ປັດຈຸບັນ ສະພາບການຂີ່ລົດແບບເປັນພຶງເປັນແພຍາມເດິກດື່ນຕາມສາຍທາງໃນຕົວເມືອງ
ຂອງໄວລຸ້ນຊາວໜຸ່ມ ຫລື ແກ໊ງ ກວນເມືອງແມ່ນມີລັກສະນະຮ້າຍແຮງຂຶ້ນເລື້ອຍໆ ເຊິ່ງນອກ
ຈາກເປັນການສົ່ງສຽງເນື່ອງນັນລົບກວນຍາມຫລັບນອນພັກ ຜ່ອນຂອງປະຊາຊົນແລ້ວ
ຍັງມີລັກສະນະກໍ່ຄວາມວຸ້ນວາຍຕ່າງໆຕາມມາເຊັ່ນ: ທຳລາຍບັນ ດາປ້າຍຫ້າມ, ທູບແກ້ວໃສ່ຖະ
ໜົນຫົນທາງ ແລະ ກໍ່ຄວາມບໍ່ສະຫງົບອື່ນໆ ດັ່ງມີປະຊາຊົນຢູ່ບ້ານຊຽງຍືນ ເມືອງຈັນທະບູລີ
ລາຍງານໃຫ້ນັກຂ່າວຟັງວ່າ: ເມື່ອເວລາປະມານ 2 ໂມງເຊົ້າ ຂອງວັນທີ 25 ພຶດສະພານີ້,
ກໍມີແກ໊ງກວນເມືອງ ເຊິ່ງມີໄວລຸ້ນ ຊາຍ-ຍິງຂັບລົດຈັກເປັນຈຳ ນວນຫລາຍຄັນຂັບຂີ່ກໍ່ກວນໄປຕາມເສັ້ນທາງໃນຕົວເມືອງ
ແລະ ມີການຍິງປືນນາບຂູ່ຢ່າງບໍ່ເກງກົວລະບຽບກົດໝາຍ ກາຍເປັນໜໍ່ແໜງຂອງການກໍ່ໃຫ້ເກີດຄວາມບໍ່ສະຫງົບໃນສັງຄົມ.
ດັ່ງ ນັ້ນ ຖ້າເບື້ອງເຈົ້າໜ້າທີ່ບໍ່ມີມາດຕະການຮີບຮ້ອນແກ້ໄຂຢ່າງ ຂາດຕົວ
ກຸ່ມແກ໊ງດັ່ງກ່າວອາດກ້າວໄປສູ່ການກໍ່ຄວາມວຸ້ນວາຍຮ້າຍແຮງຂຶ້ນ ແລະ ຕົກເປັນເຫຍື່ອຂອງກຸ່ມຄົນບໍ່ດີໄດ້ງ່າຍ
ເນື່ອງຈາກໄວລຸ້ນເຫລົ່ານັ້ນຍັງຢູ່ໃນໄວຄຶກຄະນອງ ແລະ ອາດ ກ້າວໄປເຖິງການພົວພັນສິ່ງເສບຕິດ,
ລາມົກອານາຈານ ແລະ
ປາ ກົດການຫຍໍ້ທໍ້ທາງສັງຄົມອື່ນໆ. ດັ່ງນັ້ນ ເຈົ້າໜ້າທີ່ທຸກຂັ້ນຕ້ອງມີຄວາມເຂັ້ມງວດກວດຂັນດ້ານລະບຽບການ,
ສ່ວນຄອບຄົວກໍຕ້ອງເອົາໃຈໃສ່ສຶກສາອົບຮົມສັ່ງສອນລູກຫລານບໍ່ໃຫ້ມີການເຄື່ອນໄຫວອັນບໍ່ດີດັ່ງກ່າວເຊິ່ງ
ອາດກໍ່ໃຫ້ເກີດສິ່ງບໍ່ດີຕາມມາ.
No comments:
Post a Comment