ນະຄອນຫລວງວຽງຈັນຝົນຕົກຫນັກສົ່ງຜົນໃຫ້ເສັ້ນທາງຫລາຍສາຍ ແລະ ເຮືອນຊານປະຊາຊົນ ຫລາຍຫລັງຖືກນໍ້າຖ້ວມຫນັກ

      ເລີ່ມແຕ່ເດິກຂອງຄືນວານນີ້ ຢູ່ນະຄອນຫລວງວຽງຈັນໄດ້ເກີດມີຝົນຕົກຫນັກ ຕິດຕໍ່ກັນຫຼາຍຊົ່ວໂມງຈົນແກ່ຍາວ ມາຮອດທ່ຽງຂອງວັນທີ 2 ກັນຍາ, ຝົນຈຶ່ງຄ່ອຍ ເບົາບາງລົງ, ສົ່ງຜົນໃຫ້ຖະຫນົນຫົນທາງຫລາຍສາຍ, ເຮືອນຊານຂອງປະຊາຊົນ ຫລາຍຫລັງຖືກນຳຖ້ວມຂັງ, ບາງບ່ອນນຳຖ້ວສູງນັບເປັນແມັດ ແລະ ຮ້າຍແຮງ ທີ່ສຸດແມ່ນເຂດທີ່ເປັນພື້ນທີ່ຕໍ່າ, ເຮັດໃຫ້ການ ສັນຈອນໃນຕົວເມືອງຫລວງກາຍ ເປັນອຳມະພາດ, ໂດຍສະເພາະແມ່ນໄລຍະເວລາເລັ່ງດ່ວນລະຫ່ວາງ 7-8 ໂມງເຊົ້າ ຂອງວັນ ນັ້ນສົ່ງຜົນໃຫ້ລົດຕິດຢ່າງແອອັດ ນັບຫລາຍຊົ່ວໂມງຢູ່ຕາມສາຍ ທາງຕ່າງໆຄື: ເສັ້ນທາງໂພນຕ້ອງຕັດອອກມາໃສ່ບ້ານ ຈອມ ມະນີ, ເສັ້ນທາງເຂດທົ່ງສາງ ນາງ, ທາງສີບຸນເຮືອງຕັດອອກ ໃສ່ຮ່ອງໄກ່ແກ້ວເຂດພັດຕະຄານຊ້າງເຜືອກ, ເຂດຮ່ອງຄ້າ ຕະຫລາດແລງຫນອງດ້ວງ ແລະ ເສັ້ນທາງສາຍຫລັກ ອື່ນໆກໍຕົກຢູ່ ໃນສະພາບແອອັດຈົນຈະບໍ່ມີທາງແກ້, ເຖິງວ່າມີກຳລັງເຈົ້າ ຫນ້າທີ່ໄວ້ຄອຍບໍລິການລະບາຍ ແລະ ຄວບຄຸມການຈະລາຈອນຢ່າງເອົາການເອົາງານແຕ່ກໍບໍ່ສາມາດແກ້ໄຂສະພາບແອອັດ

ຈາກການເພີ່ມຂຶ້ນຢ່າງໄວວາ ຂອງຍອດຍານພາຫະນະ, ແຕ່ການຮອງຮັບຂອງຖະຫນົນຫົນທາງໃນຕົວເມືອງຫລວງພັດຍັງ ຖືກຈຳກັດຄືເກົ່າ ແລະ ຮ້າຍແຮງໄປກວ່ານັ້ນເສັ້ນທາງຫລາຍສາຍກໍຖືກເປ່ເພຊຸດໂຊມລົງຫນັກນັບທັງເສັ້ນທາງບາງສາຍຫາກໍ່ ສ້າງໃຫມ່ສຳເລັດລົງບໍ່ຮອດປີກໍເປ່ເພເປັນບວກເປັນຂຸມເບິ່ງຢ່າງບໍ່ມີ ຄຸນນະພາບ, ບາງບ່ອນຈົນເກືອບຈະໃຊ້ການບໍໄດ້ແລ້ວ. ມີ ເພື່ອນຫລາຍຄົນທີ່ອາໃສຢູ່ບໍລິເວນເສັ້ນທາງດົງໂດກ - ຫນອງພະຍາ ຕັດອອກມາໃສ່ເສັ້ນທາງ 13 ເຫນືອເລົ່າສູ່ຟັງວ່າ: ຢູ່ເສັ້ນ ທາງສາຍນີ້,ບາງມື້ມີສະພາບລົດຕິດຢ່າງແອອັດນັບຫລາຍຊົ່ວໂມງກ່ອນຈະພາຕົວອອກຈາກເສັ້ນທາງດັ່ງກ່າວ ໄດ້ກໍຕ້ອງໃຊ້ ເວລາເປັນ 2-3 ຊົ່ວໂມງ ຊຶ່ງສາເຫດຫລັກກໍມາຈາກສະພາບເປ່ເພຮ້າຍແຮງຂອງເສັ້ນທາງ, ຕ່າງຄົນຕ່າງຫລີກ ບວກຫລີກຂຸມ ແລ້ວລົດກໍໄປຄາກັນຢູ່ຢ່າງບໍ່ມີ ທາງອອກ ແລະ ຕໍ່ກັບບັນຫານີ້ບໍຮູ້ວ່າຂະແຫນງການຮັບຜິດຊອບໄດ້ກວດ ກາເຫັນແລ້ວບໍ ? ແລະ ຖ້າຮູ້ເຫັນແລ້ວຈະມີວິທີການແກ້ໄຂແນວໃດ?ເພື່ອນະຄອນຫລວງວຽງຈັນເຮົາໄດ້ຮັບການພັດ ທະນາໃຫ້ຮຸ່ງເຮືອງສີວິໄລ, ດັ່ງຄວາມມຸ່ງມາດປາຖະຫນາຂອງປະຊາຊົນລາວບັນດາເຜົ່າ.