ທະນາຄານພົງສະຫວັນເປີດໜ່ວຍບໍລິການໃໝ່ຢູ່ບ້ານໜອງດ້ວງ

ວັນທີ 16 ມິຖຸນານີ້, ທະນາຄານພົງສະຫວັນໄດ້ເປີດໜ່ວຍບໍລິການໃໝ່ຂອງຕົນຂຶ້ນ, ຢູ່ບ້ານໜອງດ້ວງ ເມືອງສາໂຄດຕະບອງ ນະຄອນຫຼວງວຽງຈັນ ເພື່ອຄວາມສະດວກ ໃນການບໍລິການລູກຄ້າທີ່ນັບມື້ຂະຫຍາຍຕົວ.

ຮອງອຳນວຍການທະນາຄານດັ່ງກ່າວໃຫ້ຮູ້ວ່າ: ຜ່ານການດຳເນີນທຸລະ ກິດ ໃນ 8 ປີຜ່ານມາທະນາຄານໄດ້ມີໂອກາດປະກອບສ່ວນເຂົ້າໃນ ຂະບວນການ ພັດ ທະນາເສດຖະກິດປະເທດ, ໂດຍສະເພາະການກໍ່ສ້າງພື້ນຖານໂຄງລ່າງ, ສະໜັບສະ ໜູນແຫ່ງທືນໃຫ້ແກ່ນັກທຸລະກິດ ແລະ ຊາວຄ້າຂາຍໄດ້ທົ່ວເຖິງ, ພ້ອມທັງເຮັດໜ້າທີ່ແລກປ່ຽນເງິນຕາ ແລະ ການຮັບຝາກ, ໂອນເງິນເພື່ອການຊຳລະສະສາງອື່ນໆໃຫ້ຮັບປະກັນ, ດັ່ງນັ້ນນອກຈາກໄດ້ຂະຫຍາຍສາຂາ ແລ້ວຍັງໄດ້ຂະ ຫຍາຍຕູ້ຖອນເງິນ (ATM) ຫຼາຍກວ່າ 60 ໜ່ວຍທົ່ວນະຄອນຫຼວງ ແລະ ໃຫ້ບໍລິການເຄື່ອງຮູດບັດຢູ່ຕາມໜ່ວຍບໍ ລິການຕ່າງໆອີກດ້ວຍ, ເພື່ອສ້າງຄວາມສະດວກໃຫ້ແກ່ລູກຄ້າ.

ຮອງອຳນວຍການດັ່ງກ່າວໃຫ້ຮູ້ວ່າ: ທະນາຄານພົງສະຫວັນ ເປັນທະນາຄານທຸລະກິດຂອງເອກະຊົນລາວ 100 %, ປັດຈຸບັນມີສຳນັກງານໃຫຍ່ຕັ້ງຢູ່ຫຼັກ 7 ນະຄອນຫຼວງວຽງຈັນ, ມີ 4 ສາຂາໃຫຍ່, ຄືສາຂາສາມແສນໄທ, ສະຫວັນນະເຂດ, ຈຳປາສັກ ແລະ ບໍ່ແກ້ວ, ມີໜ່ວຍບໍລິການ 23 ແຫ່ງ, ມີຫ້ອງການຜູ້ຕ່າງໜ້າ 2 ແຫ່ງ ຢູ່ຮ່າໂນ້ຍ ສສຫວຽດ ນາມ ແລະ ກຸງເທບ ລາຊະອະນາຈັກໄທນຳ​ອີກ.