ໃນກອງປະຊຸມສະພາບໍລິ ຫານສະມາຄົມປະກັນສັງຄົມ
ອາຊຽນ ຄັ້ງທີ 30 ທີ່ ສປປ ລາວ ຮັບກຽດເປັນເຈົ້າພາບ ໄດ້ຈັດຂຶ້ນຢູ່ນະຄອນຫລວງວຽງຈັນ
ໃນວັນທີ 30 ຕຸລາ 2013 ພາຍໃຕ້ການເປັນປະທານຮ່ວມຂອງທ່ານ ບຸນຄົງ ຫລ້າສຸກັນ ລັດຖະມົນຕີຊ່ວຍວ່າ
ການກະຊວງແຮງງານ ແລະ ສະ ຫວັດດີການ-ສັງຄົມ ແລະ ທ່ານ ແອວວິ ຈີມາດຊາດຢາ
(Elvyn Gmasassya) ປະທານສະພາບໍລິ ຫານສະມາ ຄົມປະກັນສັງ ຄົມ ອາຊຽນນັ້ນ,ບັນດາປະເທດສະມາຊິກ
ອາຊຽນ ໄດ້ພ້ອມກັນແລກປ່ຽນບົດຮຽນ ແລະ ປຶກສາຫາລື ເພື່ອປັບປຸງລະບົບການປະກັນສັງຄົມ
ຂອງແຕ່ລະປະເທດໃຫ້ສອດຄ່ອງ ກັບສະ ພາບຄວາມເປັນຈິງຂອງພາກພື້ນ ແລະ ສາກົນເທື່ອລະກ້າວ
ແນໃສ່ຮັບປະກັນໃຫ້ແກ່ການສ້າງເປັນປະຊາຄົມອາຊຽນ ໃນປີ 2015.
ໃນກອງປະຊຸມ,ຜູ້ແທນທີ່ ເຂົ້າຮ່ວມຍັງໄດ້ພ້ອມກັນທົບ
ທວນຄືນ ແລະ ຮັບຮອງເອົາບາງເນື້ອໃນ ທີ່ໄດ້ປຶກສາຫາລືກັນໃນກອງປະຊຸມຄ້ັງຜ່ານມາ
ແລະ ໄດ້ຖອດຖອນບົດຮຽນຮ່ວມກັນກ່ຽວ ກັບການສ້າງຕັ້ງກອງທຶນປະກັນສັງຄົມໃຫ້ມີຄວາມ
ເຂັ້ມແຂງ
ແລະ ຍືນຍົງ. ສຳລັບ ສປປ ລາວ ກອງປະຊຸມຄັ້ງນີ້ ແມ່ນມີຄວາມສຳຄັນຫລາຍ ເພາະເປັນໂອກາດອັນດີ
ທີ່ຈະໄດ້ແລກປ່ຽນບົດຮຽນກັບບັນດາປະເທດສະມາຊິກອາຊຽນກ່ຽວກັບການເຄື່ອນຍ້າຍແຮງງານ,
ການບໍລິການປະກັນສັງຄົມ, ບັນຫາການຫວ່າງວຽກ, ການເພີ່ມຂຶ້ນຂອງຜູ້ຊະລາ ແລະ ອື່ນໆ
ທີ່ຍັງເປັນສິ່ງທ້າທາຍ ຕໍ່ປະເທດ ຕໍ່ການກ້າວເຂົ້າເປັນປະຊາຄົມອາຊຽນ
ໃນປີ 2015.
ໃນໂອກາດກ່າວເປີດກອງ ປະຊຸມ,ທ່ານ ບຸນຄົງ
ຫລ້າສຸກັນ ໄດ້ກ່າວວ່າ: ລັດຖະບານລາວ ໄດ້ໃຫ້ຄວາມສຳຄັນເປັນພິເສດ ໃນການຂະຫຍາຍການປະກັນສັງ
ຄົມ-ປະກັນສຸຂະພາບ ໃຫ້ທົ່ວເຖິງໃນຂອບເຂດທົ່ວປະເທດ ແລະ ຕ້ອງໃຫ້ກວມ 50% ຂອງຈຳນວນພົນລະເມືອງໃນປີ
2015. ພ້ອມ ທັງໄດ້ເອົາໃຈໃສ່ປັບປຸງລະບົບປະກັນສັງຄົມແຫ່ງຊາດ ໃຫ້ມີຄວາມເຂ້ັມແຂງຕາມທີ່ໄດ້ກຳ
ນົດໄວ້ໃນກົດໝາຍວ່າດ້ວຍປະ ກັນສັງຄົມຄຽງຄູ່ກັບການປັບ ປຸງກອງທຶນປະກັນສຸຂະພາບໃຫ້ເຂັ້ມແຂງ
ແລະ ເພີ່ມການບໍລິການສຸຂະພາບ ໃຫ້ຜູ້ປະກັນຕົນຢ່າງມີຄຸນນະພາບເພື່ອແນໃສ່ຈັດຕັ້ງ
ປະ ຕິບັດເປົ້າໝາຍສະຫັດສະວັດ ດ້ານການພັດທະນາ ໃຫ້ບັນລຸຕາມເປົ້າໝາຍທັງຮັບປະກັນແກ່ການເຂົ້າເປັນປະຊາຄົມອາຊຽນ
ໃນປີ 2015.
No comments:
Post a Comment