ກອງປະຊຸມສຳມະນາກ່ຽວກັບກົດໝາຍສາກົນ ແລະ
ສິດທິມະນຸດ ສຳລັບເຈົ້າໜ້າທີ່ຂັ້ນແຂວງ ແລະ ເມືອງຂອງ 3 ແຂວງພາກເໜືອ (ອຸດົມໄຊ,
ໄຊຍະບູລີ ແລະ ບໍ່ແກ້ວ) ໄດ້ຈັດຂຶ້ນໃນວັນທີ 7-8 ພຶດສະພານີ້ ທີ່ແຂວງອຸດົມໄຊ
ໂດຍການເປັນປະ ທານຂອງທ່ານ ພົງສະຫວັດ ບຸບຜາ ລັດຖະມົນຕີ, ຫົວໜ້າຫ້ອງວ່າການປະທານປະເທດ,
ປະທານຄະນະຊີ້ນຳລະດັບຊາດໃນການປະສານງານດ້ານສິດທິມະນຸດ ເຊິ່ງມີພະນັກງານ
ແລະ ເຈົ້າໜ້າທີ່ກ່ຽວຂ້ອງຂອງທັງ 3 ແຂວງເຂົ້າຮ່ວມທັງໝົດ 70 ກວ່າທ່ານ.
ກອງປະຊຸມດັ່ງກ່າວແມ່ນເພື່ອເພີ່ມທະວີຄວາມຮັບຮູ້
ແລະ ຄວາມເຂົ້າໃຈໃຫ້ແກ່ນັກສຳມະນາກອນກ່ຽວກັບແນວທາງນະໂຍບາຍຂອງພັກ ແລະ
ລັດຖະ ບານລາວ, ລັດຖະທຳມະນູນ ແລະ ກົດໝາຍ ແລະ ພັນທະພາຍໃຕ້ສົນທິສັນຍາທີ່ ສປປ ລາວ
ເປັນພາຄີ ເຊິ່ງພົວພັນກັບສິດທິມະນຸດ ແລະ ລັດແຫ່ງກົດໝາຍ.
ໃນກອງປະຊຸມ, ທ່ານ ພົງສະຫວັດ ບຸບຜາ ໄດ້ຍົກໃຫ້ເຫັນຄວາມສຳຄັນຂອງກົດໝາຍສາ
ກົນໃນຍຸກປັດຈຸບັນ ເຊິ່ງເປັນຍຸກແຫ່ງການເຊື່ອມໂຍງກັບພາກພື້ນ ແລະ ສາກົນ
ໂດຍສະເພາະການກະກຽມເຂົ້າຮ່ວມປະຊາຄົມເສດ ຖະກິດອາຊຽນ (AEC) ໃນປີ 2015 ຂອງ
ສປປ ລາວ. ການຮັບຮູ້ກ່ຽວກັບກົດໝາຍສາກົນ ຈຶ່ງມີຄວາມຈຳເປັນຂອງພະນັກງານລັດຖະກອນ
ນັບທັງສູນກາງ ແລະ ທ້ອງຖິ່ນ. ດັ່ງນັ້ນ ການພັດທະນາຊັບພະຍາກອນມະນຸດຢູ່ປະເທດເຮົາໃນຂົງເຂດກົດ
ໝາຍສາກົນ ແລະ ສົນທິສັນຍາ ເພື່ອປະກອບສ່ວນເຂົ້າໃນການສ້າງບາດກ້າວບຸກທະລຸໃນການພັດທະນາຊັບພະຍາກອນມະນຸດຕາມມະຕິກອງປະຊຸມໃຫຍ່
ຄັ້ງທີ IX ຂອງພັກ ຈຶ່ງຈຳເປັນຕ້ອງໄດ້ເອົາໃຈໃສ່.
ກອງປະຊຸມສຳມະນາຄັ້ງນີ້ໄດ້ຮັບຟັງການສະເໜີເອກະສານສຳຄັນຕ່າງໆ
ຄືສິດທິມະນຸດຢູ່ ສປປ ລາວ, ຄວາມເຂົ້າໃຈ ແລະ ທັດສະນະຂອງພັກ ແລະ ລັດຖະ ບານລາວຕໍ່ວຽກງານດັ່ງກ່າວ,
ວຽກງານຄຸ້ມຄອງອົງການຈັດ ຕັ້ງສາກົນທີ່ບໍ່ສັງກັດລັດຖະບານ (NGOs) ໃນ ສປປ ລາວ;
ສານສາກົນ ແລະ ບົດບາດຂອງສະພາຄວາມໝັ້ນຄົງສະຫະປະຊາຊາດໃນການຄ້ຳ ປະກັນຄວາມຍຸຕິທຳໃນໂລກ;
ປຶກສາຫາລືກ່ຽວກັບຮ່າງກົດໝາຍວ່າດ້ວຍສົນທິສັນ ຍາສາກົນໃນສ່ວນທີ່ພົວພັນກັບການສ້າງສົນທິສັນຍາໂດຍອົງ
ການທ້ອງຖິ່ນ; ກົນໄກສິດທິມະ ນຸດຂອງສາກົນ, ພັນທະ ສປປ ລາວ ພາຍໃຕ້ສົນທິສັນຍາສາກົນດ້ານສິດທິມະນຸດ
ແລະ ກົນໄກທົບທວນປະຈຳໄລຍະ UPR; ນະໂຍບາຍຂອງ ສປປ ລາວ ຕໍ່ກັບວຽກງານສາສະໜາ
ແລະ ບາງຫລັກການສຳຄັນກ່ຽວກັບການສົ່ງຜູ້ຮ້າຍຂ້າມແດນ ແລະ ອາຊະຍາກຳຂ້າມຊາດ
ໂດຍສະເພາະບົດບາດ ແລະ ໜ້າທີ່ຂອງອົງ ການປົກຄອງທ້ອງຖິ່ນໃນການ ຈັດຕັ້ງປະຕິບັດພັນທະພາຍໃຕ້ກົດໝາຍສາກົນ
ແລະ ສົນທິສັນ ຍາທີ່ ສປປ ລາວ ເປັນພາຄີ.
No comments:
Post a Comment