ສະຫະລັດອາເມລິກາສະໜັບສະໜູນແພດຊ່ຽວຊານລາວ ໄປທັດສະນະສຶກສາຢູ່ຕ່າງປະເທດ

ອົງການ Health Leadership International (HLI) ທີ່ມີສຳນັກງານໃຫຍ່ ຢູ່ເມືອງ Seattle, ໄດ້ເປັນເຈົ້າພາບ ຕ້ອນຮັບແພດຊ່ຽວຊານລາວສີ່ທ່ານທີ່ໄດ້ເດີນ ທາງໄປທັດສະນະສືກສາຢູ່ສະຫະລັດ ອາເມລິກາ ໃນວັນທີ 8-12 ມິຖຸນານີ້. ໂດຍໄດ້ຮັບທຶນສະໜັບສະໜູນຈາກກະຊວງການຕ່າງປະເທດສະຫະລັດອາເມລິກາ ຫ້ອງການການເມືອງ-ການທະຫານ,  ສຳນັກງານກຳຈັດ ແລະ ຫຼຸດຜ່ອນອາວຸດ.  ເພື່ອແນ່ໃສ່ເພີ່ມຄວາມເຂັ້ມແຂງໃຫ້ແກ່ລະບົບສາທາລະນະສຸກ ຂອງລາວ  HLI ໄດ້ສ້າງຕັ້ງຂຶ້ນໃນປີ 2008, ເປັນຄູ່ຮ່ວມມືກັບກະຊວງສາທາລະນະສຸກເພື່ອຝຶກອົບຮົມເຈົ້າໜ້າທີ່ການແພດໃນ ສປປ ລາວ. ພາຍໃຕ້ບົດບັດທຶກຊ່ວຍຈຳ5 ປິ ຄັ້ງທີສອງ, ເພື່ອສ້າງຄວາມເຂັ້ມແຂງທາງດ້ານການບົ່ງມະຕິ, ອາການພະຍາດ ແລະ ທັກສະ ການບໍລິຫານໂຮງຫມໍໃຫ້ແກ່ບັນດາໂຮງຫມໍແຂວງ ແລະ ໂຮງຫມໍເມືອງທ່ີຢູ່ເຂດຫ່າງໄກສອກຫລີກຂອງລາວນຳອີກ.ເຂົ້າ ຮ່ວມໃນການພັດທະນາການຝຶກອົບຮົມທາງດ້ານການແພດ ແມ່ນ ດຣ. ສົມຈັນ ໄຊສີດາ, ດຣ. ສີຈັນ ຫິມປະພັນ, ດຣ. ວິຣັກ ວິດາມາລີ ແລະ ດຣ.ໂມລິນາ ຈູມມະນີວົງ. ບັນດາແພດຊ່ຽວຊານທັງສີ່ທ່ານເປັນຜູ້ຮ່ວມຄະນະ ແລະ ເປັນທີ່ປືກ ສາໃຫ້ແກ່ຜູ້ຊ່ຽວຊານອາສາສະໝັກຂອງ HLI ໃນການສ້າງຫລັກສູດຂອງການຝຶກອົບຮົມບັນຫາສຸຂະ ພາບທ່ີເກີດຂຶ້ນໃນ ທ້ອງຖີ່ນ ແລະ ຂໍ້ຄົງຄ້າງຕ່າງໆທາງດ້ານການແພດທີ່ຈະຕ້ອງປັບປຸງແກ້ໄຂ.

          ສະຫະລັດອາເມລິກາມີຄວາມມຸ້ງໝັ້ນທີ່ຈະສືບຕໍ່ສະໜັບສະໜູນແນວຄິດລິເລີ້ມໃນການພັດທະນາສຸຂະພາບໃນ ສປປ ລາວ ຊຶ່ງໃນມໍ່ໆມານີ້ ສະຫະລັດອາເມລິກາໄດ້ໃຫ້ການສະໜັບສະໜູນສະໜອງທຶນຈຳນວນ 27 ລ້ານ US$  ໃຫ້ແກ່ອົງການອາຫານໂລກ ເພື່ອໂຄງການອາຫານທີ່ມີຄຸນຄ່າທາງໂພຊະນາການ ໃຫ້ແກ່ເດັກນ້ອຍນັກຮຽນຈຳນວນ 170,000 ຄົນ ຢູ່ໃນລາວ   ແລະ ໄດ້ບໍລິຈາກຈຳນວນ 1.2 ລ້ານ US $  ໃນໂຄງການມຸ້ງກັນຍຸງ, ຢາປົວພະຍາດ, ແລະ ໃຫ້ການຊ່ວຍເຫຼືອທາງດ້ານວິຊາການເພື່ອຕ້ານພະຍາດໃຂ້ຍຸງນຳອີກ.