ໃນໂອກາດເຂົ້າຮ່ວມກອງປະຊຸມຄົບຄະນະບໍລິຫານງານພັກກະຊວງຊັບພະຍາກອນທຳມະຊາດ
ແລະ ສິ່ງແວດລ້ອມ (ກຊສ),
ທີ່ໄດ້ຈັດຂຶ້ນໃນມໍ່ໆມານີ້, ທ່ານ ບຸນຍັງ
ວໍລະຈິດ ປະທານປະເທດແຫ່ງ ສປປ ລາວ ໄດ້ເນັ້ນໃຫ້ຄະນະພັກກະຊວງກະຊວງດັ່ງກ່າວ, ເອົາໃຈໃສ່ຫລາຍບັນຫາໂດຍສະເພາະໃຫ້ເພີ່ມທະວີວຽກງານການເມືອງແນວຄິດໃຫ້ເລິກເຊິ່ງ,
ໃຫ້ຄະນະພັກທຸກຂັ້ນຖືເອົາວຽກງານນີ້ເປັນພື້ນຖານສອດຫ້ອຍຢູ່ທຸກຂົງເຂດວຽກງານຂອງຕົນ,
ສືບຕໍ່ປັບປຸງກົງຈັກການຈັດຕັ້ງໃຫ້ສົມຄູ່ກັບໜ້າທີ່ການເມືອງໃນໄລຍະໃໝ່
ນັບແຕ່ຂັ້ນສູນກາງລົງຮອດທ້ອງຖິ່ນ, ເພີ່ມທະວີຊີ້ນຳໆພາ 3
ອົງການຈັດຕັ້ງມະຫາຊົນໃນການປະຕິບັດພາລະບົດບາດຂອງຕົນໃຫ້ໜັກແໜ້ນຂຶ້ນຕື່ມ, ຍົກສູງຄຸນນະພາບວຽກງານກວດກາພັກ, ກວດກາ
ລັດໃນລະບົບປົກກະຕິ-ກວດກາຕາມຄຳສັ່ງ,
ເອົາໃຈໃສ່ປັບປຸງນິຕິກຳ, ຍຸດທະສາດ ແລະ
ນະໂຍບາຍທີ່ຕິດພັນວຽກງານຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມໃຫ້ຄົບຊຸດ.
ທ່ານປະທານປະເທດ ເນັ້ນຕື່ມວ່າ: ໃຫ້ຄະນະພັກ ກຊສ
ສູ້ຊົນຈັດສັນການນຳໃຊ້ທີ່ດິນແບບຮອບ ດ້ານລະດັບທ້ອງຖິ່ນ ແລະ
ມອບໃຫ້ຂະແໜງການທ້ອງຖິ່ນຄຸ້ມຄອງນຳໃຊ້ທີ່ດິນແຕ່ລະປະເພດຢ່າງມີປະສິດທິຜົນ, ສູ້ຊົນການອອກໃບຕາດິນໃຫ້ໄດ້ຕາມຄາດໝາຍ 4 ແສນຕອນ, ສືບຕໍ່ເກັບກຳສະຖິຕິຂໍ້ມູນສຳມະ ໂນທີ່ດິນ ແລະ ເອົາເຂົ້າໃນລະບົບຄອມພິວເຕີ
ໃຫ້ສຳເລັດ 5 ແສນຕອນ, ສູ້ຊົນເກັບລາຍຮັບຈາກທີ່ດິນໃຫ້ເພີ່ມຂຶ້ນ
15-20%, ສູ້ຊົນສ້າງ ແລະ
ປັບປຸງການຈັດຕັ້ງປະຕິບັດແຜນການຄຸ້ມຄອງ-ພັດທະນາອ່າງຮັບນ້ຳແບບປະສົມປະສານ, ຕິດຕາມກວດກາສະພາບຊັບພະຍາກອນນ້ຳ ໃນຂັ້ນພື້ນຖານ ໃຫ້ສຳເລັດຕາມແຜນການ,
ເຮັດໃຫ້ວຽກງານໄພພິບັດ - ການປ່ຽນແປງສະພາບດິນຟ້າອາ ກາດ
ເຊື່ອມສານເຂົ້າໃນແຜນພັດທະນາເສດຖະກິດ-ສັງຄົມ ແລະ ທຸກຂະແໜງການໃນລະດັບສູນກາງ, ທ້ອງຖິ່ນ, ສູ້ຊົນສ້າງຕັ້ງ ແລະ
ປັບປຸງຕາໜ່າງສະຖານີອຸຕຸນິຍົມ, ສະຖານີອຸທົກະສາດ, ສະຖານີອຸຕຸກະ ສາດ, ສ້າງລະບົບເຕືອນໄພ ແລະ
ສູນເຕືອນໄພລ່ວງໜ້າດ້ານອຸຕຸນິຍົມ ແລະ ອຸທົກກະສາດໃຫ້ສຳເລັດ
ໂດຍສະເພາະໃນເຂດທີ່ເປັນບຸລິມະສິດຂອງການພັດທະນາ ກໍຄືສູ້ຊົນສ້າງ-ຈັດຕັ້ງປະຕິບັດລະບົບຄຸ້ມຄອງ,
ຕິດຕາມກວດກາການຈັດຕັ້ງປະຕິບັດມາດຕະການແກ້ໄຂ
ຫລຸດຜ່ອນຜົນກະທົບຕໍ່ສິ່ງແວດລ້ອມ ສຳລັບໂຄງການລົງທຶນ, ກິດຈະການພັດທະນາ ທຸລະກິດຄອບຄົວໃຫ້ມີປະສິດທິພາບ ແລະ
ປະສິດທິຜົນສູງຂຶ້ນ.
No comments:
Post a Comment