ໃນໂອກາດເຂົ້າຮ່ວມກອງປະຊຸມສະຫຼຸບວຽກງານປະຈຳປີ
2016 ແລະ ວາງທິດທາງແຜນ ການປີ 2017 ຂອງລາວໂທລະຄົມ, ທ່ານ
ທັນສະໄໝ ກົມມະສິດ ລັດຖະມົນຕີກະ ຊວງໄປສະນີໂທລະຄົມມະ ນາຄົມ ແລະ
ການສື່ສານໄດ້ໃຫ້ກຽດພົບປະໂອ້ລົມຄະນະນຳ ແລະ
ພະນັກງານລັດຖະກອນບໍລິສັດດັ່ງກ່າວຊຶ່ງໄດ້ເນັ້ນໃຫ້ເອົາໃຈໃສ່ປັບປຸງແກ້ໄຂຈຸດອ່ອນຂໍ້ຄົງຄ້າງ
ແລະ
ເສີມຂະຫຍາຍຈຸດດີຂອງຕົນໂດຍສະເພາະໃຫ້ສືບຕໍ່ປັບປຸງບຸລະນະໂຄງລ່າງພື້ນຖານດ້ານຕ່າງໜ່າງໂທລະຄົມມະນາຄົມອິນເຕີເນັດຄວາມໄວສູງຮອງຮັບການໃຊ້ງານໄດ້ເປັນປົກກະຕິ,
ຮັບປະກັນໃຫ້ການສົ່ງຂໍ້ມູນຕ່າງໆມີຄວາມປອດໄພທຽບເທົ່າ
ສາກົນ, ຊ່ວຍຂັບເຄື່ອນການພັດທະນາເສດຖະກິດສັງຄົມຂອງປະເທດໄປສູ່ທັນສະໄໝເທື່ອລະກ້າວ
ແລະ ສືບຕໍ່ພັດທະນາຕົນເອງໃຫ້ເຂັ້ມແຂງກວ່າເກົ່າຄື: (1)
ຕັ້ງໜ້າຄົ້ນຄົ້ວາຮ່ຳຮຽນເພື່ອເຊື່ອມຊຶມແນວທາງນະໂຍບາຍຂອງພັກ ແລະ
ແຜນທັດທະນາເສດຖະກິດ-ສັງຄົມເພື່ອນຳໄປຈັດຕັ້ງເປັນແຜນການ, ແຜນງານ
ແລະ ໂຄງການລະອຽດ, (2)
ສູ້ຊົນແກ້ໄຂຈຸດອ່ອນຄົງຄ້າງທີ່ເປັນອຸປະສັກກີດຂວາງການຈັດຕັ້ງປຕິບັດແນວທາງນະໂຍບາຍຂອງພັກກໍຄືແຜນການສູ້ຊົນຂອງລາວໂທລະຄົມໃຫ້ປະກົດຜົນເປັນຈິງ
(3) ສືບຕໍ່ ຍົກລະດັບຄວາມຮູ້ດ້ານທິດສະດີການເມືອງ, ການປົກຄອງ,
ເຕັກນິກວິທະຍາສາດ, ການບໍລິການຈັດການ,ການບໍລິຫານ ແລະ ວຽກງານວິຊາສະເພາະທີ່ຈຳເປັນອື່ນໆໃຫ້ສົມຄູ່ກັບ
ຄວາມຮຽກຮ້ອງຕ້ອງການຂອງໜ້າວຽກໃນຕະລະໄລຍະ, ແນ່ໃສ່ບຸກທະລຸທາງດ້ານພັດທະນາຊັບພະຍາກອນມະນຸດ,
(4)
ສືບຕໍ່ປົກປັກຮັກສາບຸລະນະພື້ນຖານໂຄງລ່າງລະບົບໂທລະຄົມມະນາຄົມໃຫ້ຮັບປະກັນຄຸນນະພາບໄປຄຽງຄູ່ກັບການພັດທະນາ
ແລະ ນຳເອົາເຕັກນິກ-ເຕັກໂນໂລຊີໃໝ່ໆມາຮັບໃຊ້ສັງຄົມ, ຫັນເອົາການບໍລິການດ້ານໂທລະຄົມມະນາຄົມເປັນຂະແໜງອຸດສາຫະກຳເພື່ອເຊື່ອມໂຍງກັບພາກພື້ນ
ແລະ ສາກົນ, (5) ສ້າງຈຸດຂາຍ ແລະ
ການບໍລິການໃຫ້ມີຫຼາຍທາງເລືອກເພື່ອເປັນສີສັນທີ່ໂດດເດັ່ນ ແລະ
ເປັນທີ່ຕ້ອງການຂອງຜູ້ຊົມໃຊ້ ແລະ ສິ່ງສຳຄັນແມ່ນໃຫ້ມີຈັນຍາບັນການບໍລິການໃຫ້ຊື່ສັດໂປງໃສ່ບໍ່ເອົາປຽບລູກຄ້າ,
ສຳລັບກະຊວງເອງກໍຈະສືບຕໍ່ຊຸກຍູ້ສົ່ງເສີມ, ຊີ້ນຳ ແລະ ໃຫ້ຄຳປຶກສາແກ່ລາວໂທລະຄົມຕະຫຼອດໄປ.
No comments:
Post a Comment