ວັນທີ 14 ພະຈິກນີ້, ກົມຕຳຫຼວດຄຸ້ມຄອງຄົນຕ່າງປະເທດ
(ເຂດ 207 ກະຊວງປ້ອງກັນຄວາມສະຫງົບ), ນະຄອນ ຫຼວງວຽງຈັນ, ໄດ້ເຮັດພິທີຈູດທຳລາຍຕູ້ເກມຜິດກົດໝາຍເປັນຈຳນວນ
ຫຼາຍ. ໂດຍການເຂົ້າຮ່ວມຂອງ ກອງບັນຊາການ ປກສ ນະຄອນ ຫຼວງ, ກົມກົງສູນກະຊວງການຕ່າງປະເທດ,
ກົມພາຍໃນ ແລະ ກົມ 206, 208.
ທ່ານ ພັນ ເອກ ສີສະໄຫວ ກ້ອນພົມມາ ຮອງຫົວໜ້າກົມໃຫຍ່ສັນຕິບານໄດ້ມີຄຳເຫັນວ່າ:
ທັງນີ້ກໍເພື່ອຄວາມເປັນລະບຽບຮຽບຮ້ອຍຂອງສັງຄົມສະກັດກັ້ນ ການລ່ວງລະເມີດລະບຽບກົດ
ໝາຍຄື ໃນໄລຍະ 4 ເດືອນຜ່ານມານີ້ເຈົ້າໜ້າທີ່ຂອງຕົນ ສາມາດກວດຢຶດຕູ້ເກມ ຫຼື
ເຄື່ອງຫຼິ້ນເກມ ທີ່ນຳເຂົ້າ ແລະ ເປີດບໍລິການຢ່າງ
ຜິດລະບຽບກົດໝາຍໄດ້ໃນນັ້ນມີ 53 ໜ່ວຍ,
ຕູ້ຂະໜາດໃຫຍ່ 10 ໜ່ວຍ, ກາງ 2 ໜ່ວຍ ແລະ ຕູ້ຂະໜາດນ້ອຍ 41 ໜ່ວຍ. ເຄື່ອງຫຼິ້ນດັ່ງກ່າວສ່ວນໃຫຍ່ແມ່ນນຳເຂົ້າມາຈາກຕ່າງປະເທດຄື
ຈີນ ແລະ ຫວຽດນາມ ເພື່ອມາເປີດຮ້ານບໍລິການຢູ່ຕາມບ້ານເຮືອນຕ່າງໆຂອງຄົນລາວໂດຍບໍ່ໄດ້ຮັບອານຸຍາດ. ຜູ້ທີ່ເຂົ້າໄປຫຼີ້ນເກມສ່ວນໃຫຍ່ແມ່ນຊາວ
ໜຸ່ມເຍົາວະຊົນ, ນັກຮຽນ ແລະ ຮ້າຍແຮງໄປກ່ວານັ້ນມີສ່ວນ ໜຶ່ງທີ່ຕິດການຫຼິ້ນເກມບໍ່ໄປເຮັດວຽກ,
ເຮັດງານ, ຂາດຮຽນມີຂຶ້ນ ຫຼາຍ ແລະ ປະລະການຮຽນ ເຮັດໃຫ້ມີຜົນກະທົບຕໍ່ຄອບຄົວ, ຄວາມເປັນລະບຽບຮຽບຮ້ອຍ ຂອງສັງຄົມ ແລະ ຄວາມສະ ຫງົບຂອງບ້ານເມືອງ.
No comments:
Post a Comment