ການຂະຫຍາຍຕົວໄວຂອງທຸລະກິດທະນາຄານຢູ່ລາວ
ໄດ້ເຮັດໃຫ້ທະນາຄານແຫ່ງ ສປປ ລາວ ທີ່ຄຸ້ມຄອງມະຫາພາກທະ ນາຄານທົ່ວລະບົບຕ້ອງຄຳນຶງເຖິງຄວາມປອດໄພໃນການເກັບກຳຂໍ້ມູນລູກຄ້າຂອງທະນາຄານ
ໂດຍເນັ້ນໜັກໃຫ້ທຸກທະນາຄານຕ້ອງມີການສ້າງແຜນຕໍ່ເນື່ອງ Business
Continuity Plan (BCP) ແລະ ການແນະນຳໃຊ້ແຜນດັ່ງກ່າວໄດ້ມີການສຳມະນາໃນວັນທີ
12 ທັນວານີ້ ຢູ່ໂຮງແຮມລາວພາລາ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ
ສອນໄຊ ສິດພະໄຊ ຮອງຜູ້ວ່າ ການທະນາຄານແຫ່ງ ສປປລາວ.
ທ່ານຮອງຜູ້ວ່າການທະນາ ຄານແຫ່ງ ສປປ ລາວ
ກ່າວເປີດການສຳມະນາວ່າ: ປັດຈຸບັນ ໄອທີ (IT) ໄດ້ມີບົດບາດສຳຄັນໃນທຸກຂົງເຂດວຽກງານ
ແລະ ມັນມີການພັດທະນາໄວຫລາຍ, ມີຄວາມໄວ, ປະຢັດເວລາ, ປະຢັດບຸກຄະລາກອນ ແລະ
ມີຄວາມແມ້ນຢຳ, ໃນປະເທດທີ່ພັດທະນາແລ້ວ IT ໄດ້ຖືກນຳໃຊ້ເຂົ້າໃນການເກັບຮັກສາຂໍ້ມູນລູກຄ້າຂອງທຸລະກິດທະນາຄານ
ເພື່ອສ້າງຄວາມເຊື່ອຖື ເນື່ອງຈາກທຸລະກິດທະນາຄານແມ່ນມີການພັດທະນາຫລາຍ.
ສະນັ້ນ ພວກເຮົາຈຶ່ງຕ້ອງຄຳນຶງເຖິງລະບົບຮັກສາຄວາມປອດໄພດ້ານຂໍ້ມູນຂອງລູກຄ້າແບບຕໍ່ເນື່ອງ
BCP ເຊິ່ງຜ່ານມາມີຫລາຍທະນາຄານມັກພົບບັນຫາຫຍຸ້ງຍາກໃນລະບົບບໍລິການຂອງຕົນ
ເປັນຕົ້ນຄອມພິວເຕີຄ້າງເປັນເວລາດົນຈົນບໍ່ສາມາດດຳເນີນການບໍລິການຕໍ່ລູກຄ້າໄດ້ໃນໄລຍະໃດໜຶ່ງ
ກໍລະນີນີ້ແນ່ນອນອາດສ້າງຄວາມກັງວົນຕໍ່ລູກຄ້າວ່າ: ເລກບັນຊີຂອງເຂົາອາດຖືກລຶບ
ຫລື ສູນຫາຍຕ່າງໆ ເຊິ່ງບັນ ຫາເຫລົ່ານີ້ເກີດຈາກບາງທະນາ ຄານບໍ່ຍອມລົງທຶນເຂົ້າໃສ່ດ້ານຄວາມປອດໄພໃນການເກັບຂໍ້ມູນຂອງລູກຄ້າທີ່ມີລະບົບມາດຕະ
ຖານ ໂດຍສະເພາະເມື່ອເກີດກໍລະ ນີສຸກເສີນເຊັ່ນ: ໄຟດັບ, ໄຟໄໝ້ ແລະ ອື່ນໆ.
ທ່ານຮອງຜູ້ວ່າການທະນາ ຄານ ກ່າວວ່າ: ປັດຈຸບັນ
ທະນາ ຄານຂອງລັດ ແລະ ເອກະຊົນຢູ່ລາວມີເກືອບ 40 ຫົວໜ່ວຍ ແລະ ແຕ່ລະຫົວໜ່ວຍມີລະບົບເກັບຮັກ
ສາຂໍ້ມູນແຕກຕ່າງກັນ. ແຕ່ໃນຕໍ່ ໜ້າ ທະນາຄານແຫ່ງ ສປປ ລາວ ຈະມີການຊຸກຍູ້ໃຫ້ມີການນຳໃຊ້ລະບົບເກັບຂໍ້ມູນອັນດຽວກັນ
ໂດຍຈະອອກລະບຽບເພື່ອໃຫ້ທຸກທະນາຄານຫັນມານຳໃຊ້ການລະບົບ IT ເຂົ້າໃສ່ການເກັບກຳຂໍ້ມູນຂອງລູກຄ້າ
ແລະ ຕ້ອງມີການທົດລອງລະບົບຢ່າງເປັນປະຈຳ ເພື່ອຮັບປະກັນຄວາມເຊື່ອໝັ້ນ ແລະ
ຄວາມປອດໄພຂອງລູກຄ້າໃນມາດຕະຖານດຽວ ແລະ ສະດວກໃນການຕິດຕາມຄຸ້ມຄອງ.
ການສຳມະນາດັ່ງກ່າວຈັດຂຶ້ນໂດຍການຮ່ວມມືລະຫວ່າງທະນາຄານແຫ່ງ
ສປປ ລາວ, ບໍລິ ສັດໄຊເບເລຍ (CYBERIA), ໄອບີເອັມ (IBM) ແລະ ບໍລິສັດຄອມພິວເຕີຊີຢູຢູນຽນປະເທດໄທ.
No comments:
Post a Comment