກວ່າ 5 ລ້ານເຄື່ອງໃນທົ່ວໂລກ, ສິ່ງທີ່ພົ້ນເດັ່ນໃນໂທລະສັບຮຸ່ນນີ້ແມ່ນຄວາມສວຍງາມ ແລະ ຫຼູຫຼາ, ທີ່ມາພ້ອມກ້ອງຖ່າຍຮູບທີ່ມີຄວາມແຈ້ງ ແລະ ປັບໄດ້ຫຼາຍໂໝດການຖ່າຍບໍ່ວ່າຈະເປັນຖ່າຍແບບທົ່ວໄປ, ຖ່າຍພາບຂາວດຳ, ພ້ອມນັ້ນໂທລະສັບຮຸ່ນນີ້ຍັງມີຄວາມແຂງແກ່ນທົນທານ, ເພາະຕົວເຄື່ອງຜະລິດຈາກໂລຫະຊັ້ນດີ, ມີການຫຼິ້ນທີ່ຫຼາກຫຼາຍ ແລະ ການນຳສະເໜີໂທລະສັບຮຸ່ນນີ້ຢູ່ລາວ,ກໍເພາະວ່າລາວເປັນປະເທດໜຶ່ງທີ່ຕອບຮັບດີຫຼາຍກັບໂທລະສັບຮຸ່ນນີ້, ພິເສດຖ້າຫາກທ່ານໃດຊີ້ໂທລະ ສັບຫົວເຫວີຍໃນໄລຍະນີ້ ຈະມີຂອງແຈກຂອງແຖມຢ່າງຫຼວງຫຼາຍ, ພ້ອມຍັງມີສິດລຸ້ນລາງວັນອີກຫຼາຍຢ່າງເຊັ່ນ: ລົດໃຫຍ່, ລົດຈັກ, ສາຍຄໍຄຳ, ບັດຕື່ມເງິນເປັນຕົ້ນ.

          ໂອກາດນີ້ບໍລິສັດຫົວເຫວີຍຍັງໄດ້ນຳສະເໜີພີເຊັນເຕີຫົວເຫວີຍຄົນທຳອິດຂອງປະເທດລາວ ແລະ ໄທ, ນັ້ນກໍຄື ນາງ ແອນນິຕາ ເປັນທັງນັກຮ້ອງ, ນັກສະແດງ ແລະ ດາລາຂອງລາວ ແລະ ທ້າວ ອາເລັກ ທີລະເດດ ນັກຮ້ອງ, ນັກສະແດງ ແລະ ດາລາຂອງປະເທດໄທ, ທັງສອງແມ່ນເປັນພຣີເຊັນເຕີຄົນທຳອິດຂອງບໍລິສັດຫົວເຫວີຍ.