ໂດຍ: ທ່ຽງທຳ
ມັນອາດເປັນຄຳຕອບຢ່າງງ່າຍໆວ່າ: ຫໍສະໝຸດໃນໂຮງຮຽນມັນມີຄວາມໝາຍສຳຄັນຍິ່ງ,
ນອກຈາກເປັນການສົ່ງເສີມການອ່ານຂອງນັກຮຽນ-ນັກສຶກສາແລ້ວ, ຍັງເປັນບ່ອນເຂົ້າໄປສຶກ
ສາຄົ້ນຄວ້າ ແລະ ຮຽນຮູ້ບັນຫາຕ່າງໆໃນຫໍສະໝຸດດັ່ງກ່າວ. ໃນຂະນະທີ່ການຕອບສະໜອງປຶ້ມ
ຕຳລາຮຽນ, ປຶ້ມຫລັກສູດການສິດສອນ ແລະ ອື່ນໆ. ສຳລັບນັກຮຽນ ແລະ ຄູອາຈານຍັງຢູ່ໃນຂອບເຂດຈຳກັດ.
ໂຮງຮຽນບາງແຫ່ງໃນເຂດຊົນນະບົດ ຍິ່ງຂາດເຂີນບັນດາປຶ້ມຕຳລາດັ່ງກ່າວ, ນັກຮຽນພຽງອາໄສການຈົດກ່າຍເອົານຳການສິດສອນຂອງຄູອາ
ຈານເປັນສ່ວນໃຫຍ່, ແຕ່ການຈົດກ່າຍນັ້ນຈະໄດ້ພຽງໃດ, ຄົບຖ້ວນ ຫລື ບໍ່ກໍເປັນອີກບັນຫາໜຶ່ງ.
ດັ່ງ ນັ້ນ ການສົ່ງເສີມສ້າງຫໍສະໝຸດໃນໂຮງຮຽນຈຶ່ງມີຄວາມສຳຄັນ ແລະ ຈຳເປັນຫລາຍ,
ແຕ່ເຮົາຈະຈັດຕັ້ງ ແລະ ນຳໃຊ້ມັນແນວໃດໃຫ້ມີຜົນ, ບາງໂຮງຮຽນມີຫໍສະ ໝຸດເຕັມໄວແຕ່ບໍ່ມີຄູອາຈານ
ແລະ ນັກຮຽນຜູ້ໃດເຂົ້າໄປອ່ານ ແລະ ສຶກສາຄົ້ນຄວ້າບັນຫາຕ່າງໆ. ໃນຈຸດນີ້ມັນກໍຂຶ້ນກັບໂຮງ
ຮຽນ ແລະ ຄູອາຈານເອງວ່າຈະມີວິທີການ ແລະ ກິດຈະກຳໃດໆ ເພື່ອສ້າງໃຫ້ນັກຮຽນເຂົ້າອ່ານປຶ້ມໃນຫໍສະໝຸດ.
ຕາມບົດຮຽນຂອງຜູ້ຂຽນເອງ, ໃນຄາວສຶກສາຮ່ຳຮຽນຢູ່ຕ່າງປະເທດ, ຖ້າບໍ່ມີຫໍສະໝຸດແລ້ວກໍຖືວ່າການຮຽນນັ້ນອາດເປັນສູນ
ເພາະວ່າທຸກໆປະເດັນ ແລະ ບັນຫາສຳຄັນຕ່າງໆໃນບົດຮຽນຜູ້ເປັນອາຈານກໍພຽງແນະນຳວ່າໃຫ້ໄປອ່ານ
ແລະ ສຶກສາຄົ້ນຄວ້າເອົາຢູ່ໃນປຶ້ມ ນັ້ນ, ເຫລັ້ມນີ້ ຕະຫລອດຮອດປຶ້ມ ສາລະຄະດີ ແລະ
ນະວະ ນິຍາຍຕ່າງໆ, ເບື້ອງຕົ້ນເຖິງວ່າຈະຄ້ານແດ່, ແຕ່ກໍຈຳເປັນ ເພາະຖ້າເຮົາບໍ່ໄປຊອກຫາອ່ານປຶ້ມຕາມການແນະນຳດັ່ງກ່າວ
ກໍຈະເຮັດໃຫ້
ພວກເຮົາບໍ່ເກັບກຳໄດ້ບົດຮຽນຫຍັງເລີຍ, ຈົນຮອດການວາງຄຳຖາມຕ່າງໆ
ເພື່ອກະກຽມການສອບເສັງປະຈຳພາກ ຫລື ສົກ ຮຽນໃດໜຶ່ງ ເພິ່ນກໍຍັງແນະນຳໃຫ້ໄປຄົ້ນຄວ້າຫາຄຳຕອບຢູ່ໃນປຶ້ມເຫລັ້ມນັ້ນເຫລັ້ມນີ້
ແລະ ທາງໂຮງຮຽນເພິ່ນກໍມີເວລາໃຫ້ນັກ ຮຽນເຂົ້າໄປຄົ້ນຄວ້າຢູ່ຫໍສະໝຸດ ອາທິດໜຶ່ງກໍອາດຈະມີຫລາຍເຖິງ
2-3 ຕອນກໍມີ. ຈຸດນີ້ແມ່ນຈຸດຕົ້ນຕໍທີ່ພວກເຮົາຈະສາມາດປຸກລະດົມໃຫ້ນັກຮຽນ-ນັກສຶກສາເຂົ້າອ່ານໜັງສືໃນຫ້ອງສະໝຸດຂອງໂຮງ
ຮຽນ ຫລື ແຫ່ງອື່ນໆຫລາຍຂຶ້ນ ແລະ ອາດກ້າວໄປເຖິງການສ້າງຫໍສະໝຸດນ້ອຍໃນເຮືອນຂອງຕົນກໍເປັນໄດ້.
ໃນຜ່ານມາ ເຖິງວ່າຫລາຍໂຮງຮຽນໄດ້ມີຫໍສະໝຸດເປັນຂອງຕົນເອງ,
ແຕ່ການນຳໃຊ້ມັນກໍຍັງບໍ່ທັນມີປະສິດທິຜົນເທົ່າທີ່ຄວນ ຍ້ອນວ່ານັກຮຽນ-ນັກສຶກສາເຮົາສ່ວນຫລາຍບໍ່ມັກອ່ານໜັງສືເຊິ່ງ
ບໍ່ພຽງແຕ່ວ່າເປັນບົດຮຽນຂອງຕົນເອງ ຕະຫລອດຮອດການຊອກຮູ້ຂໍ້ມູນຂ່າວສານ,
ສາລະໜາຮູ້ຕ່າງໆຈາກການອ່ານກໍຍັງຢູ່ໃນຂອບເຂດຈຳກັດ, ຖ້າເວົ້າໃນເລື່ອງຄວາມຕື່ນຕົວເຂົ້າຫໍສະໝຸດອ່ານໜັງສື,
ສຶກສາຄົ້ນຄວ້າບົດ ຮຽນຕ່າງໆແລ້ວຍິ່ງມີໜ້ອຍ, ຖ້າໂຮງຮຽນ ຫລື ຄູອາຈານຫາກບໍ່ມີວິທີການຊັກຊວນ
ຫລື ສົ່ງເສີມໃຫ້ນັກຮຽນຂອງຕົນມີຈິດສຳນຶກດັ່ງກ່າວ.
No comments:
Post a Comment