laophatthananewspaper: ຜົນການສອບເສັງນັກຮຽນເກັ່ງທົ່ວປະເທດ

ການສອບເສັງຄັດເລືອກນັກຮຽນເກັ່ງທົ່ວປະເທດ ຊັ້ນມໍ4 ແລະ ມ 7 ຈຳນວນ 148 ຄົນ, ຍິງ 56ຄົນ, ໄດ້ມີຂຶ້ນຢູ່ມະ ຫາວິທະຍາໄລແຫ່ງຊາດ, ນະຄອນຫລວງວຽງຈັນ ໂດຍກະຊວງສຶກສາ ແລະ ກິລາເປັນເຈົ້າການຈັດຕັ້ງ ການສອບເສັງໃນວັນທີ 22ເມສາ ແລະ ປະກາດຜົນມອບລາງວັນໃນວັນທີ 25 ເມສານີ້ ເຊິ່ງມີນັກ ຮຽນຍາດໄດ້ຄະແນນດີ ແລະ ໄດ້ຮັບລາງວັນຈາກຄະນະກຳມະການ 33 ຄົນ ພິເສດນັກຮຽນທີ່ມີຄະແນນຊະນະເລີດແຕ່ລະວິຊາສອບເສັງຈຳນວນ 8 ຄົນທຶນການສຶກສາຈາກບໍລິສັດເບຍລາວຈຳນວນຫນຶ່ງ ເພື່ອເປັນທຶນ ຮອນການສຶກສາຂອງເຂົາເຈົ້າໃນຂັ້ນຕໍ່ໄປ.

ນັກຮຽນເກັ່ງທີ່ຍາດໄດ້ຄະແນນສອບເສັງຊະນະເລີດປະຈຳສົກປີ 2013-2014 ຈຳນວນ 8 ຄົນປະກອບມີຊັ້ນມັດທະ ຍົມຕອນຕົ້ນຄື: ນາງ ທິບພະສອນ ພິລາພັນເດດ ວິຊາພາສາລາວ-ວັນ ນະຄະດີ ຈາກໂຮງຮຽນ ມສ ພອນສະຫວັນ, ນາງ ສຸນິດຕາ ພິມມະສອນວິຊາຄະນິດສາດ ຈາກໂຮງຮຽນ ມສ ພອນສະ ຫວັນ, ທ້າວ ອຸດົມສຸກ ໄຊດວງຕາ ວິຊາຟີຊິກສາດ ຈາກໂຮງ ຮຽນ ມສ ມິດຕະພາບ ແຂວງໄຊຍະບູລີ, ທ້າວ ຈິດຕະກອນ ບົວເຈີເຮີ ວິຊາເຄມີສາດ ຈາກໂຮງ ຮຽນ ມສ ອຸດົມໄຊ

ແຂວງອຸ ດົມໄຊ; ຊັ້ນມັດທະຍົມຕອນປາຍຄື: ນາງ ມຸກທິດາ ແສງສິຣິຈັນ ວິຊາ ພາສາລາວ-ວັນນະຄະດີ ຈາກໂຮງຮຽນ ມສ ລາວ-ຫວຽດນາມ, ທ້າວ ນຸດສະກາ ຍິ້ມມະວົງ ວິຊາຄະນິດສາດ ຈາກໂຮງຮຽນ ພອນສະຫວັນ, ທ້າວ ສຸກຊະນະ ລາດຕະກຸນ ວິຊາຟີຊິກສາດ ຈາກໂຮງຮຽນ ມສ ວຽງຈັນ, ທ້າວ ນະຕິທອນ ຄຳພາວົງສາ ວິ ຊາເຄມີສາດ ຈາກໂຮງຮຽນ ມສ ວຽງຈັນ. ໃນບັ້ນສອບເສັງດັ່ງ ກ່າວມີນັກຮຽນເກັ່ງທີ່ຍາດໄດ້ຄະແນນດີມີທັງໝົດ 33ຄົນ, ຍິງ 10ຄົນ. ນອກຈາກນີ້ການແຂ່ງຂັນຖາມ-ຕອບວິ ທະຍາສາດ ແລະ ຄວາມຮູ້ຮອບຕົວທີ່ແຂວງຕ່າງໆໄດ້ເຂົ້າຮ່ວມສ່ວນຜົນຂອງການແຂ່ງຂັນອັນດັບ 1 ໄດ້ແກ່ນະຄອນຫລວງ, ອັນດັບ 2 ແຂວງສະຫັວນນະເຂດ ແລະ ອັນດັບ 3 ຈຳປາສັກ.

ທ້າວ ນະຕິທອນ ຄຳພາວົງສາ ເປັນນັກຮຽນເກັ່ງອັນດັບທີ 1 ວິຊາເຄມີສາດ ໃຫ້ສຳພາດວ່າ: ນ້ອງເອງມີຄວາມດີໃຈຫລາຍທີ່ໄດ້ຮັບລາງວັນອັນດັບ 1 ໃນປີນີ້, ປັດຈຸບັນນ້ອງເອງໄດ້ສຶກ ສາຢູ່ໂຮງຮຽນ ມສ ວຽງຈັນ ຫ້ອງ ມ 7/3 ອາໄສຢູ່ຫໍພັກຂອງໂຮງຮຽນດັ່ງກ່າວ ເພາະນ້ອງເປັນຕົວແທນນັກຮຽນເກັ່ງຂອງແຂວງທີ່ມາຈາກແຂວງວຽງຈັນ ທາງໂຮງຮຽນເລີຍໄດ້ສົ່ງເຂົ້າມາຮຽນຢູ່ໂຮງຮຽນ ມສ ວຽງຈັນ ລະດັບການຮຽນນ້ອງເອງຄິດວ່າດີຂຶ້ນເລື້ອຍໆເຊັ່ນ: ສອບເສັງຂັ້ນເມືອງໄດ້ອັນດັບ 4, ຂັ້ນນະ ຄອນຫລວງໄດ້ອັນດັບ 2 ແລະ ຂັ້ນປະເທດໄດ້ອັນດັບ 1, ກ່ອນທີ່ນ້ອງຈະມາເຖິງຈຸດນີ້ໄດ້ກໍຍ້ອນການສະໜັບສະໜູນຈາກພໍ່ແມ່, ຄູ-ອາຈານທີ່ສິດສອນນ້ອງເຮັດໃຫ້ນ້ອງມີທຸກມື້ນີ້. ໃນນີ້ວິທີໃນການຄົ້ນຄວ້າຮຽນຂອງນ້ອງເອງຕັ້ງໃຈຟັງຄຳຄູ-ອາຈານອະທິບາຍ, ແກ້ບົດເຝິກຫັດ, ຖາມຄືນເວລາບໍ່ເຂົ້າໃຈ ແລະຊອກຮູ້ຮ່ຳຮຽນນຳປື້ມຕ່າງໆຂອງຕ່າງປະເທດນຳອີກ ໂດຍສະເພາະວິຊາເຄມີສາດ ເພື່ອຈະເຮັດໃຫ້ຕົວເອງມີຄວາມພັດທະນາຂຶ້ນຕື່ມ.