ຫາລືການຈັດຕັ້ງປະຕິບັດໂຄງການຄຸ້ມຄອງຄວາມສ່ຽງຈາກໄພພິບັດທາງທຳມະຊາດ

          ໃນຕອນເຊົ້າວັນທີ 29 ເມ ສານີ້,ກະຊວງ ແຜນການ ແລະ ການລົງທຶນ ໄດ້ຈັດ ກອງປະຊຸມ ປຶກສາຫາລືກ່ຽວກັບການ ຈັດຕັ້ງ ປະຕິບັດໂຄງການເຊື່ອມສານ ການຄຸ້ມ ຄອງຄວາມສ່ຽງຈາກ ໄພພິບັດທາງທຳມະຊາດເຂົ້າໃນ ການລົງທຶນຂອງລັດຂຶ້ນ ຢູ່ໂຮງ ແຮມລາວພລາຊາ ນະຄອນ ຫລວງວຽງຈັນໂດຍການເປັນປະ ທານຂອງທ່ານ ດຣ ຄຳ ລຽນ ພົນເສນາ ລັດຖະມົນ ຕີຊ່ວຍ ວ່າການກະຊວງແຜນການ ແລະ ການລົງທຶນ, ມີຜູ້ຕາງໜ້າຈາກ ອົງການຈັດຕັ້ງສາກົນ ແລະ ພະນັກ ງານອ້ອມຂ້າງກະຊວງເຂົ້າ ຮ່ວມເປັນຈຳນວນຫລາຍ.

         ໂຄງການ ເຊື່ອມສານການ ຄຸ້ມຄອງຄວາມສ່ຽງຈາກໄພພິ ບັດທາງທຳມະ ຊາດເປັນໂຄງ ການທີ່ໄດ້ຮັບການສະໜັບສະ ໜູນດ້ານທຶນຮອນຈາກລັດຖະ ບານຍີ່ປຸ່ນ ໂດຍຜ່ານຄູ່ຮ່ວມພັດ ທະນາ,ທະນາຄານໂລກ ແລະ GFDRR ມູນຄ່າ 2,7 ລ້ານ ໂດລາສະຫະລັດ ໃນໄລຍະເວລາ 3 ປີ ຂອງການດຳເນີນໂຄງການ ແຕ່ ປີ 2012 - 2015. ໂຄງການດັ່ງກ່າວເພື່ອພັດທະນາ ພື້ນຖານໂຄງ ລ່າງ ແລະເສີມສ້າງຂີດ ຄວາມສາມາດ ໃນການຫຼຸດຜ່ອນຄວາມ ສ່ຽງຈາກໄພພິບັດທາງທຳມະຊາດແຕ່ຂັ້ນສູນ ກາງລົງຮອດທ້ອງຖິ່ນເຊິ່ງໂຄງການໄດ້ ເລີ່ມ ປະຕິບັດມາພາຍຫຼັງ ສປປ ລາວ ໄດ້ຮັບຜົນກະທົບຈາກໄພພິບັດທາງທຳມະຊາດ ດັ່ງພາຍຸເກດ ສະໜາ ປີ 2008, ພາຍຸໄຮມາ ແລະ ນົກເຕັນ ປີ 2011 ຜ່ານມາ.

         ລັດຖະມົນຕີຊ່ວຍວ່າການ ກະຊວງດັ່ງກ່າວໄດ້ມີຄຳເຫັນວ່າ ໃນທີ່ປະຊຸມວ່າ:ປັດຈຸບັນ,ປະຊາ ຄົມໂລກນັບມື້ຕົກຢູ່ພາຍ ໃຕ້ຄວາມສ່ຽງ ແລະ ການຂົມຂູ່ຈາກໄພພິ ບັດທາງທຳມະຊາດເພີ່ມຂຶ້ນເຊິ່ງ ມັນສະແດງອອກໃຫ້ເຫັນຈາກ ໄພນ້ຳຖ້ວມ, ແຜ່ນ ດິນໄຫວ, ພາຍຸຝົນ ແລະ ພາວະໂລກຮ້ອນໄດ້ເກີດຂຶ້ນຢູ່ທຸກໆຂົງເຂດ ແລະ ພາກພື້ນຂອງໂລກອັນໄດ້ນຳເອົາຄວາມເສຍຫາຍ ຕໍ່ຊີວິດ, ຊັບສິນ, ເຂະທີ່ຢູ່ອາໄສ ແລະ ບ່ອນທຳມາ ຫາກິນຂອງປະຊາຊົນຢູ່ຫຼາຍປະເທດ.

          ປະເທດລາວກໍຄືກັນກັບ ປະເທດຕ່າງໆໃນໂລກ ທີ່ໄດ້ຮັບ ຜົນກະທົບ ແລະ ເສຍ ຫາຍຈາກໄພພິບັດທາງທຳມະຊາດ ທີ່ເກີດ ຂຶ້ນຊ້ຳແລ້ວຊ້ຳອີກ ໃນໄລຍະ 2 - 3 ປີຜ່ານມາເຊັ່ນ: ຜົນກະທົບຈາກພາຍຸເກດສະໜາໃນປີ 2008,ພາຍຸ ໄຮມາ ແລະ ພາຍຸນົກເຕັນທີ່ພັດ ເຂົ້າມາລາວ ໃນປີ 2011 ສົ່ງຜົນ ໃຫ້ 12 ແຂວງ, 96 ເມືອງ, 1.790 ບ້ານ ແລະ ປະຊາຊົນ 30 ຄົນເສຍ ຊີວິດ,ອີກ 5 ແສນກວ່າຄົນໄດ້ຮັບ ຜົນກະທົບ,ເນື້ອທີ່ການຜະລິດກະ ສິກຳ,ອຸດສາຫະກຳ,ຖະໜົນຫົນ ທາງ,ໂຮງຮຽນ,ໂຮງໝໍ ແລະ ທີ່ຢູ່ອາໄສຂອງປະຊາຊົນເສຍ ຫາຍຄິດເປັນມູນຄ່າຫຼາຍກວ່າ 1.400 ຕື້ກີບ.

        ຈາກສະພາບການດັ່ງກ່າວ ເຫັນວ່າພວກເຮົາຕ້ອງໄດ້ມີ ຄວາມພ້ອມໃນການປ້ອງກັນ, ແກ້ໄຂ ແລະ ຮັບມືກັບໄພພິບັດ ຕ່າງໆທີ່ເກີດຂຶ້ນດັ່ງກ່າວ ພ້ອມ ນັ້ນຍັງຕ້ອງການເຄື່ອງມືໃນ ການຕິດຕາມ, ກວດກາ ແລະ ເຝົ້າ ລະວັງໄພທຳມະຊາດ ເພື່ອ ຫຼຸດ ຜ່ອນຜົນກະທົບ ແລະ ຄວາມ ເສຍຫາຍຕ່າງໆ ເຊິ່ງໃນໄລຍະຜ່ານມາ, ກະຊວງແຜນການ ແລະ ການລົງທຶນ ໂດຍໄດ້ຮັບການ ສະໜັບສະໜູນຈາກທະນາຄານໂລກ ໄດ້ປະຕິບັດໂຄງການສ້າງຄວາມເຂັ້ມແຂງ ໃຫ້ແກ່ຂະແໜງການຕ່າງໆໃນການຄາດຄະ ເນຄວາມສ່ຽງ ແລະ ຜົນກະທົບຕ່າງໆ ເຊິ່ງນັບວ່າເປັນໂຄງການທີ່ໄດ້ ຮັບຜົນດີໃນການຈັດຕັ້ງປະຕິບັດ.