ໃນວັນທີ 25 ເມສາຜ່ານມານີ້, ທ່ານ ສາສະດາຈານ. ດຣ.ບໍ່ວຽງຄຳ
ວົງດາລາ ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ ທັງເປັນປະທານສະ ພາວິທະຍາສາດແຫ່ງຊາດໄດ້ຖະແຫລງກ່ຽວກັບວັນ
ຊັບສິນທາງປັນຍາໂລກວ່າ: ວັນທີ 26 ເມສາ ແມ່ນວັນຊັບສິນທາງປັນຍາໂລກ ຊຶ່ງເປັນວັນທີ່ສົນທິສັນຍາສ້າງຕັ້ງ ອົງການຊັບສິນທາງປັນຍາໂລກໄດ້ມີຜົນບັງ
ຄັບໃຊ້ເລີ່ມແຕ່ປີ 1970 ແລະ ບັນດາ ປະຊາຊາດໃນໂລກ ໄດ້ຈັດພິທີສະເຫລີມສະຫລອງນັບແຕ່ປີ
2000 ເປັນຕົ້ນມາ. ໃນປີ 2014 ສປປ ລາວ ໄດ້ພ້ອມກັບບັນດາປະເທດສະມາຊິກອົງການຊັບສິນທາງປັນຍາໂລກຈັດຕັ້ງການສະເຫລີມສະຫລອງພາຍໃຕ້ຄຳຂວັນທີ່ວ່າ:
“ ຮູບເງົາແມ່ນຄວາມນິຍົມຂອງຊາວໂລກ ” ຊຶ່ງອົງການຊັບສິນທາງປັນຍາໂລກໄດ້ວາງຄຳຂວັນດັ່ງກ່າວນັ້ນກໍ
ເພື່ອເນັ້ນໃຫ້ເຫັນເຖິງບົດບາດຄວາມສຳຄັນຂອງບັນດານັກປະພັນ ແລະ ນັກປະດິດຄິດແຕ່ງມີຄວາມຄິດສ້າງສັນ
ເພື່ອສ້າງສັນປັ້ນແຕ່ງສິລະປະ-ວັນນະກຳ ແລະ ຜະລິດຕະພັນຮູບເງົາໃໝ່ໆອອກມາສູ່
ສາຍຕາຂອງມວນຊົນໃນທົ່ວໂລກຊຶ່ງຮູບເງົາກໍແມ່ນຜະ
ລິດຕະພັນຊະນິດໜຶ່ງຂອງຊັບສິນທາງປັນຍາພ້ອມກັນນັ້ນຍັງເປັນການຊຸກຍູ້ສົ່ງເສີມການຄົ້ນຄວ້າປະດິດແຕ່ງ,
ການສະແດງ ແລະ ພັດທະນາການຖ່າຍທອດເຕັກໂນໂລຊີຈາກປະເທດທີ່ພັດທະນາແລ້ວໄປສູ່ບັນດາປະເທດທີ່ພວມພັດທະນາອີກດ້ວຍ.
ການສະ ເຫລີມສະຫລອງວັນດັ່ງກ່າວນີ້ ກໍເພື່ອສ້າງຈິດສຳນຶກໃຫ້ສັງຄົມເຂົ້າໃຈຢ່າງເລິກເຊິ່ງກ່ຽວກັບພາ
ລະບົດບາດ ແລະ ຄວາມສຳຄັນຂອງວຽກງານຊັບສິນທາງປັນ ຍາເປັນຕົ້ນ: ສິດທິບັດ, ອະນຸສິດທິບັດ,
ແບບອຸດສາຫະກຳ, ເຄື່ອງໝາຍການຄ້າ, ລິຂະສິດ ແລະ ຜົນງານຊັບສິນທາງປັນຍາດ້ານອື່ນໆຕໍ່ການພັດທະ ນາເສດຖະກິດ-ສັງຄົມ, ພ້ອມນັ້ນກໍເພື່ອເປັນການ ຍ້ອງຍໍສັນລະເສີນຜົນງານ ແລະ ພູມປັນຍາຂອງບັນດານັກຄົ້ນຄວ້າວິທະ ຍາສາດ,
ນັກປະດິດສ້າງ, ນັກປະດິດແຕ່ງໃຫ້ມີການ ພັດທະນາໃນການຄົ້ນຄິດປະດິດສ້າງ ແລະ ປະດິດຄິດແຕ່ງນະວັດຕະ ກຳໃໝ່ໆອອກມາຮັບໃຊ້ສັງຄົມເລື້ອຍໆໄປ.
ໂອກາດດັ່ງກ່າວ, ທ່ານລັດຖະມົນຕີວ່າການກະຊວງວິທະຍາສາດ
ແລະ ເຕັກໂນໂລຊີ ຍັງໄດ້ຮຽກຮ້ອງມາຍັງບັນດານັກຄົ້ນຄວ້າວິທະຍາສາດ, ນັກປະດິດສ້າງ-ນັກປະດິດແຕ່ງ,
ນັກຮຽນຮູ້-ປັນຍາຊົນ ແລະ ພໍ່ແມ່ພີ່ ນ້ອງປະຊາຊົນລາວບັນດາເຜົ່າ ຈົ່ງໄດ້ສຸມສະຕິປັນຍາເຂົ້າໃນການນຳໃຊ້
ແລະ ພັດທະນາຊັບສິນທາງປັນຍາຂອງປະເທດເຮົາໃຫ້ຍົກລະດັບຂຶ້ນຢ່າງບໍ່ຢຸດຢັ້ງ, ເພື່ອຊຸກຍູ້ສົ່ງເສີມການຜະລິດເປັນສິນຄ້າ,
ສ້າງເສດຖະກິດພູມປັນຍາ, ຊຸກຍູ້ສົ່ງເສີມການຄົ້ນຄິດປະດິດສ້າງ ແລະ ປະດິດຄິດ ແຕ່ງນະວັດຕະກຳໃໝ່ໆອອກມາຮັບໃຊ້ສັງຄົມ,
ຈົ່ງເປັນນັກປະດິດສ້າງທີ່ມີວິໄສທັດເພື່ອປະກອບສ່ວນໃນການຫັນປະເທດເຮົາ ໃຫ້ເປັນອຸດສາຫະກຳ
ແລະ ທັນສະໄໝ.
No comments:
Post a Comment