ກະຊວງແຜນການ ແລະ ການລົງທຶນ ໃຫ້ຮູ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
6 ເດືອນຕົ້ນ ສົກປີ 2013-2014 ດຳເນີນໄປດ້ວຍຜົນ ສຳເລັດຫລາຍດ້ານ, ລວມຍອດ ຜະລິດຕະພັນພາຍໃນ
(GDP) ຂະຫຍາຍຕົວຢູ່ໃນ ລະດັບໜ້າພໍໃຈຄື 7,6%, ສ່ວນແຜນການຄາດໝາຍສູ້ຊົນໝົດປີບໍ່ໃຫ້ຫລຸດ
8,3%, ສາມາດສ້າງມູນຄ່າເພີ່ມ ໃນລາຄາປັດຈຸ ບັນໄດ້ປະມານ 91.587 ຕື້ກີບ ຫລື ປະມານ
11,46 ຕື້ໂດລາສະຫະລັດ, ສະ ເລ່ຍບັນລຸໄດ້ 13,5 ລ້ານກີບ ຫລື 1.692 ໂດ ລາສະຫະລັດ/ຄົນ/ ປີ.
ຂະນະທີ່ອັດຕາເງິນເຟີ້ສະເລ່ຍຢູ່ ໃນລະດັບ 6,27%, ທຽບໃສໄລ ຍະດຽວກັນຂອງປີຜ່ານມາມີທ່າ ອ່ຽງ
ເພີ່ມຂຶ້ນ, ຍ້ອນໝວດສີນຄ້າສະບຽງອາຫານ, ເຄື່ອງດື່ມ, ຮ້ານອາຫານ, ໂຮງແຮມ ແລະ ໝວດເຄື່ອງນຸ່ງມີການເໜັງຕິງ
ຂຶ້ນ.
ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ
ແລະ ການລົງທຶນ ໄດ້ລາຍງານ ຕໍ່ກອງປະຊຸມລັດຖະບານ ສົກປີ 2013-2014 ໃນວັນທີ 22 ເມສາ ນີ້,
ໂດຍໄດ້ຊີ້ໃຫ້ເຫັນມູນຄ່າ ການນຳເຂົ້າ-ສົ່ງອອກສິນຄ້າໃນ 6 ເດືອນຜ່ານມາປະຕິ ບັດໄດ້ປ ະມານ
3.065 ລ້ານກວ່າໂດລາ ສະຫະລັດ, ເພີ່ມຂຶ້ນ 50,17%, ໃນ ນີ້ມູນຄ່າການສົ່ງອອກບັນລຸປະ ມານ
1.101 ລ້ານກວ່າໂດລາສະ ຫະລັດ. ສິນຄ້າສົ່ງອອກຕົ້ນຕໍ ແມ່ນພະລັງງານໄຟຟ້າ, ຜະລິດ ຕະພັນແຮ່ທາດ,
ເຄື່ອງຕັດຫຍິບ, ຜະ
ລິດຕະ ພັນໄມ້ກະສິກຳ ແລະ ອື່ນໆ. ສ່ວນການນຳເຂົ້າບັນລຸ ເກືອບ 2.000 ລ້ານໂດລາສະຫະ
ລັດ, ຄາດຄະເນດຸນການຄ້າ ຫລາຍ ກວ່າ 800 ລ້ານໂດລາສະ ຫະລັດຊຶ່ງເຫັນວ່າເພີ່ມຂຶ້ນສູງສົມຄວນເມື່ອທຽບໃສ່ໄລຍະດຽວ
ຂອງປີຜ່ານມາ. 6 ເດືອນ ຜ່ານ ມາສາມາດປະຕິບັດການລົງທຶນຂອງລັດທັງໝົດ 2.469 ໂຄງ ການ, ມູນຄ່າ
2.333 ຕື້ກວ່າກີບ ເທົ່າກັບ 31% ຂອງແຜນ ການປີ, ໃນນັ້ນທຶນພາຍໃນ 1.385 ຕື້ກວ່າກີບ.
ທ່ານລັດຖະມົນຕີວ່າການ ກະຊວງແຜນການ ແລະ ການ
ລົງທຶນໃຫ້ຮູ້ວ່າ: ເຖິງວ່າສະພາບ ເສດຖະກິດຂອງພາກພື້ນ ແລະ ສາກົນມີຄວາມຫຍຸ້ງຍາກກໍຕາມ,ແຕ່ບັນດາຄູ່ຮ່ວມພັດທະນາຍັງ
ໃຫ້ການສະໜັບສະໜູນແຜນທະນາເສດ ຖະກິດ-ສັງ ຄົມຂອງປະ ເທດເຮົາຢ່າງປົກກະຕິ. 6 ເດືອນ ຜ່ານມາສາມາດປະຕິບັດທັງໝົດ
767 ໂຄງການ, ມູນຄ່າ 415 ລ້ານກວ່າ ໂດ ລາສະຫະລັດ ຫລື 3.324 ຕື້ກວ່າກີບ, ໃນນີ້ໂຄງການຊ່ວຍ
ເຫລືອລ້າ 624 ໂຄງການ, ກູ້ຢືມ 57 ໂຄງການ ແລະ ໂຄງ ການສົ່ງເສີມດ້ານວິຊາການ 82 ໂຄງ ການ.
ສ່ວນສະພາບການລົງທຶນໃນ 6 ເດືອນຜ່ານມາສາມາດດຶງດູດ
ການລົງທຶນພາກເອກກະຊົນທັງພາຍໃນ ແລະ ຕ່າງປະເທດ 713 ໂຄງການ, ມູນຄ່າ 3.060 ລ້ານໂດລາສະຫະລັດ
ຫລື 24.458 ຕື້ກີບ, ໃນນີ້ຂະແໜງທີ່ມູນຄ່າ ຫລາຍກວ່າໝູ່ແມ່ນ ການບໍລິການ, ຮອງລົງມາແມ່ນຂະແໜງພະລັງງານ
ແລະ ບໍ່ແຮ່.
ນອກຈາກນີ້, ສະພາບການແກ້ໄຂໜີ້ສິນການລົງທຶນຂອງ
ລັດຊຶ່ງປັດຈຸບັນແມ່ນໜັກໜ່ວງ ຖ້າບໍ່ໄດ້ຮັບການແກ້ໄຂຮີບ ດ່ວນຈະສົ່ງຜົນກະທົບຕໍ່ນະໂຍບາຍ
ການເງິນ-ການທະນາຄານ, ສ່ວນຜົນສຳເລັດຂອງການປະຕິບັດບາງວຽກງານຈຸດສຸມກໍຄື ວຽກງານພັດທະນາຊົນນະບົດ
ແລະ ລຶບລ້າງຄວາມທຸກຍາກ ຕິດພັນກັບວຽກທົດລອງ 3 ສ້າງ; ການພັດທະນາຂົງເຂດການ ຜະລິດກະສິກຳໂດຍປີ
2013 ມີເນື້ອທີ່ປັກດຳ 682.205 ເຮັກຕາ, ໄດ້ຜົນຜະລິດ 2,87 ລ້ານໂຕນ ແລະ ນາແຊງໃນເນື້ອ ທີ່ອີກຈຳນວນ ໜຶ່ງ. ການພັດທະນາພື້ນຖານໂຄງລ່າງສຳເລັດຫລາຍໂຄງການ, ການພັດທະນາຂົງເຂດວັດທະນະທຳ-ສັງຄົມ
ແລະ ສິ່ງ ແວດລ້ອມ, ຕະຫລອດເຖິງການພັດທະນາຕາມເຂດແຄ້ວນ, ພາກ ເໜືອ,ພາກກາງ ແລະ ພາກໃຕ້ມີຜົນ ສຳເລັດ ເປັນກ້າວໆອັນ
ໄດ້ຊ່ວຍໃຫ້ປະຊາຊົນບັນດາເຜົ່າມີຊີວິດການເປັນຢູ່ດີຂຶ້ນເປັນລຳດັບ.
No comments:
Post a Comment