ລັດຖະບານລາວ, ອົງການ ສະຫະປະຊາຊາດເພື່ອການພັດ
ທະນາ (ສປຊ) ແລະ ບັນດາຄູ່ ຮ່ວມພັດທະນາ, ໄດ້ຮ່ວມ ກັນຈັດ ກອງປະຊຸມໂຕະມົນປະຈຳປີ 2014 ເພື່ອປຶກສາຫາລືເພື່ອຊອກ
ຊ່ອງທາງຊ່ວຍໃຫ້ ສປປ ລາວ ສາມາດບັນລຸເປົ້າ ໝາຍການພັດທະນາທີ່ວາງໄວ້, ໂດຍສະເພາະການບັນລຸແຜນພັດທະນາເສດຖະ ກິດ-ສັງຄົມ
5 ປີຄັ້ງທີ VII ແລະ ເປົ້າໝາຍສະຫັດສະວັດດ້ານການພັດທະນາເພື່ອ ນຳພາປະເທດຫລຸດພົ້ນອອກຈາກສະຖານະພາບດ້ວຍພັດທະນາໃນປີ
2020.
ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ກ່າວວ່າ: ສປປ ລາວ, ມີສະຖຽນລະພາບທາງດ້ານ ການເມືອງໜັກແໜ້ນ,
ສັງຄົມມີ ຄວາມສະຫງົບເປັນລະບຽບ ຮຽບຮ້ອຍ, ອັນເປັນເງື່ອນໄຂ ສຳ ຄັນໃຫ້ແກ່ການພັດທະນາ ເສດຖະກິດ-ສັງຄົມໃນຫລາຍສົກປີຜ່ານມາໄດ້ຮັບຜົນສຳເລັດເປັນຢ່າງດີ,
ໂດຍສະເພາະເສດຖະ ກິດມີການເຕີບໂຕຢ່າງຕໍ່ເນື່ອງ ແລະ ໝັ້ນທ່ຽງ, ລວມຍອດຜະລິດຕະພັນພາຍໃນຂະຫຍາຍຕົວສະເລ່ຍ
7,6%, ລາຍໄດ້ຕໍ່ຫົວ
ຄົນເພີ່ມຂຶ້ນຈາກ 1.534 ໂດລາສະຫະລັດໃນສົກປີ 2012-2013 ມາເປັນ
1.692 ໂດລາສະຫະລັດໃນ ສົກປີ 2013-2014, ເຊິ່ງຜົນສຳ ເລັດດັ່ງກ່າວກໍຍ້ອນມີການປະກອບສ່ວນຢ່າງຕັ້ງໜ້າຈາກທຸກພາກສ່ວນ,
ລວມທັງພາກເອກກະຊົນ, ບັນດາປະ ເທດເພື່ອນມິດ, ອົງການຈັດຕັ້ງສາກົນ ແລະ ບັນດາປະເທດຄູ່ຮ່ວມພັດທະນາທີ່ໄດ້ໃຫ້ການຊ່ວຍເຫລືອດ້ານທຶນ
ຮອນກໍຄືດ້າ ເຕັກນິກວິຊາການຢ່າງຕໍ່ເນື່ອງຕະຫລອດມາ, ແຕ່ ຄຽງຄູ່ກັບຜົນສຳເລັດດັ່ງກ່າວກໍ
ເຫັນວ່າ: ປະເທດລາວຍັງພົບຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆ ເປັນຕົ້ນ: ຜົນກະທົບຈາກໄພພິບັດທາງທຳມະຊາດ,
ການບໍລິຫານຄຸ້ມຄອງໂດຍສະເພາະແມ່ນການປະຕິບັດວິໄນແຜນ ການ ແລະ ການເງິນ, ລວມເຖິງ
ບັນຫາການເກັບລາຍຮັບເຂົ້າງົບປະມານ, ເຊິ່ງເຫັນວ່າມີຄວາມ ຫຍຸ້ງ ຍາກ. ສະນັ້ນ, ເພື່ອຮັບມື
ກັບສິ່ງທ້າທາຍດັ່ງກ່າວການສົນ ທະນາປືກສາຫາລືແລກປ່ຽນ ຄວາມຄິດເຫັນຮ່ວມກັນຢ່າງສ້າງສັນ,
ກົງໄປກົງມາ ແລະ ມີຄວາມຮັບຜິດຊອບສູງ, ພ້ອມທັງຢືນຢັນຄວາມໝັ້ນໝາຍຮ່ວມກັນ ເພື່ອເຮັດໃຫ້ເສດຖະກິດແຫ່ງຊາດມີຄວາມເຂັ້ມແຂງ
ແລະ ໝັ້ນທ່ຽງຍິ່ງຂຶ້ນ, ພ້ອມກັນສືບຕໍ່ອອກແຮງຂຸດຄົ້ນຊອກຫາທ່າແຮງບົ່ມຊ້ອນພາຍໃນຢ່າງເອົາໃຈໃສ່ເປັນຕົ້ນແມ່ນການເພີ່ມແຫລ່ງລາຍຮັບ,
ການສ້າງຂີດຄວາມສາມາດທາງດ້ານວິຊາການຫລາຍຂຶ້ນເພື່ອຕອບສະໜອງຄວາມຮຽກ ຮ້ອງຕ້ອງການພັດທະນາໃນໄລຍະໃໝ່
ແລະ ສາມາດເຊື່ອມໂຍງດ້ານເສດຖະກິດເຂົ້າກັບພາກພຶ້ນ ແລະ ສາກົນ, ແນໃສ່ບັນລຸເປົ້າໝາຍສະຫັດສະ
ວັດດ້ານການພັດທະນາໃນປີ 2015 ແລະ ການຫລຸດພ້ົນອອກຈາກດ້ອຍຄວາມພັດທະນາໃນປີ
2020. ຢ່າງໃດກໍດີ, ໃນສົກປີ 2014-2015 ລັດຖະບານຈະສຸມໃສ່ແກ້ໄຂຄວາມທຸກຍາກຂອງ ປະຊາຊົນໂດຍສູ້ຊົນເຮັດໃຫ້ຄອບຄົວ
ທຸກຍາກຫລຸດລົງຕ່ຳກວ່າ 10%, ຊຸກຍູ້ສົ່ງເສີມພາກທຸລະກິດໃຫ້ກຽມຄວາມພ້ອມໃນການເຂົ້າເປັນປະຊາຄົມ
ເສດຖະກິດອາ ຊຽນ, ສິ່ງສຳຄັນຈະໄດ້ສຸມໃສ່ ວຽກງານເກັບກູ້ລະເບີດບໍ່ແຕກ,ຊ່ວຍເຫລືອຜູ້ໄດ້ຮັບບາດເຈັບ
ແລະ ເລັ່ງເກັບກູ້ເນື້ອທີ່ເພື່ອການ ພັດທະນາ ແລະ ເນື້ອທີ່ການຜະລິດໃຫ້ໄດ້ຫລາຍກວ່າເກົ່າ.
ທ່ານນາງ ຄາຣິນາ ອີມໂມເນັນ ຜູ້ປະສານງານອົງການ
(ສປຊ) ກ່າວວ່າ: ການມີສ່ວນຮ່ວມຢ່າງຕັ້ງໜ້າຂອງລັດຖະ ບານ ແລະ ຄູ່ຮ່ວມພັດທະນາ
ລວມທັງອຳນາດການປົກຄອງທ້ອງຖິ່ນ, ພາກເອກະຊົນ ແລະ ອົງ ການຈັດຕັ້ງທາງສັງຄົມໃນຂະບວນ
ການໂຕະມົນນີ້, ແມ່ນສະແດງໃຫ້ເຫັນຄວາມເອົາໃຈໃສ່ຮ່ວມມືກັນຢ່າງຕັ້ງໜ້າຕໍ່ກັບການພັດທະນາຂອງລາວ.
ສຳລັບ (ສປຊ) ຍັງຢືນຢັນຈະສືບຕໍ່ສະ ໜັບສະໜູນຄວາມພະຍາຍາມຂອງລັດຖະບານລາວເພື່ອເລັ່ງ
ລັດໃຫ້ບັນລຸເປົ້າໝາຍສະຫັດສະ ວັດດ້ານການພັດທະນາທີ່ຍັງປະ ຕິບັດບໍ່ທັນໄດ້ຕາມຄາດໝາຍ
ແລະ ການກະກຽມຂອບການພັດ ທະນາພາຍຫລັງປີ 2015 ລວມ ທັງການນຳພາປະເທດຫລຸດພົ້ນຈາກສະຖານະພາບປະເທດດ້ອຍພັດທະນາ.
ກອງປະຊຸມໂຕະມົນປະຈຳປີ 2014 ຈັດຂຶ້ນໃນວັນທີ
14 ພະ ຈິກນີ້, ຢູ່ນະຄອນຫລວງວຽງ ຈັນ, ໂດຍມີຫົວຂໍ້ວ່າ: ຕັ້ງໜ້າ ບັນລຸເປົ້າໝາຍການພັດທະນາເສດ
ຖະກິດ-ສັງຄົມແຫ່ງຊາດ 5 ປີຄັ້ງ ທີ VII, ເປົ້າໝາຍສະຫັດສະ ວັດດ້ານການພັດທະນາ ແລະ ນຳພາປະເທດຊາດຫລຸດພົ້ນ
ອອກຈາກສະຖານະພາບດ້ອຍ ພັດທະນາໃນປີ 2020.
No comments:
Post a Comment