ເຂດເສດຖະກິດສະເພາະບຶງທາດຫລາດພວມດຳເນີນການກໍ່ສ້າງ ຢ່າງເຄັ່ງຮ້ອນ

        ເມື່ອມໍ່ໆມານີ້ທ່ານ ເພັດສາ ຄອນ ຫຼວງອາໄພ ລັດຖະມົນຕີ ຊ່ວຍ, ຮອງຫົວໜ້າຫ້ອງວ່າການ ລັດຖະບານ ແລະ ທ່ານ ນາງ ບົວທາ ຂັດທິຍະ ຮອງປະທານ, ຫົວ ໜ້າກອງເລຂາຄະນະກຳມະການແຫ່ງຊາດເພື່ອຄຸ້ມຄອງ ເຂດເສດຖະກິດພິເສດ ແລະ ເຂດເສດຖະກິດສະເພາະໄດ້ລົງ ຕິດຕາມກວດກາ ຄວາມຄືບໜ້າຂອງການ ຈັດຕັ້ງປະຕິບັດໂຄງການກໍ່ສ້າງເຂດ ເສດຖະກິດສະ ເພາະບຶງທາດ ຫຼວງ.   

        ພາຍຫຼັງລັດຖະບານໄດ້ເຊັນ ສັນຍາອະນຸຍາດໃຫ້ບໍລິສັດອະສັງ ຫາລິມມະ ຊັບຫວ່ານເຟີ້ງຊຽງ ໄຮ້ ສປ ຈີນ ຈໍາກັດສໍາ ປະທານ ເຂດ ບຶງທາດຫຼວງໃນເນື້ອທີ່ 365 ເຮັກຕາ ເພື່ອ ສ້າງເປັນເຂດເສດ ຖະກິດສະເພາະບຶງທາດຫຼວງ (ຂສທ) ໃນທ້າຍປີ 2011 ແລະ ວາງສີລາລືກ ກໍ່ສ້າງໃນວັນທີ 22 ທັນວາ 2012 ທີ່ຜ່ານມາ. ໂຄງ ການ ດັ່ງກ່າວໄດ້ດໍາເນີນການສໍາ ຫຼວດ, ຈັດ ສັນຕອນດິນ ແລະ ສໍາ ເລັດການຊົດເຊີຍເນື້ອທີ່ດິນປະຊາ ຊົນທີ່ຖືກຜົນກະ ທົບແລ້ວຫຼາຍ ກ່ວາ 80 ສ່ວນ ຮ້ອຍຂອງເນື້ອທີ່ ໂຄງການ ຊຶ່ງມາເຖິງປັດຈຸບັນໄດ້ ສໍາເລັດການກໍ່ສ້າງເສັ້ນທາງເຂົ້າ ເຂດຊຶ່ງມີ

ຄວາມກ້ວາງ 36 ແມັດ ແລະ ຍາວ 400 ແມັດ. ພ້ອມດຽວ ກັນ ກໍ່ຈະໄດ້ບຸກເບີກພື້ນທີ່ໃນເຂດ ກັນຊົນ ຈໍານວນ 6,5 ເຮັກຕາ ແລະ ເລີ່ມບຸກເບີກເນື້ອທີ່ດິນ 50 ເຮັກຕາເພື່ອ ສ້າງເປັນໜອງນໍ້າ ໃຫຍ່ ຊຶ່ງຄາດວ່າຈະໃຫ້ສໍາເລັດ ກ່ອນລະດູຝົນທີ່ຈະມາເຖິງນີ້ ແລະ ໃນໃຈກາງໜອງໄດ້ເລີ່ມລົງເສົາ ເຂັມ ເພື່ອສ້າງຫໍໄຫວ້ບັນພະບູລຸດ ໃຫ້ປະຊາຊົນໄດ້ເຂົ້າໄປສຶກສາປະ ຫວັດສາດ ແລະ ວັດທະນະທຳ ອັນດີງາມຂອງຊາດ.          

       ໂຄງການກໍ່ສ້າງເມືອງທ່ອງ ທ່ຽວດັ່ງກ່າວ ແມ່ນໂຄງການທີ່ ນໍາ ໃຊ້ດິນເປົ່າຫວ່າງທີ່ເປັນບຶງ ທາມ ເປັນບ່ອນເຕົ້າ ໂຮມນໍ້າ ເປື້ອນ ຂອງຕົວເມືອງຫຼວງວຽງ ຈັນໃຫ້ກາຍເປັນເມືອງໃໝ່, ເປັນ ສູນກາງ ແຫ່ງອະລິຍະທໍາ,ວັດທະ ນະທໍາ ແລະ ຮ່ອງຮອຍປະຫວັດ ສາດຂອງຊາດ ດັ່ງນັ້ນຜູ້ພັດທະ ນາໄດ້ວາງ ແຜນພັດທະນາໂດຍ ຄໍານຶງເຖິງຄວາມດຸ່ນດ່ຽງ ຂອງ ການຮັກ ສາສິ່ງແວດລ້ອມ, ລະ ບົບນິເວດວິທະຍາ ໂດຍຈະກັກ ເກັບນໍ້າ, ບໍາບັດນໍ້າເສຍ ແລະ ປູກ ຕົ້ນໄມ້ໄປຄຽງຄູ່ກັບການພັດທະ ນາ ໂຄງລ່າງພື້ນຖານ ແລະ ອາ ຄານ; ສ້າງທິວທັດທີ່ເປັນເອກະ ລັກພິເສດທີ່ປະກອບມີເຂດຟ້າ ແລະ ເຂດຂຽວປະສົມປະສານ ກັນ. ນອກຈາກນີ້ກໍ ຈະຖືກສ້າງ ຂື້ນບົນພື້ນຖານການນໍາໃຊ້ ແລະ ພັດທະນາພະລັງງານ ສີຂຽວ ແລະ ພະລັງງານແສງອາທິດ ທີ່ມີ ປະສິດທິຜົນສູງ; ການອອກແບບ ແຜນຜັງການພັດທະນາເຂດດັ່ງ ກ່າວ ໂດຍລວມ ແມ່ນອີງໃສ່ແຜນ ຜັງລວມທີ່ອອກ ແບບໂດຍ ບໍລິສັດ ນິກເກັງເຊັກເກວິສະວະກໍາກໍ່ສ້າງ ຈໍາກັດຈາກປະເທດຍີປຸ່ນ ໂດຍໄດ້ ແບ່ງໂຄງການພັດທະນາອອກ ເປັນ 8 ເຂດຄື: ເຂດສະຖານທູດ; ເຂດທ່ອງທ່ຽວ; ເຂດທຸລະກິດ- ບໍລິການ; ເຮືອນວິນລາ; ເຂດອາ ຄານທີ່ພັກອາໃສ; ເຂດໜອງນໍ້າ ແລະ ຄອງລະບາຍນໍ້າ; ສະຖານທີ່ຈອດລົດ, ຖະໜົນ ແລະ ເຂດບໍາ ບັດນໍ້າເສຍ, ເພື່ອແນໃສ່ປັບປຸງ ເຂດ  ໜອງນໍ້າບຶງ ທາດຫຼວງກາຍ ເປັນໜອງນໍ້າສະອາດແລະໜ້າ ທ່ຽວຊົມກາຍເປັນສູນ ກາງການ ພັກຜ່ອນ ພ້ອມທັງ ຮັບປະກັນ ການລະບາຍ ແລະ ກັກເກັບນໍ້າ ຂອງນະຄອນຫຼວງວຽງຈັນ ໂດຍ ມີການສ້າງຄອງນໍ້າອ້ອມຮອບ ເຂດພັດທະນາໄປຄວບຄູ່ກັບລະ ບົບບໍາບັດນໍ້າເສຍ ເພື່ອຈະ ສ້າງ  ໜອງດັ່ງກ່າວໃຫ້ກາຍເປັນສູນ ລວມກິດຈະກໍາທາງນໍ້າ ເປັນຕົ້ນ ແມ່ນການແຂ່ງເຮືອປະເພນີ, ການ ແຂ່ງເຮືອນານາຊາດ, ເປັນສູນກາງການຈັດກິດຈະກໍາໃນເທດສະການບຸນປີໃໝ່ລາວ, ການຕົບຜາສາດຊາຍ, ເທດສະ ການເຮັດບຸນຫາບັນພະບຸລຸດ ແລະ ກິດຈະກໍາຕ່າງໆທີ່ຕິດພັນກັບວິຖີຊີວິດຂອງປະຊາຊົນລາວ ແລະ ພິເສດ ໃນໂຄງການ ດັ່ງກ່າວແມ່ນຈະໄດ້ສ້າງສວນອຸດທິຍານປະຫວັດ ສາດ ແລະ ວັດທະນະທຳຂອງ ຊາດ ຊຶ່ງມີຫໍຊົມວິວຄວາມສູງ ເຖິງ 153 ແມັດທີ່ສະແດງເຖິງຄວາມສວຍງາມ ແລະ ເປັນເອກະລັກຂອງຊາດລາວທີ່ມີຮ້ານອາຫານລະດັບ 5 ດາວ, ຕິດພັນກັບ ການສ້າງສວນສາທາລະນະທີ່ ອ້ອມ ຮອບດ້ວຍທໍາມະຊາດພຶກ ສາຊາດທີ່ສວຍງາມ ໂດຍການ ນໍາຕົ້ນໄມ້ປະຈໍາຊາດ ແລະບັນດາ ຕົ້ນໄມ້ ແນວພັນທີ່ມີຊື່ສຽງຂອງ ທ້ອງ ຖິ່ນ, ເຂດແຂວງຕ່າງໆຂອງ ສປປ ລາວ ມາປູກອ້ອມຮອບເພື່ອ ສະແດງໃຫ້ຜູ້ທີ່ເຂົ້າມາທ່ຽວຊົມໄດ້ເຫັນເຖິງຄວາມອຸດົມສົມບູນທາງທໍາມະຊາດຂອງລາວທີ່ສອດຄ່ອງກັບ ເຂດພັດທະນາອາ ຄານສະຖານທີ່ລວບລວມເອົາການສ້າງເຮືອນທີ່ຢູ່ອາໃສແບບຊາວລາວທີ່ເປັນເອກະລັກສະເພາະປະສົມປະສານກັບເຂດເມືອງ ໃໝ່ທີ່ ທັນສະໄໝຕິດພັນກັບການສ້າງທີ່ ພັກສໍາລັບທູຕານຸທູດ ແລະ ສູນ ວັດທະນໍາອາຊຽນ ແລະ ບັນດາ ປະເທດອື່ນໃນໂລກ ທີ່ເປັນສູນ ລວມ ແຫ່ງການຖ່າຍທອດວິຖີຊີ ວິດ ຂອງຊາວ ອາຊີຕາ ເວັນອອກ ຢ່າງ ກົມກືນກັບຍຸດສະໄໝ. ນອກ ຈາກນີ້, ຍັງຈະໄດ້ເອົາໃຈໃສ່ໃນ ການພັດທະນາພື້ນຖານໂຄງລ່າງ ອື່ນໆ ເຊັ່ນ: ຫົນທາງ, ໂຮງໝໍ, ສູນ ກາງ ຄວາມບັນເທີງ, ສູນອອກກໍາ ລັງກາຍ, ສູນການຄ້າຄົບວົງຈອນທີ່ນໍາເອົາຜະລິດຕະພັນຈາກອາຊຽນ, ຈີນ ແລະ ປະເທດອື່ນໆມາ ວາງສະແດງແລະ ຈໍາໜ່າຍດ້ວຍ ຄວາມຫລາກຫລາຍ, ໂດຍຄາດ ວ່າຈະນຳໃຊ້ທຶນ ເຂົ້າໃນການພັດທະນາມານ 12.800 ຕື້ກີບ ຫຼື ປະ ມານ 1.600 ລ້ານໂດລາສະຫະລັດ ແລະ ໂຄງການນີ້ຈະສໍາເລັດພາຍ ໃນ 15 ຫາ 20 ປີ ຂ້າງໜ້າ ແລະ ຈະກາຍເປັນເມືອງ ໃໝ່ທີ່ມີຄວາມ ສະດວກສະບາຍໃນການດໍາລົງຊີ ວິດທີ່ຕິດພັນກັບສະພາບແວດ ລ້ອມອີກດ້ວຍ.