ແຫລ່ງຂ່າວກະຊວງອຸດສາ ຫະກຳ-ການຄ້າເປີດເຜີຍວ່າ:
ສົກປີໃໝ່ນີ້ ລາວວາງເປົ້າໃຫ້ການສົ່ງອອກສິນຄ້າເພີ່ມຂຶ້ນ 15% ແລະ ສູ້ຊົນເຮັດໃຫ້ຜະລິດຕະພັນອຸດ ສາຫະກຳປຸງແຕ່ງ
ແລະ ຫັດ ຖະກຳຂະຫຍາຍຕົວຢູ່ໃນລະດັບ 12% ກວມເອົາ 10% ຂອງລວມຍອດຜະລິດຕະພັນພາຍໃນ
(GDP) ເຮັດໃຫ້ມູນຄ່າການຈະ ລາຈອນສິນຄ້າຂະຫຍາຍຕົວຢູ່ໃນລະດັບ 12% ກວມເອົາ
21% ຂອງ GDP.
ປັດຈຸບັນ ທົ່ວປະເທດມີໂຮງ ງານອຸດສາຫະກຳ
ແລະ ຫັດຖະ ກຳທັງໝົດຫລາຍກວ່າ 38.000 ແຫ່ງ, ໃນນັ້ນຂະໜາດໃຫຍ່ມີ 454 ຫົວໜ່ວຍ,
ກາງ 582 ຫົວ ໜ່ວຍ ແລະ ຂະໜາດນ້ອຍມີຫລາຍກວ່າ 9.100 ຫົວໜ່ວຍ, ຂະໜາດນ້ອຍແບບຄອບຄົວ
27.900 ກວ່າຫົວໜ່ວຍ. ປີຜ່ານ ມານີ້ ຍອດມູນຄ່າການຜະລິດຂອງອຸດສາຫະກຳປຸງແຕ່ງ
ແລະ ຫັດຖະກຳບັນລຸໄດ້ຫລາຍກວ່າ 5.000 ຕື້ກີບ ທຽບໃສ່ສົກປີ 2011-2012 ເພີ່ມຂຶ້ນ
10%, ສ່ວນຍອດມູນຄ່າສົ່ງອອກສິນຄ້າບັນລຸໄດ້ເກືອບ 2 ຕື້ໂດລາສະຫະລັດ ເພີ່ມຂຶ້ນ
11% ທຽບໃສ່ສົກປີ 2011-2012.
ແຕ່ເຖິງແນວໃດກໍດີ, ເພື່ອສົ່ງເສີມການຜະລິດສິນຄ້າພາຍໃນໃຫ້ມີຄວາມເຂັ້ມແຂງນັ້ນ,
ຂະແໜງການດັ່ງກ່າວຈະຕ້ອງໄດ້ປັບປຸງບາງລະບຽບການ ເພື່ອການພັດທະນາ ແລະ ຄຸ້ມຄອງອຸດສາຫະກຳໃຫ້ດີຂຶ້ນກວ່າເກົ່າ,
ພ້ອມເອົາໃຈໃສ່ພັດທະນາອຸດສາ ຫະກຳປຸງແຕ່ງທີ່ມີພື້ນຖານວັດຖຸດິບພາຍໃນ ແລະ
ສົ່ງເສີມໃຫ້ມີໜໍ່ແໜງອຸດສາຫະກຳໜັກ ແລະ ທັນສະໄໝເທື່ອລະກ້າວ, ຈັດຕັ້ງ ແລະ
ປັບປຸງກຸ່ມຜະລິດຫັດຖະກຳໃຫ້ເຂັ້ມແຂງ, ມີຄຸນນະພາບ ແລະ ອອກແບບໃຫ້ແທດເໝາະກັບຄວາມຕ້ອງການຂອງຕະຫລາດ,
ສຸມໃສ່ຜະລິດເປັນສິນຄ້າ ເພື່ອສົ່ງອອກໃຫ້ຫລາກຫລາຍໂດຍສະເພາະອຸດສາຫະກຳປຸງແຕ່ງກະສິກຳ,
ອຸດ ສາຫະກຳປຸງແຕ່ງໄມ້, ສະບຽງອາຫານ, ວັດສະດຸກໍ່ສ້າງ, ອຸດສາຫະກຳຕັດຫຍິບ ແລະ
ຕ່ຳແຜ່ນໃຫ້ຫລາຍຂຶ້ນກວ່າເກົ່າ.
No comments:
Post a Comment