ລາວ-ຈີນລົງນາມສັນຍາຕ້ານການຄ້າມະນຸດ

     ໃນວັນທີ 1 ກັນຍານີ້, ຢູ່ນະຄອນຫລວງປັກກິ່ງ ສປ ຈີນ, ໄດ້ມີພິທີລົງນາມສັນຍາວ່າດ້ວຍການຕ້ານການຄ້າມະນຸດລະ ຫວ່າງ ສປປ ລາວ ແລະ ສປຈີນ, ໂດຍຕາງໜ້າລັດຖະບານລາວ ລົງນາມແມ່ນ ພົນຈັດຕະວາ ສົມ ແກ້ວ ສີລາວົງ ຮັກສາການ ລັດຖະມົນຕີວ່າການກະຊວງປ້ອງກັນຄວາມສະຫງົບ ແລະ ຝ່າຍ ສປ ຈີນ ແມ່ນທ່ານ ກົ່ວ ເຊິງ ຄຸນ ທີ່ປຶກສາແຫ່ງລັດ, ລັດ ຖະມົນຕີວ່າການກະຊວງສັນຕິບານ ສປ ຈີນ ແລະ ໃນໂອກາດດັ່ງກ່າວ, ສອງຝ່າຍໄດ້ມີກອງປະຊຸມສະຫລຸບ ຄືນຜົນການຈັດ ຕັ້ງປະຕິບັດວຽກງານປ້ອງກັນຄວາມສະຫງົບເປັນລະບຽບຮຽບຮ້ອຍສອງປະເທດເວົ້າລວມ, ເວົ້າສະ ເພາະແມ່ນວຽກງານການ ສະກັດກັ້ນ ແລະ ຕ້ານການຄ້າມະນຸດໃນໄລຍະຜ່ານມາ, ພ້ອມທັງກຳນົດທິດທາງການເພີ່ມທະວີການຮ່ວມມືກັນຕໍ່ໜ້າເພື່ອ ພ້ອມກັນສະກັດກັ້ນບັນຫາການຄ້າຂາຍມະນຸດລະຫວ່າງສອງປະເທດລາວ ແລະ ຈີນ ຫລຸດໜ້ອຍລົງເທື່ອລະກ້າວ. ນອກ ຈາກນີ້, ຄະນະຜູ້ ແທນລາວ, ໄດ້ໄປຢ້ຽມຂ່ຳນັບ ທ່ານ ເມີງ ຈ້ຽນ ຈູ້ ກຳມະການກົມການເມືອງສູນກາງພັກ, ປະທານຄະນະ ກຳມະການການເມືອງ ແລະ ກົດໝາຍ ສປ ຈີນ, ຢ້ຽມຊົມດ່ານກວດກາຄົນເຂົ້າ- ອອກເມືອງໜ່ວຍຕີພິເສດເພື່ອ ແລກປ່ຽນ ຖອດຖອນບົດຮຽນໃນການປະຕິບັດໜ້າທີ່ວິຊາສະເພາະຂອງກຳລັງສັນຕິບານ ສປ ຈີນ, ຢ້ຽມຊົມບໍລິສັດ ຮົວເວີຍ ເຊິ່ງ ເປັນ ບໍລິສັດໂທລະຄົມມານາຄົມທີ່ໃຫຍ່ຂອງຈີນ ແລະ ສະຖານທີ່ສຳຄັນອື່ນໆ.