ພະຍາດເຫັນແກ່ໄດ້ການໂກງຕາຊິງຍັງມີໃຫ້ເຫັນທົ່ວໄປ

         ເຖິງວ່າພາກສ່ວນທີ່ ກ່ຽວຂ້ອງຕ່າງໆ ໂດຍສະເພາະ ແມ່ນຂະແໜງການຄ້າ ໄດ້ ພະຍາຍາມ ໃຊ້ມາດຕະການຫຼາຍ ຢ່າງ ເພື່ອຫຼຸດຊ່ອງຫວ່າງ ແລະ ປ້ອງກັນບໍ່ໃຫ້ມີປາ ກົດການໃນການ ເອົາລັດເອົາ ປຽບດ້ານການຄ້າ ລະຫວ່າງຜູ້ຊື້ ແລະ ຜູ້ຂາຍກໍຕາມ, ແຕ່ພະຍາດເຫັນແກ່ໄດ້, ການໂກ່ງຕາຊິງຍັງລະບາດຢ່າງໜັກຢູ່ບາງເຂດ, ບາງທ້ອງຖິ່ນ ໂດຍສະ ເພາະແມ່ນຢູ່ຕາມ ຕະຫລາດຕ່າງ.

           ດັ່ງປະຊາຊົນທ່ານໜຶ່ງ ຢູ່ບ້ານ ມີໄຊ ເມືອງ ນາໝໍ້ ແຂວງ ອຸດົມໄຊ ແຈ້ງຕໍ່ ໜັງສືພິມລາວ ພັດທະນາວ່າ: ລາວໄດ້ເອົາ ໝາກ ແໜ່ງ 3 ເປົ່າໄປຂາຍໃຫ້ພໍ່ຄ້າຄົນ ຈີນທ່ານໜຶ່ງທີ່ມາເກັບຊື້ຢູ່ໃນບ້ານຂອງຕົນລວມນ້ຳໜັກທີ່ຊັງເບື້ອງ ຕົ້ນຢູ່ເຮືອນແມ່ນ 170 ກວ່າkg ແຕ່ ເມື່ອນຳໄປຊັງກັບຕາຊິງ ທີ່ທາງ ພໍ່ຄ້າຈີນຄົນນັ້ນ ເຫັນ ວ່ານ້ຳໜັກ ຫຼຸດລົງຈາກເດີ່ມເຖິງ 20 ກວ່າ kg ເຊິ່ງ ຕົນເອງກໍເກີດມີຄວາມ ສົງ ໄສແລ້ວ ໄດ້ກັບໄປເອົາຊິງຢູ່ ເຮືອນ ແລະ ຂອງຊາວບ້າ ນມາ ຊັງຄືນແຕ່ພໍ່ຄ້າຈີນຄົນນັ້ນ ບໍ່ຍອມ ໃຫ້ຊັງຄືນໂດຍອ້າງວ່າ ຊິງທີ່ຕົນ ເອງຖືຢູ່ນັ້ນແມ່ນໄດ້ມາດຕະຖານ ແລະ ຂູ່ວ່າຫາກ

ບໍ່ເອົາຕາມຕາຊິງ ຂອງລາວນັ້ນ ຈະບໍ່ ເກັບຊື້. ຈາກ ນັ້ນ ກໍເກີດມີການຜິດຖ່ຽງກັນ ລະຫວ່າງຊາວບ້ານກັບພໍ່ຄ້າທີ່ເກັບຊື້ໝາກ ແໜ່ງ ໂດຍທາງພໍ່ຄ້າຈີນຄົນນັ້ນ ກໍບໍ່ຍອມລົ້ມເລີກຄວາມ ຫວັງຢາກໄດ້, ຢາກລວຍປະຊາຊົນຈຶ່ງຈະໄດ້ເອົາໝາກແໜ່ງໄປ ຂາຍໃຫ້ກັບແມ່ຄ້າຄົນກາງຜູ້ໃໝ່ ພໍ່ຄ້າຈີນຜູ້ນີ້ ຈຶ່ງຍອມໃຫ້ເອົາຕາມຊິງຂອງປະຊາຊົນ.

           ຊາວບ້ານ ມີໄຊ ຜູ້ນີ້ຍັງ ກ່າວອີກວ່າ: ນອກຈາກ ມີເລື່ອງ ກ່ຽວກັບໂກ່ງຕາຊິງແລ້ວ ພໍ່ຄ້າ, ແມ່ຄ້າຄົນຈີນສ່ວນໃຫຍ່ ທີ່ເຂົ້າ ມາຄ້າຂາຍຢູ່ເຂດນັ້ນ ມັກກົດລາ ຄາສິນຄ້າປະເພດຕ່າງໆລົງຈາກ ເດີມ ທີ່ໄດ້ເວົ້າກັນໄວ້ກັບປະຊາ ຊົນໃນເບື້ອງຕົ້ນ ໂດຍ ມັກຕິ ແລະ ອ້າງວ່າ: ສິນຄ້າບໍ່ມີຄຸນນະພາບ ແລະ ມາດຕະຖານ ເຖິງແມ່ນວ່າ ບາງຄັ້ງຊາວບ້ານຈະເອົາຜົນຜະລິດດີປານໃດ ມາໃຫ້ກໍຕາມ ແລະ ມັກຂູ່ແນວ ນັ້ນແນວນີ້ ເຊິ່ງບາງ ຄັ້ງຊາວບ້ານຈຳເປັນຕ້ອງໄດ້ຍອມຍ້ອນການຊູຊີຂອງເຂົາເຈົ້າເວົ້າຫລາຍ ກໍຢ້ານເສຍຄວາມສາມັກຄີ.