laophatthananewspaper: ຄວນບໍລິໂພກສື່ສັງຄົມຢ່າງມີສະຕິ

22 May 2014

ຄວນບໍລິໂພກສື່ສັງຄົມຢ່າງມີສະຕິ

ຄື ພວກເຮົາຮູ້ນຳກັນວ່າ: ໃນຍຸກແຫ່ງຄວາມກ້າວໜ້າທັນສະໄໝດັ່ງໃນປັດຈຸບັນນີ້ ການຮັບຮູ້ຂໍ້ມູນຂ່າວສານຂອງສັງຄົມແມ່ນມີຫລາຍທາງເລືອກໃຫ້ບໍລິ ໂພກເຊັ່ນ: ອິນເຕີເນັດ ຫລື ສື່ສັງຄົມອອນລາຍ (Social Media) ເຊິ່ງກໍໝາຍເຖິງເຟກບຸກ (Face Book), ວີແຊດ (Wechat), ລາຍ (Line), ສໄກ (Sky) ແລະ ອື່ນໆ. ແນວໃດກໍຕາມໃນທ່າມກາງຂອງຍຸກ IT ທີ່ກ້າວໜ້າສີວິໄລຈົນຍາກທີ່ສັງຄົມພວກເຮົາຕາມທັນໄດ້, ແຕ່ການບໍລິໂພກຊົມໃຊ້ກໍຄວນມີສະຕິ, ນີ້ກໍແມ່ນຄວາມເປັນເຈົ້າການຮັບຜິດຊອບຕໍ່ການ ສະແດງຄຳຄິດເຫັນ, ການສະແດງຮູບພາບຕ່າງໆຕ້ອງເບິ່ງວ່າມັນຖືກຕ້ອງສອດຄ່ອງກັບຄວາມເປັນ ຈິງ ຫລື ບໍ່ ? ເພື່ອຫລີກເວັ້ນ ຄວາມບໍ່ເຂົ້າໃຈ, ເຂົ້າໃຈຜິດ ຫລື ການສະແດງຄວາມຄິດທີ່ບໍ່ເໝາະສົມອັນຈະກໍ່ໃຫ້ເກີດຄວາມສັບສົນແກ່ ສັງຄົມຕາມມາ.

ໃນບໍ່ເທົ່າໃດປີມານີ້ ຢູ່ປະເທດເຮົາກໍມີການບໍລິໂພກສື່ສັງຄົມກັນຢ່າງກວ້າງຂວາງ ແລະ ເຫັນວ່າຜູ້ຊົມໃຊ້ສ່ວນຫລາຍກໍມີຄວາມເຂົ້າໃຈອັນຖືກຕ້ອງ ແລະ ສະແດງຄວາມເຄົາລົບສິດຂອງຜູ້ອື່ນ, ແຕ່ຄຽງຄູ່ກັນນັ້ນ ກໍຍັງມີຈຳນວນໜຶ່ງແມ່ນອາໄສສື່ດັ່ງ ກ່າວສ້າງຄວາມສັບສົນ, ຖືເອົາເປັນເວທີສ້າງຄວາມເຊື່ອມເສຍຕໍ່ວັດທະນະທຳຂອງຊາດ ແລະ ອື່ນໆ ເຊິ່ງບັນຫານີ້ແມ່ນສິ່ງເບື່ອເມົາຍຸຍົງໃຫ້ໄວໜຸ່ມຊາວໜຸ່ມເຮົາຮັບ ຮູ້ຂໍ້ມູນທີ່ຜິດເຄວ ແລະ ຕົກເປັນເຫຍື່ອຂອງກຸ່ມຄົນບໍ່ດີຢ່າງບໍ່ຮູ້ສຶກຕົວ ເຊິ່ງບັນຫາດັ່ງກ່າວທຸກພາກສ່ວນສັງຄົມຕ້ອງຊ່ວຍກັນສະກັດກັ້ນ ແລະ ສຶກສາອົບ ຮົມໃຫ້ຄົນມີສະຕິໃນການນຳໃຊ້ເຄື່ອງມືສື່ສານທັນສະໄໝນີ້ຢ່າງ ຖືກຕ້ອງ, ມີຈັນຍາບັນ ທັງຮັບປະ ກັນຄວາມສະຫງົບ ແລະ ເປັນລະ ບຽບຮຽບຮ້ອຍຂອງສັງຄົມ.