laophatthananewspaper: ລັດຖະມົນຕີຊ່ວຍກະຊວງອຸດສາຫະກຳ ແລະ ການຄ້າຕອບຂໍ້ຂ້ອງໃຈຂອງປະຊາຊົນ

ໃນວັນທີ 23 ກໍລະກົດ ຜ່ານມານີ້, ທ່ານ ບຸນມີ ມະນີວົງ ລັດຖະມົນຕີຊ່ວຍວ່າການກະ ຊວງອຸດສາຫະກຳ ແລະ ການຄ້າ ໄດ້້ຊີ້ແຈງຕໍ່ຂ້ໍຂ້ອງໃຈຂອງປະຊາຊົນ ຜ່ານໂທລະສັບສາຍດ່ວນສະພາແຫ່ງຊາດ ກ່ຽວກັບ ການຄຸ້ມຄອງຕະຫລາດເຊົ້າ ແລະ ຕະ ຫລາດຂົວດິນ ມີການຂາຍເຄ່ືອງ ແລະ ຮັບຝາກລົດຕາມແຄມທາງຢ່າງຊະຊາຍບໍ່ເປັນລະບຽບລວມທັງບັນຫາ ໂຮງ ງານແປ້ງມັນຕົ້ນລາວ-ອິນໂດໄຊນາ ຕິດໜີ້ປະຊາຊົນ, ການດຳເນີນທຸລະກິດຂອງຕ່າງປະ ເທດຢູ່ລາວ ແລະ ບັນຫາອື່ນໆ ວ່າ: ການຄຸ້ມຄອງຕະຫລາດເຊົ້າ ແລະ ຕະຫລາດຂົວດິນ ມີການຂາຍເຄ່ືອງຢ່າງຊະຊາຍ ແລະ ການຮັ ບຝາກລົດຕາມແຄມທາງ ບໍ່ມີຄວາມເປັນລະບຽບຮຽບ ຮ້ອຍນັ້ນເປັນຄວາມຈິງ, ສະຖານທີ່ຕະຫລາດຕ້ອງມີຄົນຫລາຍຢູ່ແລ້ວ ແລະ ຍັງຢູ່ໃນເຂດ ແອອັດ ຈຶ່ງເກີດມີບັນຫາດັ່ງກ່າວ, ທ່ານ ບຸນມີ ມະນີວົງ ໄດ້ອະທິບາຍຕື່ມ ວ່າ: ກະຊວງອຸດສາຫະກຳ ແລະ ການຄ້າ ເຮັດ ພາລະບົດບາດຄຸ້ມຄອງມະຫາພາກຕາມລະບຽບ ກົດໝາຍ ແລະ ນິຕິກຳຕ່າງໆ, ສ່ວນການຄຸ້ມຄອງການຄ້າຂາຍຢູ່ໃນຕະ ຫລາດຕົວຈິງນັ້ນ ໄດ້ແບ່ງຂັ້ນຄຸ້ມຄອງໃຫ້ການຄ້ານະ ຄອນຫລວງ, ແຂວງ ແລະ ເມືອງເປັນຜູ້ກວດກາຄຸ້ມຄອງ ຈັດສັນຕົວຈິງ, ໃນນັ້ນຜູ້ທີ່ຮັບຜິດຊອບແທ້ໆແມ່ນຜູ້ຈັດສັນຕະຫລາດ ເຊິ່ງແຕ່ລະມື້ຕ້ອງໄດ້ລົງກວດກາຄວາມເປັນລະບຽບຂອງຕະ ຫລາດ ໂດຍສະເພາະພໍ່ຄ້າ,

ແມ່ຄ້າຂາຍເຄື່ອງຖືກຕ້ອງຕາມການ ຈັດສັນຂອງຕະຫລາດແລ້ວຫລື ບໍ່, ສຳລັບການຈອດລົດ ກໍໄດ້ມີລະບຽບ ກົດໝາຍອອກມາແລ້ວ ວ່າ ທາງຄູ່ ຫລື ທາງຄີກ, ເສັ້ນ ທາງໃດຈອດໄດ້, ຈອດບໍ່ໄດ້, ສະນັ້ນຈຶ່ງຂໍຮຽກຮ້ອງມາຍັງຜູ້ໃຊ້ລົດ, ໃຊ້ຖະໜົນ, ຊາວຄ້າຂາຍ ໃຫ້ຕື່ນຕົວປະຕິບັດຕາມລະບຽບ ກົດໝາຍຄຸ້ມຄອງຕະຫລາດທີ່ກຳ ນົດໄວ້.

ບັນຫາເລື່ອງໂຮງງານແປ້ງມັນຕົ້ນ ບໍລິສັດ ລາວ ອິນໂດໄຊນາ, ຂ້າພະເຈົ້າໄດ້ເຫັນດີຕໍ່ຄຳຊີ້ແຈງຂອງຜູ້ວ່າການທະນາຄານກາງ ຕໍ່ກອງປະຊຸມສະພາແຫ່ງຊາດ ທີ່ຈະສົມທົບກັບບໍລິສັດດັ່ງ ກ່າວ ເພື່ອຊອກຫາວິທີແກ້ໄຂ ແລະ ກະຊວງອຸດສາຫະກຳ ແລະ ການຄ້າ ກໍຈະພົວພັນກັບພາກ ສ່ວນທີ່ກ່ຽວຂ້ອງຕື່ມອີກ. ພັກ- ລັດ ຍາມໃດກໍມີຈຸດປະສົງເພື່ອແກ້ໄຂບັນຫາຄວາມທຸກຍາກ ຂອງປະຊາຊົນ ແຕ່ຍ້ອນບໍລິສັດ ດັ່ງກ່າວຂາດທຶນໝູນວຽນເນື່ອງຈາກຂະຫຍາຍສາຂາໃໝ່ເຮັດໃຫ້ທຶນທີ່ຈະນຳມາດຳເນີນທຸລະກິດບໍ່ພຽງພໍທີ່ຈະຊື້ວັດຖຸດິບນຳ ປະຊາຊົນກໍເລີຍເກີດມີບັນຫານີ້ຂຶ້ນ.

ລັດຖະມົນຕີຊ່ວຍວ່າ ການກະຊວງອຸດສາຫະກຳ ແລະ ການຄ້າ ຍັງອະທິບາຍຕື່ມອີກວ່າ: ຕໍ່ບັນຫາຄົນຕ່າງປະເທດທີ່ຈະມາດຳເນີນທຸລະກິດຢູ່ລາວ ຕ້ອງມີທຶນຈົດທະບຽນ 100.000 ໂດລາສະຫະລັດຂຶ້ນໄປ, ຖ້າບໍ່ມີທຶນກໍບໍ່ສາມາດຈົດທະບຽນໄດ້. ການແກ້ໄຂບັນຫານີ້ ແມ່ນມີຄະນະຮັບຜິດຊອບຢູ່ຂັ້ນແຂວງ ແລະ ຂັ້ນເມືອງແລ້ວ, ແຕ່ລະແຂວງແຕ່ລະເມືອງກໍໄດ້ກວດ ກາ ຈັດສັນເພື່ອຫັນເອົາຄົນຕ່າງປະເທດທີ່ມາທຳມາຫາກິນຢູ່ລາວເຂົ້າສູ່ລະບຽບກົດໝາຍ. ຕໍ່ບັນຫາດັ່ງກ່າວ, ຂະແໜງອຸດສາ ຫະ ກຳ ແລະ ການຄ້າ ຕ້ອງໄດ້ປະຕິບັດຮ່ວມກັບຄະນະກຳມະ ການດັ່ງກ່າວຢູ່ຂັ້ນສູນກາງ ກໍຄື ຂັ້ນທ້ອງຖິ່ນ ເຊິ່ງເຈົ້າໜ້າທີ່ ກວດ ກາການຄ້າ (ກົມການຄ້າພາຍໃນ) ກໍຢູ່ໃນຄະນະດັ່ງກ່າວ, ສ່ວນເຈົ້າໜ້າທີ່ທະບຽນວິສາຫະ ກິດແມ່ນກວດກາວ່າວິສາຫະກິດດັ່ງກ່າວ ມີໃບທະບຽນວິສາຫະ ກິດແທ້ບໍ່ ຈາກນັ້ນ ຈຶ່ງປະຕິບັດຕາມບົດບັນຍັດຂອງກົດໝາຍວ່າດ້ວຍວິສາຫະກິດນຳໃຊ້ເປັນເຄື່ອງມືໃນການກວດກາເພື່ອໃຫ້ຖືກຕ້ອງຕາມກົດໝາຍ.

ບັນຫາກ່ຽວກັບກຸ່ມບໍລິສັດຊີມັງຫລວງພະບາງ ສະເໜີລັດ ຖະບານກ່ຽວກັບການສັ່ງໂຈະ ການຂຸດຄົ້ນບໍ່ຖ່ານຫີນ ຂອງບໍລິ ສັດ 667 ຂອງຫວຽດນາມຢູ່ແຂວງຫົວພັນ ພາໃຫ້ໂຮງງານຊີມັງຢູ່ຫລວງພະບາງບໍ່ມີຖ່ານຫີນຈະມາປ້ອນໂຮງງານນັ້ນ, ກະຊວງອຸສາຫະກຳ ແລະ ການຄ້າ ຈະໄດ້ປະສານສົມທົບກັບກະຊວງພະລັງງານ ແລະ ບໍ່ແຮ່ ເພ່ືອພ້ອມກັນແກ້ໄຂບັນຫາດັ່ງ ກ່າວ ສ່ວນວ່າການສັ່ງໂຈະການຂຸດຄົ້ນບໍ່ຖ່ານຫີນຢູ່ແຂວງຫົວພັນນັ້ນ, ລັດຖະບານເປັນຜູ້ສັ່ງໂຈະ ແລະ ລັດຖະມົນຕີກະ ຊວງພະລັງງານ ແລະ ບໍ່ແຮ່ກໍໄດ້ຊີ້ແຈງຕໍ່ກອງປະຊຸມສະພາແຫ່ງຊາດແລ້ວ.

ກ່ຽວກັບບັນຫາທີ່ປະຊາຊົນ ແຂວງວຽງຈັນສະເໜີວ່າ ເປັນຫຍັງກະຊວງອຸດສາຫະກຳ ແລະ ການຄ້າ ມີອະພິສິດຜູ້ດຽວຕົກ ລົງໃຫ້ບໍລິສັດໄປຂຸດຄົ້ນໄມ້ຢູ່ປ່າສະຫງວນແຫ່ງຊາດນັ້ນ ແມ່ນບໍ່ເປັນຄວາມຈິງ ເພາະພາລະບົດ ບາດຂອງກະຊວງອຸດສາຫະ ກຳ ແລະ ການຄ້າ ບໍ່ມີສິດອະນຸຍາດໃຫ້ບຸກຄົນ, ນິຕິບຸກຄົນ ຫລື ບໍລິສັດ ໄປຂຸດຄົ້ນໄມ້ ບໍ່ວ່າຈະເປັນປ່າສະຫງວນ ຫລື ບໍ່ແມ່ນປ່າສະຫງວນກໍຕາມ.