ເມົາຢາບ້າໃຊ້ພ້າຟັນເມຍບາດເຈັບສາຫັດ

    ເຈົ້າໜ້າທີ່ ປກສ ເມືອງວຽງທອງ ແຂວງບໍລິຄຳໄຊ ໃຫ້ຮູ້ວ່າ: ໃນວັນທີ 29 ສິງ ຫາຜ່ານມາ, ໄດ້ ຈັບຕົວທ້າວ ເຄນປ້ອມ ອາຍຸ 37 ປີຢູ່ບ້ານນ້ຳກ້າງ ເມືອງວຽງ ທອງ ແຂວງບໍລິຄຳໄຊ ພາຍ ຫລັງກໍ່ເຫດໃຊ້ພ້າຟັນບໍລິເວນຄໍ ນາງ ເຄນສີ ອາຍຸ 30 ເຊິ່ງ ເປັນເມຍຂອງຜູ້ກ່ຽວຈົນໄດ້ຮັບບາດສາຫັດ, ໂດຍຜູ້ກ່ຽວຮັບສາລະພາບຕໍ່ເຈົ້າໜ້າທີ່ ວ່າ: ຕົນເອງ ໄດ້ເສບຢາບ້າມາແລ້ວ ເກີດມີປາກສຽງຜິດຖຽງກັນກັບເມຍຮຸນແຮງ ຍ້ອນບໍ່ຍອມບອກໃຫ້ຕົນ ຮູ້ກ່ຽວກັບລາຍຮັບຈາກການ ເຮັດທຸລະກິດຮ່ວມກັບ ພໍ່ເຖົ້າ (ພໍ່ ເມຍ) ຈິ່ງເກີດອາລົມໂມໂຫແລ້ວ ຈັບເອົາມາຢູ່ເຮືອນຄົວມາຟັນ ເຂົ້າບໍລິ ເວນຄໍເມຍຈົນມີບາດແຜຍາວເລີກ ແລະ ຈະປາດຄໍຕົນ ເອງຕາຍຕາມ, ແຕ່ເຫັນເລືອດໄຫລອອກຫລາຍຈາກຄໍເມຍຕົນຈຶ່ງ ສະຫລົບ. ສ່ວນເມຍແມ່ນຍາດພີ່ນ້ອງນຳ ຕົວສົ່ງໂຮງໝໍໄດ້ທັນ ແລະ ພົ້ນຂີດອັນຕະລາຍແລ້ວ.

     ຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ປກສ ເມືອງແປກ ແຂວງຊຽງຂວາງ ໄດ້ສຶກສາອົບຮົມຜູ້ມົ້ວສຸມຢາເສບຕິດຈຳນວນ 41 ຄົນ, ໃນນັ້ນມີຍິງ 14 ຄົນ, ກ່ອນ ມອບຄືນໃຫ້ຜູ້ປົກຄອງນຳໄປສຶກສາອົບຮົມຕໍ່, ເຊິ່ງທັງໝົດຖືກ ເຈົ້າໜ້າທີ່ຈັບຕົວໄດ້ໃນ ຂະນະລົງແກ້ໄຂສະພາບມົ້ວສຸມຢາເສບຕິດຢູ່ບ້ານສີໂພນໄຊ ແລະ ບ້ານໂພນ ສະຫວັນເໜືອ ເມືອງແປກ ແຂວງຊຽງຂວາງ ໂດຍເຈົ້າໜ້າທີ່ໄດ້ຍົກໃຫ້ເຫັນຜົນຮ້າຍຂອງ ຢາເສບຕິດທີ່ຜະລິດຂຶ້ນມາຈາກສານເຄມີອັນຕະລາຍ, ຜູ້ໃດຈຳໜ່າຍ ແລະ ມີໄວ້  ຄອບຄອງແມ່ນຜິດກົດໝາຍ, ຫາກຜູ້ໃດເສບ ຫລື ສັກເຂົ້າຮ່າງກາຍກໍຈະເຮັດໃຫ້ຈ່າຍຜອມ, ກະທົບຕໍ່ປະສາດຢ່າງຮຸນແຮງ ແລະ ຜູ້ທີ່ເສບຈະມີຄວາມຕ້ອງການສູງຂຶ້ນເລື້ອຍໆຈົນເປັນບ້າເສຍຈິດ ແລະ ຮ້າຍແຮງກວ່ານັ້ນແມ່ນເປັນໜໍ່ແໜງສ້າງຄວາມ ບໍ່ສະຫງົບ ແລະ ບໍ່ເປັນລະບຽບຮຽບຮ້ອຍໃຫ້ສັງຄົມ.