ທ່ານຫົວກົມສ່ວຍສາອາ ກອນ, ກະຊວງການເງິນ ສິດທິ
ສອນ ເທບພາສີ ໃຫ້ຮູ້ເມື່ອບໍ່ດົນ ນີ້ວ່າ: ສຳລັບຄາດໝາຍສູ້ຊົນ ເກັບລາຍຮັບໃນຂະແໜງສ່ວຍ ສາອາກອນສົກປີ
2014 - 2015 ແມ່ນຈະໃຫ້ໄດ້ 10.400 ຕື້ກີບ, ເພີ່ມຂຶ້ນຈາກໃນສົກປີ 2013- 2014 ປະມານ
35% ແລະ ກວມ ປະມານ 50% ຂອງລາຍຮັບພາຍ ໃນ, ຊຶ່ງນັບວ່າເປັນສິ່ງທ້າທາຍ ພໍສົມຄວນ, ຂະນະທີ່ສົກປີ
2013-2014 ຜ່ານມາຂະແໜງ ສ່ວຍສາອາກອນກໍເກັບລາຍຮັບບໍ່ບັນລຸແຜນການຄືໄດ້ພຽງ 83% ຂອງແຜນ ການປີເທົ່ານັ້ນ.
ທ່ານຫົວໜ້າກົມສ່ວຍສາອາກອນ ກ່າວວ່າ: ຈຳນວນຕົວ
ເລກທີ່ກ່າວມານັ້ນ, ພາກສ່ວນກົມຮັບຜິດຊອບຄຸ້ມຄອງແມ່ນ ມີອາກອນລາຍຮັບປົກກະຕິ, ຈາກໂຄງການບໍ່ຄຳ
ແລະ ລາຍຮັບວິ ຊາການປະມານ 6.600 ຕື້ກີບ, ສ່ວນບັນດາແຂວງເປັນ ຜູ້ຄຸ້ມຄອງປະກອບມີອາກອນປົກກະຕິ
ແລະ ລາຍຮັບຈາກທີ່ດິນປະມານ 3.800 ຕື້ກີບ. ສະນັ້ນເພື່ອເຮັດໃຫ້ການຈັດເກັບ ລາຍຮັບຂອງຂະແໜງສ່ວຍສາອາກອນບັນລຸຕາມແຜນການວາງໄວ້,
ຈຶ່ງມີມາດຕະ ການຈັດຕັ້ງປະຕິບັດຄື ຕ້ອງເພີ່ມທະວີການ ສຶກສາອົບຮົມການເມືອງ-ແນວຄິດໃຫ້ແກ່ພະ
ນັກງານເພື່ອຍົກສູງຄຸນທາດ ການເມືອງ, ມີທັດສະນະຫລັກໝັ້ນຮັບພິຊອບຕໍ່ ໜ້າທີ່ຂອງຕົນທີ່ຖືກມອບໝາຍ,
ໂດຍຈະຖືເອົາວຽກງານການຂຸດຄົ້ນລາຍຮັບເປັນມາດຖານໜຶ່ງໃນການຕີລາຄາພະນັກງານ
ຂັ້ນນຳໃນຂະ ແໜງສ່ວຍສາອາກອນແຕ່ລະຂັ້ນ,
ສືບຕໍ່ປັບປຸງການຈັດຕັ້ງໃຫ້ ເຂັ້ມແຂງ, ປັບປຸງກົດໝາຍເພື່ອຮັບໃຊ້ວຽກງານ ສ່ວຍສາອາກອນໂດຍສະເພາະປັບປຸງອາ
ກອນຊົມໃຊ້ບາງປະເພດສີນຄ້າ, ປັບປຸງກົນໄກວິທີການຄຸ້ມຄອງໃຫ້ກະທັດຮັດ ແລະ ເອກກະສານ, ນິຕິກຳຕ້ອງອອກຈາກກົມສ່ວຍສາອາກອນເທົ່ານັ້ນ,
ເພີ່ມທະວີການໂຄສະນາເຜີຍແຜ່ລະບຽບກົດໝາຍ ໃຫ້ທົ່ວ ເຖິງ, ຄຸ້ມຄອງການເກັບລາຍຮັບນຳ ຫົວໜ່ວຍທຸລະກິດໃຫ້ຄົບຖ້ວນທັນເວລາ,
ເອົາໃຈໃສ່ຂຸດຄົ້ນ ລາຍຮັບທີ່ຍັງບົ່ມຊ້ອນໃຫ້ ຄົບຖ້ວນ,ເພີ່ມທະວີການຈັດຕັ້ງປະຕິບັດອາກອນມູນຄ່າເພີ່ມ,
ພ້ອມທັງເລັ່ງທວງໜີ້ຄ້າງຈ່າຍໃນປີ ຜ່ານມາ, ຄັດເລືອກເປົ້າ ໝາຍຫົວໜ່ວຍທີ່ມີລາຍຮັບຫລາຍ,
ມີຄວາມສ່ຽງ ຫລື ມີປະຫວັດການ ຫລົບຫລີກເຊື່ອງອຳອາກອນ ເພື່ອເລັ່ງທວງເກັບລາຍ ຮັບໃຫ້ຄົບຖ້ວນ
ແລະ ຖ້າຫົວໜ່ວຍໃດ ລະເມີດຕ້ອງປະຕິບັດມາດຕະ ການຕ່າງໆຕາມລະບຽບກົດ ໝາຍ, ຄຽງຄູ່ກັນນັ້ນ,
ກໍເລັ່ງພັດ ທະນາລະບົບໄອທີເພື່ອນຳໃຊ້ ເຂົ້າໃນການຄຸ້ມຄອງການເກັບ ອາກອນໃຫ້ມີຄວາມທັນສະໄໝ
ແລະ ວ່ອງໄວ.
ທ່ານຫົວໜ້າກົມສ່ວຍສາ ອາກອນ ກ່າວວ່າ: ການເກັບ
ລາຍຮັບສ່ວຍສາອາກອນຂອງ ສົກປີ 2013-2014 ຜ່ານມານັ້ນ, ເບື້ອງຕົ້ນສະພາແຫ່ງຊາດໄດ້ຮັບຮອງຕົວເລກແມ່ນ
9.778 ຕື້ກວ່າ ກີບ ແລະ ໄດ້ດັດແກ້ມາເປັນ 9.179 ຕື້ກວ່າກີບ, ກວມ ປະມານ 48 % ຂອງລາຍຮັບພາຍໃນ,
ແຕ່ ຜ່ານການຈັດຕັ້ງປະຕິບັດເກັບ ລາຍຮັບຕົວຈິງໄດ້ພຽງ 7.630 ຕື້ ກວ່າກີບ, ເທົ່າ ກັບ
83 % ຂອງ ແຜນດັດແກ້, ໃນນັ້ນກົມສ່ວຍ ສາອາກອນເກັບໄດ້ 4.555 ຕື້ ກວ່າກີບ, ບັນດາແຂວງເກັບໄດ້
3.075 ຕື້ກວ່າກີບ ແລະ ແຂວງທີ່ເກັບໄດ້ 100% ຂຶ້ນໄປມີ: ຜົ້ງ ສາລີ, ຫລວງນ້ຳທາ, ອຸດົມໄຊ,
ບໍ່ ແກ້ວ, ຫົວພັນ, ຊຽງຂວາງ, ແຂວງວຽງຈັນ, ສາລະວັນ, ເຊກອງ ແລະ ອັດຕະປື.
No comments:
Post a Comment